ପୁଣି ହେବ ନେଟ୍ ପରୀକ୍ଷା: ଘୋଷଣା ହେଲା ତାରିଖ

UGC-NET ଓ CSIR-NET: ପୁଣି ହେବ ୟୁଜିସି-ନେଟ୍ ପରୀକ୍ଷା । ଯେଉଁଥି ପାଇଁ ବିଜ୍ଞପ୍ତି ପ୍ରକାଶ ପାଇଛି । ୨୧ ଅଗଷ୍ଟରୁ ୪ ସେପ୍ଟେମ୍ବର ମଧ୍ୟରେ ଅନଲାଇନ ପରୀକ୍ଷା କରାଯିବା ନେଇ ସୂଚନା ଜାରି କରାଯାଇଛି । ଗତ ୧୮ ତାରିଖରେ ୟୁଜିସି ନେଟ୍ ପରୀକ୍ଷା ପେପର ଲିକ୍ ହେବା ନେଇ ସୂଚନା ମିଳିବା ପରେ NTA ପକ୍ଷରୁ ପରୀକ୍ଷା ରଦ୍ଦ କରାଯାଇଥିଲା ।

ତେବେ ପୁଣି NTA ପରୀକ୍ଷା ପାଇଁ ବିଜ୍ଞପ୍ତି ପ୍ରକାଶ କରିଛି । ଏନସିଇଟି, ଜଏଣ୍ଟ CSIR ୟୁଜିସି ନେଟ୍ ଏବଂ ୟୁଜିସି ନେଟ୍,୩ଟି ପରୀକ୍ଷା ଅନଲାଇନ୍ କରାଯିବ । ବିଜ୍ଞପ୍ତି ଅନୁସାରେ, ଜୁଲାଇ ୧୦ ତାରିଖରେ ଏନସିଇଟି, ଜଏଣ୍ଟ ସିଏସଆଇଆର୍ ୟୁଜିସି ନେଟ୍ ଜୁଲାଇ ୨୫ରୁ ୨୭ ତାରିଖରେ ମଧ୍ୟରେ ହେବ । ସେହିପରି ୟୁଜିସି ନେଟ୍ ପରୀକ୍ଷା ୨୧ ଅଗଷ୍ଟରୁ ସେପ୍ଟେମ୍ବର ମଧ୍ୟରେ କରାଯିବ । ଅନ୍ୟପକ୍ଷରେ ପୂର୍ବରୁ ପ୍ରଶ୍ନପତ୍ର ଲିକ୍ ମାମଲାର ଯାଞ୍ଚ ସିବିଆଇ କରୁଛି । ନିଟ୍ ପେପର ଲିକ୍ ମାମଲାରେ ବିହାରରୁ ୨ ଅଭିଯୁକ୍ତଙ୍କୁ ଗିରଫ କରାଯାଇଛି ।

English summary

NTA Announces New Exam Date For UGC-NET CSIR-NET.