Operation Sindoor: ହନୁମାନ ଜୀଙ୍କ ପରି ଆକ୍ରମଣ କଲା ସେନା: ପ୍ରତିରକ୍ଷା ମନ୍ତ୍ରୀ

ଅପରେସନ ସିନ୍ଦୂର ପରେ ପ୍ରତିକ୍ରିୟା ଦେଲେ ରାଜନାଥ ସିଂ। ସଠିକ୍ ଭାବେ ଭାରତୀୟ ସେନା ଏୟାରଷ୍ଟ୍ରାଇକ୍ କରିଛି। କେବଳ ଆତଙ୍କୀ ଠିକଣାକୁ ଟାର୍ଗେଟ୍ କରିଥିଲେ ଭାରତୀୟ ସେନା। ଭାରତୀୟ ସେନା ଆମର ଗର୍ବ ଗୌରବ। ଅପରେସନ୍ ସିନ୍ଦୂରକୁ ନେଇ ପ୍ରତିରକ୍ଷା ମନ୍ତ୍ରୀଙ୍କ ଦମ୍ଭୋକ୍ତି। ଆତଙ୍କବାଦୀଙ୍କୁ କଡ଼ା ଜବାବ ଦିଆଯାଇଛି। ଯିଏ ଆମ ନିରୀହ ଲୋକଙ୍କୁ ମାରିଥିଲେ ତାଙ୍କୁ ଟାର୍ଗେଟ୍ କରିଛୁ।

ରାଜନାଥ ସିଂହ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମାର୍ଗଦର୍ଶନରେ ସେନା ଶତ୍ରୁକୁ ଉପଯୁକ୍ତ ଜବାବ ଦେଇଛି। ସେ କହିଥିଲେ ଯେ ଭାରତୀୟ ସେନା ନିଜର ବୀରତ୍ୱ ଏବଂ ସାହସ ପ୍ରଦର୍ଶନ କରି ଏକ ନୂତନ ଇତିହାସ ଲେଖିଛି।

ପ୍ରତିରକ୍ଷା ମନ୍ତ୍ରୀ କହିଛନ୍ତି, "ଭାରତୀୟ ସେନା ସଠିକତା, ସତର୍କତା ଏବଂ ସମ୍ବେଦନଶୀଳତାର ସହିତ କାର୍ଯ୍ୟ କରିଛି। ଆମେ ଯେଉଁ ଟାର୍ଗେଟ୍ ସ୍ଥିର କରିଥିଲୁ, ତାହା ଯୋଜନାବଦ୍ଧ ଯୋଜନା ଅନୁଯାୟୀ ସଠିକତାର ସହିତ ଧ୍ୱଂସ କରାଯାଇଛି। କୌଣସି ସାଧାରଣ ନାଗରିକ ରହୁଥିବା ସ୍ଥାନକୁ ଟାର୍ଗେଟ କରାଯାଇ ନାହିଁ। ଏହାର ଅର୍ଥ ହେଉଛି ସେନା ଏକ ପ୍ରକାର ସଠିକତା, ସତର୍କତା ଏବଂ ମାନବିକତା ଦେଖାଇଛି।"

ଏହାସହ 'ଅପରେସନ୍ ସିନ୍ଦୂର'କୁ ହନୁମାନଜୀଙ୍କ ସହ ତୁଳନା କଲେ ରାଜନାଥ । କହିଲେ, ଯେମିତି ହନୁମାନଜୀ ଲଙ୍କାରେ ପଶି ରାକ୍ଷସ ଗଡକୁ ଧ୍ବଂସ କରିଥିଲେ, ସେମିତି ଭାରତ ପାକିସ୍ତାନ ଭିତରେ ପଶି ଆତଙ୍କୀ ଗଡକୁ ଧ୍ବଂସ କରିଛି । ଭାରତୀୟ ସେନା ହନୁମାନଜୀଙ୍କ ଆଦର୍ଶକୁ ପାଳନ କରିଛନ୍ତି । ଭାରତ କେବଳ ସେହିମାନଙ୍କୁ ମାରିଛି ଯେଉଁମାନେ ଆମ ଭାରତୀୟଙ୍କୁ ମାରିଥିଲେ ।