ଏନଟିଆରଙ୍କ ଝିଅଙ୍କ ଝୁଲନ୍ତା ମୃତଦେହ ଉଦ୍ଧାର
ପରଲୋକରେ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଦିବଂଗତ ଅଭିନେତା ଏନଟି ରାମା ରାଓଙ୍କ ଝିଅ କେ ଉମା ମାହେଶ୍ୱରୀ। ଅନେକ ଦିନ ହେବ ଉମା ମାହେଶ୍ବବୀ ଅସୁସ୍ଥ ଥିଲେ ।
ହାଇଦ୍ରାବାଦ: ପରଲୋକରେ ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଦିବଂଗତ ଅଭିନେତା ଏନଟି ରାମା ରାଓଙ୍କ ଝିଅ କେ ଉମା ମାହେଶ୍ୱରୀ। ଅନେକ ଦିନ ହେବ ଉମା ମାହେଶ୍ବବୀ ଅସୁସ୍ଥ ଥିଲେ । ଆଜି ତାଙ୍କର ଜୁବଲି ହିଲ୍ସ ସ୍ଥିତ ବାସଭବନରୁ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି। ଆତ୍ମହତ୍ୟାର କାରଣ ଅସୁସ୍ଥତା ବୋଲି ସନ୍ଦେହ କରାଯାଉଛି ।
ଚନ୍ଦ୍ରବାବୁ ନାଇଡୁ, ତାଙ୍କ ପୁଅ ନାରା ଲୋକେଶ ଏବଂ ପରିବାରର ଅନ୍ୟ ସଦସ୍ୟମାନେ ମହେଶ୍ୱରୀଙ୍କ ବାସଭବନକୁ ଆସିଥିଲେ ।ଉମା ମହେଶ୍ୱରୀଙ୍କ ଭାଇ ଲୋକପ୍ରିୟ ଟଲିଉଡ୍ ଅଭିନେତା ତଥା ଟିଡିପି ବିଧାୟକ ଏନ ବାଲାକ୍ରିଷ୍ଣା ଏବଂ ବିଦେଶରେ ରହୁଥିବା ପରିବାରର ଅନ୍ୟ ସଦସ୍ୟମାନଙ୍କୁ ସୂଚନା ଦିଆଯାଇଛି ବୋଲି ପରିବାର ସୂତ୍ରରୁ ପ୍ରକାଶ କରାଯାଇଛି ।
ଜୁବଲି ହିଲ୍ସର ପୁଲିସ୍ ଅଧିକାରୀ ରାଜଶେଖର ରେଡ୍ଡୀ କହିଛନ୍ତି, "ପ୍ରାଥମିକ ତଦନ୍ତରୁ ଉମା ମାହେଶ୍ୱରୀ ସ୍ୱାସ୍ଥ୍ୟ ଜନିତ କାରଣ ପାଇଁ ଅବସାଦରେ ରହିଥିବା ଜଣାପଡ଼ିଛି। ଏ ସଂକ୍ରାନ୍ତରେ ଗୋଟିଏ ମାମଲା ରୁଜୁ ହୋଇଛି ଓ ମୃତଦେହକୁ ଓସମାନିଆ ହସ୍ପିଟାଲକୁ ପଠା ଯାଇଛି।"
Click it and Unblock the Notifications
Sign in with Google