ଏଣିକି ବିନା ଇୟରଫୋନରେ ଫ୍ଲାଇଟରେ ଗୀତ ଶୁଣିଲେ ଭୋଗିବେ ଦଣ୍ଡ
ଫ୍ଲାଇଟ୍ ଭିତରେ ଇୟାରଫୋନ୍ ବିନା ମ୍ୟୁଜିକ୍ ଚଳାଇବା ନେଇ ସରକାରଙ୍କ ନିକଟରେ ପ୍ରଶ୍ନ ଉଠିଛି। ଲୋକସଭାରେ ସାଂସଦ V. S. Matheswaran ଏହି ବିଷୟରେ ସରକାରଙ୍କୁ ପଚାରିଥିଲେ ଯେ ଏପରି ଘଟଣାରେ କୌଣସି କାର୍ଯ୍ୟନୁଷ୍ଠାନ ହୋଇଛି କି ଓ ଭବିଷ୍ୟତରେ ଏହା ପାଇଁ କୌଣସି କଠୋର ନିୟମ ଆଣାଯିବ କି ନାହିଁ।
ଏହାର ଉତ୍ତରରେ କେନ୍ଦ୍ରୀୟ ନାଗରିକ ଉଡ୍ଡୟନ ରାଜ୍ୟମନ୍ତ୍ରୀ Murlidhar Mohol କହିଥିଲେ ଯେ Directorate General of Civil Aviation (DGCA) ପକ୍ଷରୁ ଏପରି ବ୍ୟବହାରକୁ ନେଇ ପୂର୍ବରୁ ନିୟମ ରହିଛି।
DGCA ର Civil Aviation Requirements (CAR) ଅନୁସାରେ, ବିମାନ ଭିତରେ କୌଣସି ଅସଭ୍ୟ କିମ୍ବା ବିଘ୍ନସୃଷ୍ଟିକାରୀ ବ୍ୟବହାର, ଯାହା କ୍ରୁ ସଦସ୍ୟଙ୍କ କାମକୁ ବାଧା ଦେଉଛି କିମ୍ବା ଅନ୍ୟ ଯାତ୍ରୀଙ୍କୁ ଅସୁବିଧା ଦେଉଛି, ସେଗୁଡ଼ିକୁ ଦଣ୍ଡନୀୟ ମନାଯାଏ। ତେଣୁ ଇୟାରଫୋନ୍ ବିନା ଉଚ୍ଚ ଶବ୍ଦରେ ମ୍ୟୁଜିକ୍ ଚଳାଇବା ମଧ୍ୟ ଏହାର ଅଧୀନରେ ପଡ଼ିପାରେ।
ମନ୍ତ୍ରୀ ଆହୁରି କହିଥିଲେ ଯେ ବିମାନ ସେବାରେ In-Flight Entertainment (IFE) ବ୍ୟବସ୍ଥା ରହିଛି, ଯାହା ଦ୍ୱାରା ଯାତ୍ରୀମାନେ ଯାତ୍ରା ସମୟରେ ସଙ୍ଗୀତ ଓ ଅନ୍ୟାନ୍ୟ ମନୋରଞ୍ଜନ ସୁବିଧା ଉପଭୋଗ କରିପାରନ୍ତି।
ସେହିପରି, ୧୯୩୭ ର Aircraft Rules ଅନୁଯାୟୀ ବିମାନ ଭିତରେ ଫଟୋ କିମ୍ବା ଭିଡିଓ ଧାରଣ ପାଇଁ ପୂର୍ବରୁ ଲିଖିତ ଅନୁମତି ଆବଶ୍ୟକ। ଏହି ନିୟମ ବ୍ଲଗର୍ ଓ ସୋସିଆଲ ମିଡିଆ ଇନ୍ଫ୍ଲୁଏନ୍ସରମାନଙ୍କ ପାଇଁ ମଧ୍ୟ ଲାଗୁ ହୁଏ।
ସରକାରଙ୍କ ମତାନୁସାରେ, ଯାତ୍ରୀମାନେ ଫ୍ଲାଇଟ୍ ଭିତରେ ଶିଷ୍ଟାଚାର ରକ୍ଷା କରିବା ଏବଂ ଅନ୍ୟଙ୍କୁ ଅସୁବିଧା ନଦେବା ଅତ୍ୟାବଶ୍ୟକ।
Click it and Unblock the Notifications
Sign in with Google