ଏସ ଜୟଶଙ୍କରଙ୍କ ବଡ଼ ବୟାନ, କହିଲେ ଏହି ତାରିଖ ମଧ୍ୟରେ ମୋଦି-ଟ୍ରମ୍ପଙ୍କ ସହ ହୋଇନାହିଁ କୌଣସି......

ଲୋକସଭାରେ ଅପରେସନ ସିନ୍ଦୂର ଉପରେ ଆଲୋଚନା ଜାରି ରହିଛି। ଗୃହରେ ପ୍ରାରମ୍ଭିକ ହଟ୍ଟଗୋଳ ପରେ, ୧୬ ଘଣ୍ଟାର ବିତର୍କ ଆରମ୍ଭ ହୋଇଛି, ଯାହା ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଆରମ୍ଭ କରିଥିଲେ ଏବଂ କହିଥିଲେ ଯେ ଭାରତୀୟ ସେନା ପାକିସ୍ତାନୀ ସେନାକୁ କିପରି ମୁଣ୍ଡ ନଇଁବକୁ ବାଧ୍ୟ କରିଥିଲା।

ଏହା ପରେ, ଶାସକ ଦଳ ଏବଂ ବିରୋଧୀ ଦଳର ସାଂସଦମାନେ ସେମାନଙ୍କର ମତ ରଖିଥିଲେ। ପରେ, ବୈଦେଶିକ ମନ୍ତ୍ରୀ ଏସ ଜୟଶଙ୍କର ଭାରତ କ'ଣ ନିଷ୍ପତ୍ତି ନେଇଛି ସେ ବିଷୟରେ କହିଥିଲେ। ସେ କହିଥିଲେ ଯେ ଆତଙ୍କବାଦ ବିରୁଦ୍ଧରେ ଭାରତର ଶୂନ୍ୟ ସହନଶୀଳତା ନୀତି ଅଛି। ଆମେ ତୁରନ୍ତ ବହୁତ କଠୋର ପଦକ୍ଷେପ ନେଇଥିଲୁ। ପାକିସ୍ତାନକୁ ବିଶ୍ୱ ସମ୍ମୁଖରେ ପର୍ଦ୍ଦାଫାସ କରାଯାଇଥିଲା। ସେ ଏହା ମଧ୍ୟ କହିଥିଲେ ଯେ କିପରି ୨୭ ରୁ ଅଧିକ ଦେଶରୁ ତୁରନ୍ତ ଫୋନ୍ କଲ୍ ଆସିଥିଲା। କିନ୍ତୁ ଯୁଦ୍ଧବିରତି ଲାଗି କୌଣସି ଦେଶ ମଧ୍ୟସ୍ଥତା କରିନଥିଲେ ବୋଲି ସେ କହିଥିଲେ ।

ଜୟଶଙ୍କର କହିଛନ୍ତି, ୨୨ ଏପ୍ରିଲ (ପହଲଗାମ ଆତଙ୍କବାଦୀ ଆକ୍ରମଣ) ଠାରୁ ୧୭ ଜୁନ (ଭାରତ-ପାକିସ୍ତାନ ଯୁଦ୍ଧବିରତି ଘୋଷଣା) ମଧ୍ୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଟ୍ରମ୍ପ ମଧ୍ୟରେ କୌଣସି ଫୋନ କଲ୍‌ ହୋଇନଥିଲା। ଅପରେଶନ ସିନ୍ଦୁର ସମୟରେ ଆମେରିକାର ଉପ-ରାଷ୍ଟ୍ରପତି ଜେଡି ଭାନ୍ସ ମୋଦିଙ୍କୁ ଫୋନ କରି ପାକିସ୍ତାନର ବଡ଼ ଆକ୍ରମଣ ସମ୍ପର୍କରେ ଚେତାବନୀ ଦେଇଥିଲେ, ଯାହାର ଜବାବରେ ମୋଦି ଭାରତର ଆହୁରି କଡ଼ା ପ୍ରତିଶୋଧ ନେବା କଥା କହିଥିଲେ।

ଜୟଶଙ୍କର ଜଣାଇଛନ୍ତି ଯେ, ୯ ଓ ୧୦ ମଇରେ ଭାରତ ପାକିସ୍ତାନର ଆକ୍ରମଣକୁ ସଫଳତାର ସହ ପ୍ରତିହତ କରିଥିଲା। ୧୦ ମଇରେ ଅନେକ ଦେଶ ଭାରତକୁ ସୂଚନା ଦେଇଥିଲେ ଯେ ପାକିସ୍ତାନ ଯୁଦ୍ଧବିରତି ପାଇଁ ପ୍ରସ୍ତୁତ। ଭାରତ ସ୍ପଷ୍ଟ କରିଥିଲା ଯେ ଯୁଦ୍ଧବିରତି ଆଲୋଚନା କେବଳ ପାକିସ୍ତାନର ଡାଇରେକ୍ଟର ଜେନେରାଲ ଅଫ ମିଲିଟାରୀ ଅପରେଶନ୍ସ (ଡିଜିଏମଓ) ଚ୍ୟାନେଲ ମାଧ୍ୟମରେ ହିଁ ହେବ।