Air Pollution: ଦିଲ୍ଲୀ ନୁହେଁ ଏହି ରାଜ୍ୟରେ ବାୟୁ ପ୍ରଦୂଷଣ ପାଇଁ ବନ୍ଦ ହେଲା ସ୍କୁଲ

Air Pollution: ନୋଏଡା ଏବଂ ଗ୍ରେଟର ନୋଏଡାର ନର୍ସରୀ ଠାରୁ ନବମ ଶ୍ରେଣୀ ପର୍ଯ୍ୟନ୍ତ ସମସ୍ତ ସ୍କୁଲ ବନ୍ଦ ରଖିାଯିବା ନେଇ ନିଆଗଲା ନିଷ୍ପତ୍ତି । ବାୟୁ ପ୍ରଦୂଷଣ ଯୋଗୁଁ ଜିଲ୍ଲା ପ୍ରଶାସନ ଏହି ନିଷ୍ପତ୍ତି ନେଇଛି। ମଙ୍ଗଳବାର ଗୌତମ ବୁଦ୍ଧ ନଗର ଜିଲ୍ଲା ମାଜିଷ୍ଟ୍ରେଟ ମନୀଷ ବର୍ମା ଏନେଇ ସୂଚନ ଏକ ନିର୍ଦ୍ଦେଶ ଜାରି କରିଛନ୍ତି । ଯେଉଁଥିରେ କୁହାଯାଇଛି ଯେ, ବଢୁଥିବା ବାୟୁପ୍ରଦୂଷଣକୁ ନଜରରେ ରଖି ଜିଲ୍ଲାର ସମସ୍ତ ବିଦ୍ୟାଳୟକୁ ଗ୍ରେଡ୍ ରେସପନ୍ସ ଆକ୍ସନ ପ୍ଲାନ୍ ଷ୍ଟେଜ୍ -4 ଅନୁସରଣ କରିବାକୁ ପଡିବ।

ଏହା ଅଧୀନରେ, ପ୍ରି-ସ୍କୁଲରୁ ଆରମ୍ଭ କରି ନବମ ଶ୍ରେଣୀ ପର୍ଯ୍ୟନ୍ତ କ୍ଲାସ୍ ନଭେମ୍ବର 10 ପର୍ଯ୍ୟନ୍ତ ଅଫଲାଇନ୍ ପରିବର୍ତ୍ତେ ଅନଲାଇନ୍ କ୍ଲାସ୍ କରାଯିବାକୁ ନିଷ୍ପତ୍ତି ନିଆଯାଇଛି । ଜିଲ୍ଲା ମାଜିଷ୍ଟ୍ରେଟଙ୍କ ନିର୍ଦ୍ଦେଶ ଏପରି ଏକ ସମୟରେ ଆସିଛି ଯେତେବେଳେ ନୋଏଡାର ଏୟାର କ୍ୱାଲିଟି ଇଣ୍ଡେକ୍ସ (AQI) ସ୍ତର 400 ଅତିକ୍ରମ କରିଛି।

ଜିଲ୍ଲା ମାଜିଷ୍ଟ୍ରେଟ ମନୀଷ ବର୍ମାଙ୍କ ଏହି ଆଦେଶ ବିଦ୍ୟାଳୟଗୁଡ଼ିକ ପାଇଁ ବିଶେଷ ଭାବେ ଆସିଛି ଯେଉଁଠାରେ ଜିବି ନଗରର ଖରାପ ବାୟୁ ଗୁଣବତ୍ତା ଉଲ୍ଲେଖ କରାଯାଇଛି। ଦିଲ୍ଲୀ-ଏନସିଆରରେ ବାୟୁ ପ୍ରଦୂଷଣ ବଢିବାରେ ଲାଗିଛି ଏବଂ AQI ବର୍ତ୍ତମାନ 400 ରୁ ଅଧିକ। ଏପରି ସ୍ଥିତିକୁ ଦୃଷ୍ଟିରେ ରଖି ଏବଂ ପରିବେଶକୁ ଅର୍ଥାତ୍ ବାୟୁ ପ୍ରଦୂଷଣକୁ ରୋକିବା ପାଇଁ ଏହି ନିଷ୍ପତ୍ତି ନିଆଯାଇଛି । ନଭେମ୍ବର 5 ତାରିଖର AQMC ର ନିର୍ଦ୍ଦେଶ କାର୍ଯ୍ୟକାରୀ ହୋଇଛି। ଏହା ଅଧୀନରେ, GRAPର ଚତୁର୍ଥ ପର୍ଯ୍ୟାୟ କାର୍ଯ୍ୟକାରୀ ହେଉଛି ।

ଏହି ନିର୍ଦ୍ଦେଶ ଅନୁସାରେ, ଜିଲ୍ଲାର ସମସ୍ତ ବିଦ୍ୟାଳୟରେ GRAPର ଚତୁର୍ଥ ପର୍ଯ୍ୟାୟ କାର୍ଯ୍ୟକାରୀ କରିବାକୁ ନିର୍ଦ୍ଦେଶ ଦିଆଯାଇଛି ଏବଂ ନବମ ଶ୍ରେଣୀ ପର୍ଯ୍ୟନ୍ତ ଅଫଲାଇନ୍ କ୍ଲାସ କରିବା ପାଇଁ ନିର୍ଦ୍ଦେଶ ଦିଆଯାଇଛି ।

୨ ନଭେମ୍ବରରୁ ଦିଲ୍ଲୀରେ ସ୍କୁଲ ବନ୍ଦ ରହିଛି। ଯେଉଁଠାରେ ଗୁରୁଗ୍ରାମ ଏବଂ ଫରିଦାବାଦର ସ୍କୁଲଗୁଡିକ ନଭେମ୍ବର 7 ରୁ ବନ୍ଦ ରହିଛି । ବର୍ତ୍ତମାନ ନଭେମ୍ବର 8 ରୁ ନୋଏଡା ଏବଂ ଗ୍ରେଟର ନୋଏଡାର ବିଦ୍ୟାଳୟଗୁଡ଼ିକ ବନ୍ଦ ରହିବ। ସୂଚନାଯୋଗ୍ୟ ଯେ ଦିଲ୍ଲୀ-ଏନସିଆରରେ ପ୍ରଦୂଷଣର ଅବସ୍ଥା ଚିନ୍ତାଜନକ ରହିଛି। ବାୟୁ ପ୍ରଦୂଷଣ ଶିଶୁ ଏବଂ ବୃଦ୍ଧମାନଙ୍କ ପାଇଁ ଅଧିକ କ୍ଷତିକାରକୁ ବୋଲି ବିବେଚନା କରାଯାଇଛି । ଏପରିସ୍ଥିତିରେ କାମ ନଥିଲେ ଘରୁ ନ ବାହାରିବା ପାଇଁ ନିର୍ଦ୍ଦେଶ ଦିଆଯାଇଛି ।

English summary

Noida School Closed For Air Pollution.