CAA Law: ୨୦୧୫ ପରେ ଭାରର ଆସିଥିବା ଲୋକଙ୍କୁ ନିଜ ଦେଶକୁ ପଠାଯିବ, ଚେତାବନୀ ଦେଲେ ଆସାମ ମୁଖ୍ୟମନ୍ତ୍ରୀ

Himanta Biswa Sarma On CAA: ସୋମବାର ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବଶର୍ମା CAA'କୁ ନେଇ ଗୁରୁତ୍ୱପୂର୍ଣ୍ଣ ସୂଚନା ଜାରି କରିଛନ୍ତି । ସେ କହିଛନ୍ତି ଯେ ନିୟମ ନୋଟିସ ହେବାର ଚାରି ମାସ ପରେ ରାଜ୍ୟରେ ନାଗରିକତ୍ୱ ସଂଶୋଧନ ଅଧିନିୟମ (CAA) ଅନୁଯାୟୀ କେବଳ ଆଠ ଜଣ ନାଗରିକତ୍ୱ ପାଇଁ ଆବେଦନ କରିଛନ୍ତି। ସେ ଆହୁରି କହିଛନ୍ତି ବିରୋଧୀ ପ୍ରଦର୍ଶନକାରୀମାନେ ଲୋକଙ୍କୁ ଭୟଭୀତ କରିବାକୁ ଚେଷ୍ଟା କରିଥିଲେ । ସଂଶୋଧିତ ଆଇନ ଅନୁଯାୟୀ 50 ଲକ୍ଷ ପର୍ଯ୍ୟନ୍ତ ବେଆଇନ ପ୍ରବାସୀ ଭାରତୀୟ ନାଗରିକତ୍ୱ ପାଇପାରିବେ।

ଏକ ସାମ୍ବାଦିକ ସମ୍ମିଳନୀରେ ହିମନ୍ତ ବିଶ୍ବଶର୍ମା କହିଛନ୍ତି, "କେବଳ ଆଠ ଜଣ ଲୋକ CAA ଅଧୀନରେ ନାଗରିକତା ପାଇଁ ଆବେଦନ କରିଛନ୍ତି।" ଯାହା ମଧ୍ୟରୁ କେବଳ 2 ଜଣ ଇଣ୍ଟରଭିୟୁ ପାଇଁ ଆସିଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ, ବଙ୍ଗୀୟ ହିନ୍ଦୁ ସମ୍ପ୍ରଦାୟର ସଦସ୍ୟମାନେ ଯେଉଁ ମାନେ ନ୍ୟାସନାଲ ରେଜିଷ୍ଟର ଅଫ୍ ସିଟିଜେନ୍ସ (NRC) ରେ ସାମିଲ ନାହାଁନ୍ତି ସେମାନେ
CAA ଅଧୀନରେ ନାଗରିକତ୍ୱ ପାଇଁ ଆବେଦନ କରିବେ ନାହିଁ ।

ଆସାମ ଜାତୀୟ ନାଗରିକତ୍ୱ ରେଜିଷ୍ଟର (ଏନସିଆର) ସୁପ୍ରିମକୋର୍ଟଙ୍କ ତତ୍ତ୍ୱାବଧାନରେ କରିଥିଲା, ଯାହାର ତାଲିକା 2019 ରେ ବାହାରିଥିଲା। ପ୍ରାୟ 19 ଲକ୍ଷ ଲୋକଙ୍କ ନାମ NRC ର ଅଦ୍ୟତନ ତାଲିକାରେ ନଥିଲା, ଯାହା ନାଗରିକତ୍ୱ ପ୍ରମାଣ କରିଥାଏ। ସରମା କହିଛନ୍ତି, "ମୁଁ ଅନେକ ଲୋକଙ୍କୁ ଭେଟିଛି, ସେମାନେ ଆମକୁ କହୁଛନ୍ତି ଯେ ଆମର ଭାରତୀୟ ନାଗରିକତ୍ୱ ବିଷୟରେ ଆମେ ଆତ୍ମବିଶ୍ୱାସୀ, ଆମେ ଏହାକୁ କୋର୍ଟରେ ପ୍ରମାଣ କରିବାକୁ ଚାହୁଁଛୁ।

ଆସାମରେ ଥିବା ବିଦେଶୀ ଟ୍ରିବ୍ୟୁନାଲରେ ମାମଲା ପ୍ରତ୍ୟାହାର କରାଯିବ କି ନାହିଁ ପଚରାଯିବାରୁ ମୁଖ୍ୟମନ୍ତ୍ରୀ କହିଛନ୍ତି ଯେ, ଏହି ମାମଲା କିଛି ମାସ ପାଇଁ ସ୍ଥଗିତ ରଖିବାକୁ ପଡିପାରେ। ହିମନ୍ତ ବିଶ୍ୱ ସର୍ମା କହିଛନ୍ତି ଯେ ବିଦେଶୀ ଟ୍ରିବ୍ୟୁନାଲରେ ଚାଲିଥିବା ପ୍ରକ୍ରିୟା ଦୁଇ-ତିନି ମାସ ପାଇଁ ବନ୍ଦ କରାଯାଉ ଏବଂ ଲୋକଙ୍କୁ CAA ଅଧୀନରେ ନାଗରିକତା ପାଇଁ ଆବେଦନ କରିବାର ସୁଯୋଗ ଦିଆଯାଉ।

ହିମନ୍ତ ବିଶ୍ୱ ସରମା ଆହୁରି କହିଛନ୍ତି ଯେ 2015 ପୂର୍ବରୁ ଭାରତ ଆସିଥିବା ଯେକୌଣସି ବ୍ୟକ୍ତି (CAA ଅନୁଯାୟୀ) ନାଗରିକତା ପାଇଁ ଆବେଦନ କରିବାକୁ ପଡ଼ିବ । ଯଦି ସେମାନେ ଆବେଦନ ନକରନ୍ତି, ଆମେ ସେମାନଙ୍କ ବିରୋଧରେ ମାମଲା ରୁଜୁ କରିବୁ। ତେଣୁ ଏହା ଏକ ଆଇନଗତ ନିର୍ଦ୍ଦେଶ । 2015 ପରେ ଯେଉଁମାନେ ଆସିଛନ୍ତି ଆମେ ସେମାନଙ୍କୁ ଦେଶରୁ ବାହର କରିଦେବୁ ।

ଆସାମରେ CAA ବିରୋଧରେ ହୋଇଥିବା ବ୍ୟାପକ ବିରୋଧ ଉପରେ ସରମା କହିଛନ୍ତି ଯେ, ସଂଶୋଧିତ ନାଗରିକତ୍ୱ ଆଇନ ଅନୁଯାୟୀ ଅତି କମରେ ଦୁଇ-ତିନି ଲକ୍ଷ ଲୋକ ନାଗରିକତ୍ୱ ପାଇଁ ଆବେଦନ କରିବେ ବୋଲି ଆଶା କରାଯାଉଥିଲା । ହେଲେ ସାକ୍ଷାତକାର ପାଇଁ କେବଳ ଦୁଇଜଣ ଲୋକ ଆସିଛନ୍ତି। ସରମା କହିଛନ୍ତି, CAA ବିରୋଧୀ ବିରୋଧର ନେତୃତ୍ୱ ନେଉଥିବା ଲୋକମାନେ ଆକଳନ କରିଛନ୍ତି ଯେ 30 ଲକ୍ଷ ଏବଂ 50 ଲକ୍ଷ ବେଆଇନ ପ୍ରବାସୀ ଭାରତୀୟ ଆଇନ ମାଧ୍ୟମରେ ନାଗରିକତ୍ୱ ପାଇବେ, କିନ୍ତୁ ବର୍ତ୍ତମାନ ଏହି ସଂଖ୍ୟାକୁ ଦେଖନ୍ତୁ। 2019 ରେ CAA ବିରୋଧୀ ପ୍ରଦର୍ଶନ ସମୟରେ ନିହତ ହୋଇଥିବା ପାଞ୍ଚ ଜଣଙ୍କ ମୃତ୍ୟୁ ବିଷୟରେ ମଧ୍ୟ ସେ ଉଲ୍ଲେଖ କରିଛନ୍ତି।

English summary

Only 8 Applied Citizenship Under CAA: Assam CM Himanta Biswa Sarma.