ଲଞ୍ଚ ହେଲା OpenAI ଏକାଡେମୀ, ଛାତ୍ରଛାତ୍ରୀଙ୍କୁ ମିଳିବ ଗୁଣାତ୍ମକ ଶିକ୍ଷା
ଉନ୍ନତ ସ୍ତରର ଆର୍ଟିଫିସିଆଲ ଇଣ୍ଟେଲିଜେନ୍ସ (AI) ପାଠ୍ୟକ୍ରମ ଶିଖିବାର ଭାରତର ସ୍ୱପ୍ନ ହେବ ପୂରଣ । ChatGPTର ନିର୍ମାତା OpenAI ଜୁନ୍ ୬ତାରିଖରେ ଦେଶରେ OpenAI ଏକାଡେମୀ ଇଣ୍ଡିଆ ଆରମ୍ଭ କରିଛି। ଏହା AI ଶିକ୍ଷା ପ୍ଲାଟଫର୍ମର ପ୍ରଥମ ଆନ୍ତର୍ଜାତୀୟ ରୋଲଆଉଟ୍। ଯାହାକି ଏଆଇ ଶିକ୍ଷା ଏବଂ ଟୁଲ୍ଗୁଡ଼ିକର ପ୍ରବେଶକୁ ବୃଦ୍ଧି କରିବା ପାଇଁ ଡିଜାଇନ କରାଯାଇଛି ।
ଭାରତ ସରକାରଙ୍କ ସୂଚନା ପ୍ରଯୁକ୍ତି ମନ୍ତ୍ରଣାଳୟ ଅଧୀନରେ ଥିବା IndiaAI ମିଶନ ସହଯୋଗରେ OpenAI, ଭାରତରେ 'OpenAI ଏକାଡେମୀ ଇଣ୍ଡିଆ'ର ଶୁଭାରମ୍ଭ ଘୋଷଣା କରିଛି । OpenAI ଏବଂ IndiaAI ମଧ୍ୟରେ ଏକ ବୁଝାମଣାପତ୍ର (MoU) ସ୍ୱାକ୍ଷରିତ ହୋଇଛି।
ଡିଜିଟାଲ ଏବଂ ବ୍ୟକ୍ତିଗତ ଶିକ୍ଷାର ମିଶ୍ରଣ ପ୍ରଦାନ କରୁଥିବା ଏହି ପଦକ୍ଷେପ ଇଂରାଜୀ ଏବଂ ହିନ୍ଦୀ ଉଭୟ ଭାଷାରେ ଉପଲବ୍ଧ ହେବ, ପରେ ଆଞ୍ଚଳିକ ଭାଷା ଯୋଡିବାର ଯୋଜନା ରହିଛି ।
ଏକାଡେମୀର ଲକ୍ଷ୍ୟ ସାରା ଦେଶରେ AI ଶିକ୍ଷା ଏବଂଟୁଲ୍ ଗୁଡ଼ିକୁ ଅଧିକ ସୁଲଭ କରିବା ,ଦେଶର ଦ୍ରୁତ ଗତିରେ ବଢ଼ୁଥିବା ଡେଭଲପର , ଦୃଢ଼ ଡିଜିଟାଲ୍ ଭିତ୍ତିଭୂମି ଏବଂ ସକ୍ରିୟ ଷ୍ଟାର୍ଟଅପ୍ ଇକୋସିଷ୍ଟମ ଉପରେ ନିର୍ମାଣ । ଏହି ପ୍ରୟାସରେ ଛଅଟି ପ୍ରମୁଖ ଭାରତୀୟ ସହରରେ OpenAI ବିଶେଷଜ୍ଞ ଏବଂ ଅଂଶୀଦାରମାନଙ୍କ ନେତୃତ୍ୱରେ ନିୟମିତ ୱେବିନାର ଏବଂ ବ୍ୟକ୍ତିଗତ କର୍ମଶାଳା ମଧ୍ୟ ଅନ୍ତର୍ଭୁକ୍ତ ହେବ।
ଏହା ସହିତ, OpenAI IndiaAI ମିଶନ ଅଧୀନରେ ଅନୁମୋଦିତ ୫୦ଟି ଷ୍ଟାର୍ଟଅପ୍ କିମ୍ବା ଫେଲୋଙ୍କୁ 100,000 ଡଲାର ପର୍ଯ୍ୟନ୍ତ API କ୍ରେଡିଟ୍ ପ୍ରଦାନ କରିବ।
ଓପନ୍ଏଆଇ ଏକାଡେମୀ ଇଣ୍ଡିଆ ଛାତ୍ରଛାତ୍ରୀ, ଡେଭଲପର, ଶିକ୍ଷକ, ସରକାରୀ କର୍ମଚାରୀ, ଛୋଟ ବ୍ୟବସାୟ ମାଲିକଙ୍କ ପାଇଁ ଏଆଇ ତାଲିମ ଉପଲବ୍ଧ କରାଇ ଇଣ୍ଡିଆ ଏଆଇ ମିଶନର 'ଫ୍ୟୁଚର୍ ସ୍କିଲ୍ସ' ପଦକ୍ଷେପକୁ ସମର୍ଥନ କରିବ।
ଏହି କାର୍ଯ୍ୟକ୍ରମଟି ଅନଲାଇନ୍ ଏବଂ ଅଫଲାଇନ୍ ଶିକ୍ଷା ଅଭିଜ୍ଞତାର ମିଶ୍ରଣ ହେବ। OpenAI ଏହାର ଶିକ୍ଷାଗତ ବିଷୟବସ୍ତୁକୁ FutureSkills ପ୍ଲାଟଫର୍ମରେ ସଂଯୁକ୍ତ କରିବ। ଏହା iGOT କର୍ମଯୋଗୀ ପ୍ଲାଟଫର୍ମରେ ମଧ୍ୟ ଏହାର ବିଷୟବସ୍ତୁ ପ୍ରଦାନ କରିବ, ଯାହା ସରକାରୀ କର୍ମଚାରୀଙ୍କ ଦକ୍ଷତା ବୃଦ୍ଧି କରିବା ପାଇଁ ଡିଜାଇନ୍ କରାଯାଇଛି।
କମ୍ପାନୀଟି ଜେନେରେଟିଭ୍ ଏଆଇ ଟୁଲ୍ସର ପ୍ରଭାବଶାଳୀ ବ୍ୟବହାର ପାଇଁ ୧୦୦,୦୦୦ ଶିକ୍ଷକଙ୍କୁ ତାଲିମ ଦେବାରେ ସାହାଯ୍ୟ କରିବାକୁ ମଧ୍ୟ ଯୋଜନା କରୁଛି। ଓପନ୍ଏଆଇ କହିଛି ଯେ ଏହା ସାତଟି ଭାରତୀୟ ରାଜ୍ୟରେ ହାକାଥନ୍ ଆୟୋଜନ କରିବ, ଯାହାର ଲକ୍ଷ୍ୟ ପ୍ରାୟ ୨୫,୦୦୦ ଛାତ୍ରଛାତ୍ରୀଙ୍କୁ ସାମିଲ କରିବା।
"ଆମେ OpenAI ଏକାଡେମୀ ଇଣ୍ଡିଆ ଆରମ୍ଭ କରିବା ପାଇଁ IndiaAI ସହିତ ସହଭାଗୀ ହୋଇ ଗର୍ବିତ ଏବଂ ଅଧିକ ଲୋକଙ୍କୁ ସେମାନଙ୍କ କାର୍ଯ୍ୟ ଏବଂ ଜୀବନରେ AI ର ବ୍ୟବହାର କରିବା ପାଇଁ ଆତ୍ମବିଶ୍ୱାସ ଏବଂ ଦକ୍ଷତା ହାସଲ କରିବାରେ ସାହାଯ୍ୟ କରୁଛୁ," OpenAIର ମୁଖ୍ୟ ରଣନୀତି ଅଧିକାରୀ ଜେସନ କ୍ୱନ କହିଛନ୍ତି।
Click it and Unblock the Notifications
Sign in with Google