ବାରାମୁଲ୍ଲା ଆସନରୁ ହାରିଗଲେ ଓମାର ଅବଦୁଲ୍ଲା
Omar Abdullah Lost Baramulla Election: ଲୋକସଭା ନିର୍ବାଚନ ୨୦୨୪ର ଫଳାଫଳ ଖୁବ ରୋମାଞ୍ଚକ ଭରା ରହିଛି । ୟୁପି ସମେତ ଅନେକ ରାଜ୍ୟରେ ବିଜେପିକୁ ଝଟକା ଲାଗିଛି । ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ବାରୁମୁଲ୍ଲା ଆସନରେ ପ୍ରାୟ ୧ ଲକ୍ଷରୁ ଅଧିକ ଭୋଟରେ ପରାସ୍ତ ହୋଇଛନ୍ତି । ତାଙ୍କୁ ଜେଲରେ ଥାଇ ମଧ୍ୟ ପରାସ୍ତ କରିଛନ୍ତି ସ୍ୱାଧୀନ ପ୍ରାର୍ଥୀ ଅବଦୁଲ ରଶିଦ ଶେଖ ।
ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ନିର୍ବାଚନ କମିଶନ ରେଡଲ୍ଟ ଘୋଷଣା କରି ନାହାଁନ୍ତି । ହେଲେ ଏବେ ଓମାର ଆବଦୁଲ୍ଲା ଫଳାଫଳ ଆସିବା ପୂର୍ବରୁ ହିଁ ପରାଜୟ ସ୍ୱିକାର କରିଛନ୍ତି ଏବଂ ରଶିଦଙ୍କୁ ଶୁଭେଚ୍ଛା ଜଣାଇଛନ୍ତି । ସୂଚନାଥାଉ ଯେ, ୟୁଏପିଏ ବଳରେ ଗିରଫ ହୋଇ ରଶିଦଙ୍କୁ ତିହାର ଜେଲରେ ରଖାଯାଇଛି । ସେ ନିଜେ ଜେଲରୁ ବାହରକୁ ଆସି ପ୍ରଚାର କରି ନଥିଲେ ସତ ହେଲେ ତାଙ୍କୁ ଜନତାଙ୍କ ଭଲ ପାଇବା ମିଳିଛି ।
୫୭ ବର୍ଷୀୟ ରଶିଦ ଉତ୍ତର କଶ୍ମୀରର ଲାନଗେଟ ଆସନରୁ ୨ ଥର ବିଧାୟକ ରହିସାରିଛନ୍ତି । ମୁଖ୍ୟସ୍ରୋତ ରାଜନୀତିକୁ ଆସିବା ପୂର୍ବରୁ ସେ ହୁରିୟାତ ନେତା ଅବଦୁଲ ଘନି ଲୋକଙ୍କ ଅତ୍ୟନ୍ତ ଘନିଷ୍ଠ ଥିଲେ। ଏଥରେ ସେ ଜେଲରେ ଥାଇ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନ ଲଢୁଥିଲେ ।
Click it and Unblock the Notifications
Sign in with Google