Odisha Budget: ବଜେଟ୍ ୨୦୨୬-୨୭ ସାରାଂଶ

କେନ୍ଦ୍ର ଅର୍ଥ ଏବଂ କର୍ପୋରେଟ୍ ବ୍ୟାପାର ମନ୍ତ୍ରୀ ଶ୍ରୀମତୀ ନିର୍ମଳା ସୀତାରମଣ ଆଜି ସଂସଦରେ କେନ୍ଦ୍ର ବଜେଟ୍ 2026-27 ଉପସ୍ଥାପନ କରିଛନ୍ତି।

ଅଣ-ଋଣ ପ୍ରାପ୍ତି ଏବଂ ମୋଟ ବ୍ୟୟ ଯଥାକ୍ରମେ 36.5 ଲକ୍ଷ କୋଟି ଟଙ୍କା ଏବଂ 53.5 ଲକ୍ଷ କୋଟି ଟଙ୍କା ହେବ ବୋଲି ଆକଳନ କରାଯାଇଛି। କେନ୍ଦ୍ରର ନିଟ୍ ଟିକସ ପ୍ରାପ୍ତି 28.7 ଲକ୍ଷ କୋଟି ଟଙ୍କା ହେବ ବୋଲି ଆକଳନ କରାଯାଇଛି।
ମୋଟ ବଜାର ଋଣ 17.2 ଲକ୍ଷ କୋଟି ଟଙ୍କା ଏବଂ ତାରିଖ ଅନୁଯାୟୀ ସିକ୍ୟୁରିଟିଜ୍ ରୁ ନିଟ୍ ବଜାର ଋଣ 11.7 ଲକ୍ଷ କୋଟି ଟଙ୍କା ବୋଲି ଆକଳନ କରାଯାଇଛି।
ଅଣ-ଋଣ ପ୍ରାପ୍ତିର ସଂଶୋଧିତ ଆକଳନ 34 ଲକ୍ଷ କୋଟି ଟଙ୍କା ଯାହା ମଧ୍ୟରୁ କେନ୍ଦ୍ରର ନିଟ୍ ଟିକସ ପ୍ରାପ୍ତି 26.7 ଲକ୍ଷ କୋଟି ଟଙ୍କା।
ମୋଟ ବ୍ୟୟର ସଂଶୋଧିତ ଆକଳନ 49.6 ଲକ୍ଷ କୋଟି ଟଙ୍କା, ଯାହା ମଧ୍ୟରୁ ପୁଞ୍ଜିଗତ ବ୍ୟୟ ପ୍ରାୟ 11 ଲକ୍ଷ କୋଟି ଟଙ୍କା ।

7ଟି ରଣନୈତିକ ଏବଂ ସୀମାନ୍ତ କ୍ଷେତ୍ରରେ ଉତ୍ପାଦନ ବୃଦ୍ଧି

ବାୟୋଫାର୍ମା ଶକ୍ତି (ଜ୍ଞାନ, ପ୍ରଯୁକ୍ତିବିଦ୍ୟା ଏବଂ ନବସୃଜନ ମାଧ୍ୟମରେ ସ୍ୱାସ୍ଥ୍ୟସେବା ଉନ୍ନତି ପାଇଁ ରଣନୀତି) ଘୋଷଣା କରାଯାଇଛି, ଆଗାମୀ 5 ବର୍ଷ ମଧ୍ୟରେ ଭାରତକୁ ଏକ ବିଶ୍ୱ ବାୟୋଫାର୍ମା ଉତ୍ପାଦନ କେନ୍ଦ୍ର ଭାବରେ ବିକଶିତ କରିବା ପାଇଁ 10,000 କୋଟି ଟଙ୍କା ବ୍ୟୟବରାଦ କରାଯାଇଛି।

3ଟି ନୂତନ ଜାତୀୟ ଔଷଧ ଶିକ୍ଷା ଏବଂ ଗବେଷଣା ପ୍ରତିଷ୍ଠାନ (ନାଇପର) ସହିତ ଏକ ବାୟୋଫାର୍ମା-କେନ୍ଦ୍ରିତ ନେଟୱାର୍କ ସୃଷ୍ଟି କରାଯିବ ଏବଂ 7ଟି ବର୍ତ୍ତମାନ ସଂସ୍ଥାକୁ ଉନ୍ନତିକରଣ କରାଯିବ।

ପୁଞ୍ଜି ସାମଗ୍ରୀ କ୍ଷମତାକୁ ସୁଦୃଢ଼ କରିବା

ସିପିଏସଇଗୁଡ଼ିକ ଦ୍ୱାରା 2ଟି ସ୍ଥାନରେ ଡିଜିଟାଲ୍ ସକ୍ଷମ ସ୍ୱୟଂଚାଳିତ ସେବା ବ୍ୟୁରୋ ଭାବରେ ହାଇ-ଟେକ୍ ଟୁଲ୍ ରୁମ୍ ପ୍ରତିଷ୍ଠା କରାଯିବ ଯାହା ସ୍ଥାନୀୟ ଭାବରେ ବ୍ୟାପକ ଏବଂ କମ୍ ମୂଲ୍ୟରେ ଉଚ୍ଚ-ସଠିକତା ଉପାଦାନ ଡିଜାଇନ୍, ପରୀକ୍ଷା ଏବଂ ଉତ୍ପାଦନ କରିବ।

ବୟନ ଶିଳ୍ପ କ୍ଷେତ୍ର ପାଇଁ ସମନ୍ୱିତ କାର୍ଯ୍ୟକ୍ରମ ଘୋଷଣା

ରେଶମ, ପଶମ ଏବଂ ଝୋଟ, ମାନବ ନିର୍ମିତ ତନ୍ତୁ ଏବଂ ନୂତନ ଯୁଗର ତନ୍ତୁ ଭଳି ପ୍ରାକୃତିକ ତନ୍ତୁରେ ଆତ୍ମନିର୍ଭରଶୀଳତା ପାଇଁ ଜାତୀୟ ତନ୍ତୁ ଯୋଜନା।

ଭିତ୍ତିଭୂମିକୁ ଏକ ଶକ୍ତିଶାଳୀ ପ୍ରୋତ୍ସାହନ ପ୍ରଦାନ

ଆର୍ଥିକ ବର୍ଷ 2026-27 ରେ ସାଧାରଣ ପୁଞ୍ଜି ବ୍ୟୟ 12.2 ଲକ୍ଷ କୋଟି ଟଙ୍କାକୁ ବୃଦ୍ଧି କରାଯିବ।

ଭିତ୍ତିଭୂମି ବିକାଶ ଏବଂ ନିର୍ମାଣ ପର୍ଯ୍ୟାୟ ସମୟରେ ଘରୋଇ ବିକାଶକାରୀଙ୍କ ବିଶ୍ୱାସକୁ ସୁଦୃଢ଼ କରିବା ପାଇଁ ସରକାର ଏକ ଭିତ୍ତିଭୂମି ବିପଦ ଗ୍ୟାରେଣ୍ଟି ପାଣ୍ଠି ସ୍ଥାପନ କରିବେ।

ଦୀର୍ଘକାଳୀନ ଶକ୍ତି ସୁରକ୍ଷା ଏବଂ ସ୍ଥିରତା ସୁନିଶ୍ଚିତ କରିବା

କାର୍ବନ କ୍ୟାପଚର ବ୍ୟବହାର ଏବଂ ସଂରକ୍ଷଣ (ସିସିୟୁଏସ) ପ୍ରଯୁକ୍ତିବିଦ୍ୟା ପାଇଁ ଆଗାମୀ 5 ବର୍ଷ ମଧ୍ୟରେ 20,000 କୋଟି ଟଙ୍କାର ବ୍ୟୟବରାଦ ଘୋଷଣା କରାଯାଇଛି।

. ସହର ଆର୍ଥିକ କ୍ଷେତ୍ର ବିକାଶ

ପ୍ରତି ସହର ଆର୍ଥିକ କ୍ଷେତ୍ର (ସିଇଆର) ପାଇଁ 5 ବର୍ଷ ମଧ୍ୟରେ 5000 କୋଟି ଟଙ୍କାର ଆବଣ୍ଟନ ଘୋଷଣା କରାଯାଇଛି, ଯାହା ଦ୍ୱାରା ଏକ ଯୁଦ୍ଧକାଳୀନ ମାଧ୍ୟମରେ ସେମାନଙ୍କ ଯୋଜନା କାର୍ଯ୍ୟକାରୀ କରାଯିବ।

ଆୟୁଷ

3ଟି ନୂତନ ଅଖିଳ ଭାରତୀୟ ଆୟୁର୍ବେଦ ପ୍ରତିଷ୍ଠାନ ପ୍ରତିଷ୍ଠା କରାଯିବ।

ପ୍ରାଣୀସମ୍ପଦ

ସରକାର 20,000 ରୁ ଅଧିକ ପ୍ରାଣୀ ଚିକିତ୍ସା ବୃତ୍ତିଗତଙ୍କ ଉପଲବ୍ଧତା ବୃଦ୍ଧି କରିବ।

ପର୍ଯ୍ୟଟନ

ନ୍ୟାସନାଲ୍ କାଉନସିଲ୍ ଫର୍ ହୋଟେଲ୍ ମ୍ୟାନେଜମେଣ୍ଟ୍ ଆଣ୍ଡ୍ କ୍ୟାଟରିଂ ଟେକ୍ନୋଲୋଜିକୁ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ହସପିଟାଲିଟିରେ ଉନ୍ନୀତ କରାଯିବ

କୃଷକଙ୍କ ଆୟ ବୃଦ୍ଧି

୫୦୦ ଜଳଭଣ୍ଡାର ଏବଂ ଅମୃତ ସରୋବରର ସମନ୍ୱିତ ବିକାଶ ପାଇଁ ନୂତନ ପଦକ୍ଷେପ ନିଆଯି

ପୂର୍ବୋଦୟ ରାଜ୍ୟ ଏବଂ ଉତ୍ତର-ପୂର୍ବ କ୍ଷେତ୍ର ଉପରେ ଧ୍ୟାନ

ସରକାର ଦୁର୍ଗାପୁରରେ ଏକ ସୁସଂଯୁକ୍ତ ନୋଡ୍ ସହିତ ଏକ ସମନ୍ୱିତ ପୂର୍ବ ତଟ ଶିଳ୍ପ କରିଡର ବିକଶିତ କରିବେ, 5 ପୂର୍ବୋଦୟ ରାଜ୍ୟରେ 5ଟି ପର୍ଯ୍ୟଟନସ୍ଥଳ ସୃଷ୍ଟି କରିବେ ଏବଂ 4,000 ଇ-ବସ୍ ବ୍ୟବସ୍ଥା କରିବେ।

ନୂତନ ଆୟକର ଆଇନ

ନୂତନ ଆୟକର ଆଇନ, 2025କୁ ଏପ୍ରିଲ 2026 ରୁ କାର୍ଯ୍ୟକାରୀ କରାଯିବ।

ସମବାୟ ସଂସ୍ଥା

ସମବାୟ ସଂସ୍ଥାର ସଦସ୍ୟମାନଙ୍କ ଦ୍ୱାରା ଉତ୍ପାଦିତ କ୍ଷୀର, ତୈଳବୀଜ, ଫଳ କିମ୍ବା ପନିପରିବା ଯୋଗାଣରେ ନିୟୋଜିତ ପ୍ରାଥମିକ ସମବାୟ ସମିତିକୁ ପୂର୍ବରୁ ଅନୁମତିପ୍ରାପ୍ତ ପରିବର୍ଦ୍ଧିତ ଡିଡକ୍ସନ ବ୍ୟବସ୍ଥାକୁ ଗୋଖାଦ୍ୟ ଏବଂ କପା ବିହନ ଯୋଗାଣକାରୀଙ୍କୁ ମଧ୍ୟ ମିଳିଛି ।

ବିଶ୍ୱ ବ୍ୟବସାୟ ଏବଂ ନିବେଶକୁ ଆକୃଷ୍ଟ କରିବା

ଭାରତରୁ ଡାଟା ସେଣ୍ଟର ସେବା ବ୍ୟବହାର କରି ବିଶ୍ୱବ୍ୟାପୀ ଗ୍ରାହକମାନଙ୍କୁ କ୍ଲାଉଡ୍ ସେବା ପ୍ରଦାନ କରୁଥିବା ଯେକୌଣସି ବିଦେଶୀ କମ୍ପାନୀକୁ 2047 ପର୍ଯ୍ୟନ୍ତ ଟିକସ ରିହାତି ପ୍ରଦାନ କରାଯିବ

ସହଜ ଜୀବନଯାପନ

ଅନ୍ତର୍ଜାତୀୟ ଯାତ୍ରା ସମୟରେ ବ୍ୟାଗେଜ କ୍ଲିୟରାନ୍ସ ନିୟନ୍ତ୍ରଣ କରୁଥିବା ବ୍ୟବସ୍ଥାଗୁଡ଼ିକୁ ସଂଶୋଧନ କରାଯିବ। ବର୍ତ୍ତମାନର ଯାତ୍ରା ବାସ୍ତବତା ସହିତ ସୁସଙ୍ଗତ ଭାବରେ ଶୁଳ୍କମୁକ୍ତ ଭତ୍ତା ବୃଦ୍ଧି କରିବା ପାଇଁ ସଂଶୋଧିତ ନିୟମ ଅଣାଯିବ।