• search
For Quick Alerts
Turn On Notification  
For Daily Alerts

ସିବିଆଇ ନିର୍ଦ୍ଦେଶକ ଦୌଡ଼ରେ ଓଡ଼ିଶା ଜନ୍ମିତ ଆଇପିଏସ୍ ଅଫିସର

|

ଭୁବନେଶ୍ୱର : କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ର ନୂତନ ନିର୍ଦ୍ଦେଶକ ବାଛିବା ପାଇଁ ପ୍ରଧାନମନ୍ତ୍ରୀ ମେ 24 ରେ ଏକ ଉଚ୍ଚସ୍ତରୀୟ ବୈଠକରେ ଅଧ୍ୟକ୍ଷତା କରିବାର କାର୍ଯ୍ୟକ୍ରମ ରହିଛି । ଭାରତର ପ୍ରଧାନ ବିଚାରପତି ଏନ.ଭି ରମନା ଏବଂ ଲୋକସଭାର କଂଗ୍ରେସ ନେତା ଆଦିର ରଂଜନ ଚୌଧୁରୀ ମଧ୍ୟ ଏହି ସଭାରେ ଯୋଗଦେବେ ।

ବୈଠକ ପୂର୍ବରୁ ଗୃହ ମନ୍ତ୍ରଣାଳୟ ସିବିଆଇ ନିର୍ଦ୍ଦେଶକ ପଦ ପାଇଁ ସାତ ଜଣିଆ ସାମ୍ଭାବ୍ୟ ତାଲିକା ଚୟନ କମିଟି ନିକଟରେ ଦାଖଳ କରିଛନ୍ତି । ଏହି ତାଲିକାରେ ରହିଛନ୍ତି 1985 ବ୍ୟାଚ୍ ଓଡିଶାରେ ଜନ୍ମିତ କେରଳ କ୍ୟାଡର ଆଇପିଏସ୍ ଅଧିକାରୀ ଲୋକନାଥ ବେହେରାଙ୍କ ନାମ ।

loknath behera

ସୂଚନା ଅନୁସାରେ, ସମ୍ଭାବ୍ୟ ତାଲିକାରେ ନାମିତ ଅନ୍ୟ ମାନଙ୍କ ମଧ୍ୟରେ ସିବିଆଇ କାର୍ଯ୍ୟନିର୍ବାହୀ ମୁଖ୍ୟ ପ୍ରବୀଣ ସିହ୍ନା, ସୀମା ସୁରକ୍ଷା ବଳର ମହାନିର୍ଦ୍ଦେଶକ ରାକେଶ ଆସ୍ଥାନା, ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ର ମହାନିର୍ଦ୍ଦେଶକ ଯୋଗେଶ ଚନ୍ଦ୍ର ମୋଦୀ, କେନ୍ଦ୍ରୀୟ ଶିଳ୍ପ ସୁରକ୍ଷା ଫୋର୍ସ (ସିଏସ୍ଏଫ୍) ନିର୍ଦ୍ଦେଶକ ସୁବୋଧ କାନ୍ତ ଜୈସୱାଲ, ଇଣ୍ଡୋ-ତିବ୍ଦତୀୟ ସୀମା ପୋଲିସର ମହାନିର୍ଦ୍ଦେଶକ ସୁରଜିତ ସିଂ ଦେଶୱାଲ ଏବଂ ଉତ୍ତରପ୍ରଦେଶ ପୋଲିସର ମହାନିର୍ଦ୍ଦେଶକ ହିତେଶ ଚନ୍ଦ୍ର ଆୱସ୍ତିଙ୍କ ନାମ ମଧ୍ୟ ରହିଛି ।

ବର୍ତ୍ତମାନ ଲୋକନାଥ ବେହେରା କେରଳର ଡିଜିପି ଭାବରେ ଦାୟିତ୍ୱ ତୁଲାଉଛନ୍ତି । ଏହାପୂର୍ବରୁ ସେ ଆଲାପୁଜାର ଏଏସପି, ଥିରୁବନନ୍ତପୁରମର ଡିସିପି, କୋଚି ପୋଲିସ କମିଶନର ଏବଂ ପୋଲିସ ମୁଖ୍ୟାଳୟରେ ଆଇଜି ଭାବରେ କାର୍ଯ୍ୟ କରିଛନ୍ତି ।

ପୋଲିସର ଅତିରିକ୍ତ ମହାନିର୍ଦ୍ଦେଶକ (ଏଡିଜିପି) ପଦୋନ୍ନତି ପରେ ତାଙ୍କୁ ଭିଜିଲାନ୍ସର ନିର୍ଦ୍ଦେଶକ ଦାୟିତ୍ୱ ଦିଆଯାଇଥିଲା । ଏହା ବ୍ୟତୀତ, ବେହେରା 1995 ରୁ 2005 ପର୍ଯ୍ୟନ୍ତ ଏସପି ଏବଂ ଡିଜି ଭାବରେ ସିବିଆଇରେ 10 ବର୍ଷ କାର୍ଯ୍ୟ କରିଥିଲେ ଏବଂ NIA ରେ 6 ବର୍ଷ କାର୍ଯ୍ୟ କରିଥିଲେ ।

ଆମକୁ ଫୋଲୋ କରନ୍ତୁ
Instagram Youtube
English summary
Odisha Born IPS Officer In Race of CBI Director Post.
ସର୍ବଶେଷ ସମ୍ବାଦ ପ୍ରାପ୍ତ କରନ୍ତୁ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X