ହମାସ-ଇସ୍ରାଏଲ ଯୁଦ୍ଧ: ଇସ୍ରାଏଲରୁ ଭାରତ ଫେରିଲେ ୧୪୩ ଜଣ ଭାରତୀୟ
Operation Ajay: ଗାଜାରେ ହମାସ ବିରୋଧରେ ଇସ୍ରାଏଲର ପ୍ରତିଶୋଧ ପରାୟଣ ଯୁଦ୍ଧ ଜାରି ରହିଛି । ଏହାରି ମଧ୍ୟ ୧୫ ଦିନ ବିତି ଗଲାଣି ହେଲେ ଇସ୍ରାଏଲ-ହମାସ ଯୁଦ୍ଧର ଅନ୍ତି ହେଉ ନାହିଁ । ଏହାରି ମଧ୍ୟରେ ଅପରେସନ୍ ଅଜୟ ଅଧୀନରେ ଭାରତୀୟ ନାଗରିକଙ୍କୁ ନେଇ ଷଷ୍ଠ ବିମାନ ଦିଲ୍ଲୀ ବିମାନବନ୍ଦରରେ ପହଞ୍ଚିଛି । ଦୁଇଜଣ ନେପାଳୀ ନାଗରିକଙ୍କ ସମେତ 143 ଜଣ ଯାତ୍ରୀ ସୁରକ୍ଷିତ ଭାରତ ସ୍ୱଦେଶ ଫେରିଛନ୍ତି ।
ବିମାନ ବନ୍ଦରରେ ଭାରତୀୟମାନଙ୍କୁ ସ୍ୱାଗତ କରିବା ପାଇଁ ଇସ୍ପାତ ଏବଂ ଗ୍ରାମ୍ୟ ଉନ୍ନୟନ ମନ୍ତ୍ରୀ ଫଗଗାନ୍ ସିଂ କୁଲସ୍ତେ ଉପସ୍ଥିତ ଥିଲେ। ସେ ଇସ୍ରାଏଲରୁ ଆସୁଥିବା ଭାରତୀୟମାନଙ୍କୁ ତ୍ରୀରଙ୍ଗା ପତାକା ଦେଇ ସ୍ୱାଗତ କରିଥିଲେ।
ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅରିନ୍ଦମ ବାଗଚି କହିଛନ୍ତି ଯେ, ହମାସ ସହ ଚାଲିଥିବା ଯୁଦ୍ଧ ମଧ୍ୟରେ କେନ୍ଦ୍ର ସରକାର ଇସ୍ରାଏଲର ସ୍ଥିତିକୁ ଆକଳନ କରୁଛନ୍ତି। ବାଗଚି କହିଛନ୍ତି, "ଖୁସିର କଥା, କୌଣସି ମୃତାହତ ଖବର ବର୍ତ୍ତମାନ ପର୍ଯ୍ୟନ୍ତ ନାହିଁ । ଜଣେ ଭାରତୀୟ ନାଗରିକ ଆହତ ହୋଇ ଚିକିତ୍ସିତ ହେଉଛନ୍ତି। ବର୍ତ୍ତମାନ ତାଙ୍କ ଅବସ୍ଥା ସ୍ଥିର ରହିଛି।"
ସେ ଆହୁରି ମଧ୍ୟ କହିଛନ୍ତି, "ଗାଜାରେ ପ୍ରାୟ ଚାରିଜଣ ଭାରତୀୟ ନାଗରିକ ଅଛନ୍ତି। ଯଦିଓ ପ୍ରକୃତ ସଂଖ୍ୟା ଆମ ପାଖରେ ନାହିଁ କିନ୍ତୁ ଏହା ନିଶ୍ଚିତ କରିବା ପାଇଁ ଇସ୍ରାଏଲ୍ ବୈଦେଶିକ ବିଭାଗ ସହିତ ଯୋଗାଯୋଗ କରାଯାଉଛି। ପାଶ୍ଚାତ୍ୟ ଦେଶରେ 12-13 ଜଣ ଭାରତୀୟ ନାଗରିକ ଅଛନ୍ତି ।
Click it and Unblock the Notifications
Sign in with Google