OLYMPICS 2028: 2028 ଅଲିମ୍ପିକ୍ସର କ୍ରୀଡାସୂଚୀ ରିଲିଜ: ଏହି ଦିନ ହେବେ କ୍ରିକେଟ ମ୍ୟାଚ

ପ୍ରଥମ ଥର ପାଇଁ ଅଲିମ୍ପିକ୍ସରେ କ୍ରିକେଟକୁ ସାମିଲ କରାଯାଇଛି । 2028 ଜୁଲାଇ 12ରୁ 30 ଜୁଲାଇ ପର୍ଯ୍ୟନ୍ତ ଅଲମ୍ପିକ୍ସ ଚାଲିବ ।

ଲସ୍ ଆଞ୍ଜେଲସ୍ ଅଲିମ୍ପିକ୍ସ 2028ର ଆୟୋଜକ କମିଟି ଦ୍ବାରା ଅଲିମ୍ପିକ୍ସର ପୁରା କ୍ରୀଡାସୂଚୀ ଜାରି ହୋଇଛି । 2028 ଜୁଲାଇ 12ରୁ 30 ଜୁଲାଇ ପର୍ଯ୍ୟନ୍ତ ଅଲମ୍ପିକ୍ସ ଚାଲିବ । କ୍ରିକେଟ ମ୍ୟାଚ 12 ତାରିଖରୁ ଖେଳାଯିବ । 20 ଓ 29 ଜୁଲାଇରେ ମେଡାଲ ପାଇଁ ମ୍ୟାଚ ଖେଳାଯିବ । 20 ତାରିଖରେ ମହିଳା ଟିମ୍‌ର ଫାଇନାଲ ମ୍ୟାଚ ଓ 29ରେ ପୁରୁଷ ଦଳର ଫାଇନାଲ ମ୍ୟାଚ ଖେଳାଯିବ । 1900 ମସିହା ପରେ ପ୍ରଥମ ଥର ପାଇଁ ଅଲିମ୍ପିକ୍ସରେ କ୍ରିକେଟକୁ ସାମିଲ କରାଯାଇଛି ।

ଅଲିମ୍ପିକ୍ସ 2028 ରେ କେତେ ଦଳ ଅଂଶଗ୍ରହଣ କରିବେ ?

ପୂର୍ବରୁ ଅଲିମ୍ପିକ୍ସ କମିଟି ଘୋଷଣା କରିଥିଲା ଯେ ଟୁର୍ଣ୍ଣାମେଣ୍ଟରେ 6 ପୁରୁଷ ଏବଂ 6 ମହିଳା କ୍ରିକେଟ୍ ଦଳ ସାମିଲ ହେବେ। ପ୍ରତ୍ୟେକ ଦଳରେ 15-15 ସଦସ୍ୟ ରହିବେ। କିନ୍ତୁ କମିଟି ଏପର୍ଯ୍ୟନ୍ତ ନିଷ୍ପତ୍ତି ନେଇନାହିଁ ଯେ କେଉଁ 6 ଦଳ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିବେ।

ଟି-20 ଫର୍ମାଟରେ ଖେଳାଯାଉଥିବା ଏହି ମ୍ୟାଚ୍‌ଗୁଡ଼ିକ ଲସ୍ ଆଞ୍ଜେଲସ୍‌ରୁ ପ୍ରାୟ 50 କିଲୋମିଟର ଦୂରରେ ଥିବା ପୋମେନା ସିଟିର ଫେୟାରଗ୍ରାଉଣ୍ଡ ଷ୍ଟାଡିୟମ୍‌ରେ ଅନୁଷ୍ଠିତ ହେବ । LA28 ଆୟୋଜକ କମିଟି ଅନୁଯାୟୀ, ଗୋଟିଏ ଦିନରେ ଦୁଇଟି ମ୍ୟାଚ୍ ଖେଳାଯିବ ହେବ, 14 ଏବଂ 21 ଜୁଲାଇରେ କୌଣସି ମ୍ୟାଚ୍ ଖେଳାଯିବ ନାହିଁ।

128 ବର୍ଷ ପୂର୍ବେ ଅଲିମ୍ପିକ୍ସରେ କ୍ରିକେଟ୍ ମ୍ୟାଚ୍ ଖେଳାଯାଉଥିଲା:

ପୂର୍ବରୁ, ଅଲିମ୍ପିକ୍ସରେ କେବଳ ଥରେ ମାତ୍ର କ୍ରିକେଟ୍ ମ୍ୟାଚ୍ ଖେଳାଯାଉଥିଲା, 1900 ପ୍ୟାରିସ୍ ଅଲିମ୍ପିକ୍ସ ସମୟରେ କେବଳ ଦୁଇଟି ଦଳ, ଗ୍ରେଟ୍ ବ୍ରିଟେନ୍ ଏବଂ ଫ୍ରାନ୍ସ ମଧ୍ୟରେ ମ୍ୟାଚରେ ଦୁଇ ଦିନିଆ ମ୍ୟାଚ ଖେଳାଯାଇଥିଲା । ଯେଉଁଥିରେ ଗ୍ରେଟ୍ ବ୍ରିଟେନ୍ ମ୍ୟାଚ୍‌ ଜିତି ସ୍ୱର୍ଣ୍ଣ ପଦକ ଜିତିଥିଲା। ଏହା ପରେ ଅଲିମ୍ପିକ୍ସରେ ଏହା କ୍ରିକେଟ୍‌ରେ ସ୍ୱର୍ଣ୍ଣ ପଦକ ଜିତିଥିବା ଏକମାତ୍ର ଦଳ ହୋଇଗଲା।

ଲସ୍ ଆଞ୍ଜେଲସ୍ ଅଲିମ୍ପିକ୍ସରେ ପାଞ୍ଚଟି ନୂତନ ଖେଳ ଅନ୍ତର୍ଭୁକ୍ତ:

କ୍ରିକେଟ୍ ବ୍ୟତୀତ, ଅନ୍ତର୍ଜାତୀୟ ଅଲିମ୍ପିକ୍ସ କମିଟି (IOC) ବେସବଲ୍/ସଫ୍ଟବଲ୍, ଫ୍ଲାଗଫୁଟବଲ, ଲାକରୋସ ଏବଂ ସ୍କ୍ବାସ ଗେମ୍ସକୁ ଲସ୍ ଆଞ୍ଜେଲସ୍ ଅଲିମ୍ପିକ୍ସ 2028ରେ ସାମିଲ କରାଯାଇଛି ।