ମମତା ସରକାର ବିରୋଧରେ ଏକଜୁଟ୍ ସାରା ଦେଶ: ୱାନାଇଣ୍ଡିଆର ଗ୍ରାଉଣ୍ତ ରିପୋର୍ଟ

Updated: Thursday, August 22, 2024, 18:17 [IST]

Oneindia Ground Report: କୋଲକାତାର ଆର.ଜି କର ମେଡିକାଲ କଲେଜ ଏବଂ ଡାକ୍ତରଖାନାରେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ଏବେ ସାରା ଦେଶରେ ଅସନ୍ତୋଷ ଦେଖାଦେଇଛି । ଏହି ମାମଲାର ନୂଆ ନୂଆ ତଥ୍ୟ ସାମ୍ନାକୁ ଆସିବା ପରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ତାଙ୍କ ପ୍ରଶାସନ ଉପରେ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି । ଏହି ଘଟଣା କେବଳ ମେଡିକାଲ ସିଷ୍ଟମ ହିଁ ନୁହେଁ ବରଂ ପଶ୍ଚିମବଙ୍ଗ ସରକାର ଏବଂ ପୋଲିସର ମଧ୍ୟ ନିନ୍ଦା କରାଯାଇଛି ଏବଂ ବିଭିନ୍ନ ବର୍ଗର ନାଗରିକ ମଧ୍ୟ ଏକତ୍ରିତ ହୋଇ ବିରୋଧ ପ୍ରଦର୍ଶନ କରୁଥିବାର ଦେଖିବା ପାଇଁ ମିଳିଛି ।

ୱାନଇଣ୍ତିଆ ଅନେକ ବିକ୍ଷୋଭକାରୀ ଏବଂ ବିଭିନ୍ନ ବର୍ଗର ଲୋକଙ୍କ ସହ ଏହି ପ୍ରସଙ୍ଗରେ ଆଲୋଚନା କରିଥିଲା ଏବଂ ଏହି ଅପରାଧ ବିଷୟରେ ତାଙ୍କ ଭାବନାକୁ ବୁଝିବା ପାଇଁ ଚେଷ୍ଚା କରିଥିଲା । ଏହି ମାମଲାକୁ ବିରୋଧ କରି ସାରା ଦେଶର ଡାକ୍ତର ମାନେ ବିକ୍ଷୋଭ ପ୍ରଦର୍ଶନ କରିଥିଲେ । ଦିଲ୍ଲୀର ରାମ ମନୋହର ଲୋହିଆ ହସ୍ପିଟାଲର ରେସିଡେଣ୍ଟ ଡାକ୍ତରମାନେ ପ୍ରଥମେ ଏହି ଧର୍ମଘଟକୁ ବନ୍ଦ କରିଦେଇଥିଲେ ଏବଂ ସମଗ୍ର ଭାରତରେ ସେମାନଙ୍କ ସହକର୍ମୀଙ୍କ ସହ ଏକଜୁଟ ହୋଇ ପୁଣି ବିରୋଧ ପ୍ରଦର୍ଶନ କରିବା ଆରମ୍ଭ କରିଥିଲେ । ତେବେ ମୃତ ମହିଳା ଡାକ୍ତରଙ୍କୁ ନ୍ୟାୟ ନ ମିଳିବା ପର୍ଯ୍ୟନ୍ତ ଏପରି ବିରୋଧ ପ୍ରଦର୍ଶନ ଜାରି ରହିବ ।

ବେଙ୍ଗାଲୁରୁର ଡାକ୍ତର ଅଶ୍ୱିନୀ ଏହି ଘଟଣାକୁ ନେଇ ମହିଳା ଡାକ୍ତରଙ୍କ ଭୟ ଏବଂ ଚିନ୍ତା ବିଷୟରେ କହିଛନ୍ତି, 'ପଶ୍ଚିମବଙ୍ଗରେ ଘଟିଥିବା ଏହି ଭୟାନକ ଘଟଣା ଆମ ସମସ୍ତଙ୍କୁ ଭୟଭୀତ କରିଛି। ଆମକୁ ସୁରକ୍ଷା ଦରକାର ଏବଂ ପଶ୍ଚିମବଙ୍ଗରେ ପୀଡିତାଙ୍କ ପାଇଁ ନ୍ୟାୟ ପ୍ରଦାନ କରାଯିବା ଆବଶ୍ୟକ। ତାଙ୍କ ଶବ୍ଦ ଅଗଣିତ ସ୍ୱାସ୍ଥ୍ୟସେବା ବୃତ୍ତିଗତଙ୍କ ଭାବନାକୁ ପ୍ରତିଫଳିତ କରେ ଯେଉଁମାନେ ନିଜ କର୍ମକ୍ଷେତ୍ରରେ ଅଧିକ ଅସୁରକ୍ଷିତ ମନେ କରନ୍ତି ।

ସେହିପରି ବେଙ୍ଗାଲୁରୁର ଆଉ ଜଣେ ଡାକ୍ତର ଶାମା ରାଓ କହିଛନ୍ତି, "ଡାକ୍ତରଙ୍କ ପାଇଁ କୌଣସି ସୁରକ୍ଷା ନାହିଁ ଏବଂ ଏହା ହେଉଛି ମୁଖ୍ୟ ସମସ୍ୟା। ଏପରିକି ଏହି ଘଟଣାରେ ଏପର୍ଯ୍ୟନ୍ତ କୌଣସି ନ୍ୟାୟ ପ୍ରଦାନ କରାଯାଇ ନାହିଁ । ଯେଉଁଥି ପାଇଁ ଆମେ ନିଜ ଜୁନିୟରଙ୍କୁ ନିଡର ହୋଇ କାମ କରିବା ପାଇଁ କହିପାରୁ ନାହୁଁ ।

ପଶ୍ଚିମବଙ୍ଗ ସରକାର FIR ଦାଖଲ କରିବାରେ ବିଳମ୍ବ କରିଥିଲେ ଯେଉଁଥି ପାଇଁ ସୁପ୍ରିମକୋର୍ଟ ନିନ୍ଦା କରିଛନ୍ତି । ଡାକ୍ତରମାନଙ୍କ ସୁରକ୍ଷା ପାଇଁ ପଦକ୍ଷେପ ନେବାକୁ ଗୃହ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି । ଡାକ୍ତରଙ୍କ ସୁରକ୍ଷା ପାଇଁ ଏକ ଜାତୀୟ ପ୍ରୋଟୋକଲ୍ ପ୍ରସ୍ତୁତ କରିବାକୁ ୧୦ ଜଣିଆ ଟାସ୍କଫୋର୍ସ ଗଠନ କରିବାକୁ କୋର୍ଟଙ୍କ ନିର୍ଦ୍ଦେଶ ଦେଇଛନ୍ତି । ଟାସ୍କଫୋର୍ସ ତିନି ସପ୍ତାହ ମଧ୍ୟରେ ମଧ୍ୟବର୍ତ୍ତୀକାଳୀନ ରିପୋର୍ଟ ଏବଂ ଦୁଇମାସ ମଧ୍ୟରେ ଏକ ଚୂଡ଼ାନ୍ତ ରିପୋର୍ଟ ଦାଖଲ କରିବ ବୋଲି ଆଶା କରାଯାଉଛି ।

ମମତା ବାନାର୍ଜୀ ପ୍ରଶାସନର ଭୂମିକା
ଏହି ମାମଲାରେ ଅବହେଳା ଜନସାଧାରଣଙ୍କ କ୍ରୋଧର କାରଣରେ । ମମତା ବାନାର୍ଜୀଙ୍କ ନେତୃତ୍ୱାଧୀନ ପଶ୍ଚିମବଙ୍ଗ ସରକାର ଏହି ମାମଲା ପରିଚାଳନା ପାଇଁ କଡ଼ା ସମାଲୋଚନାର ଶିକାର ହୋଇଛନ୍ତି। ବିଳମ୍ବରେ ଏଫ୍ଆଇଆର୍ ରୁଜୁ କରିବା, ଡାକ୍ତରଖାନା କର୍ତ୍ତୃପକ୍ଷ ଏହି ଘଟଣାକୁ ଆତ୍ମହତ୍ୟା ବୋଲି ଦର୍ଶାଇବା ଏବଂ ଏହାପରେ ଡାକ୍ତରଖାନାରେ ହିଂସା ଘଟଣା ରାଜ୍ୟ ପ୍ରଶାସନର ପ୍ରାଥମିକତା ଏବଂ ଦକ୍ଷତା ଉପରେ ଗୁରୁତର ପ୍ରଶ୍ନ ସୃଷ୍ଟି କରିଛି।

ହାଇଦ୍ରାବାଦର ଜଣେ ବ୍ୟକ୍ତି ୱାନଇଣ୍ତିଆକୁ କହିଛନ୍ତି, 'ମମତା ସରକାର କୋଲକତା ବଳାତ୍କାର ଓ ହତ୍ୟା ମାମଲା ପରିଚାଳନା କରିବାରେ ବିଫଳ । ତୁରନ୍ତ ଏଫଆଇଆର ଦାଖଲ କରାଯାଇ ନଥିଲା ଏବଂ ଅନୁସନ୍ଧାନ ସମୟରେ ଅନେକ ତ୍ରୁଟି ଦେଖାଯାଇଥିଲା। ତଦନ୍ତ ଠିକସେ ହୋଇ ନାହିଁ । ଏହି ମାମଲାର ଯାଞ୍ଚରେ ତ୍ରୁଟି ରହିଛି । ଅନେକ ଲୋକ ଦାବି କରିଛନ୍ତି ଯେ ଏହି ଘଟଣାର ମୁଖ୍ୟ ଅଭିଯୁକ୍ତକୁ କେବେ ଧରାଯାଇ ପାରିବ ନାହିଁ କି ଦଣ୍ତ ମିଳିବ ନାହିଁ ।

ସ୍ୱାଧିନତା ଦିବସରେ ଦେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦି କୋଲକାତା ଘଟଣା ବିଷୟରେ ଆଲୋଚନା କରିଥିଲେ । ଜଘନ୍ୟ ଅପରାଧ ସହ ଜଡିତ ବ୍ୟକ୍ତିଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ କରାଯିବ ବୋଲି ପ୍ରଧାନମନ୍ତ୍ରୀ କହିଥିଲେ ।