ଗାଜିଆବାଦରେ ବ୍ୟାନ ଏହି ତିନି ପ୍ରଜାତି ପୋଷା କୁକୁର, ଜାଣନ୍ତୁ
କୁକୁର ରଖିବାର ସଉକୀ ଲୋକଙ୍କ ପାଇଁ ଆସିଲା ନୂଆ ନିୟମ । ଏଣିକି ଘରେ ରଖିପାରିବେନି ଦୁଇରୁ ଅଧିକ ପୋଷା କୁକୁର । ଏଭଳି ଏକ ନିର୍ଦ୍ଦେଶାନାମା ଜାରି କରିଛି ଗାଜିଆବାଦ ପୌର ପ୍ରଶାସନ ।
ଗାଜିଆବାଦ: କୁକୁର ରଖିବାର ସଉକୀ ଲୋକଙ୍କ ପାଇଁ ଆସିଲା ନୂଆ ନିୟମ । ଏଣିକି ଘରେ ରଖିପାରିବେନି ଦୁଇରୁ ଅଧିକ ପୋଷା କୁକୁର । ଏଭଳି ଏକ ନିର୍ଦ୍ଦେଶାନାମା ଜାରି କରିଛି ଗାଜିଆବାଦ ପୌର ପ୍ରଶାସନ । ଉତ୍ତରପ୍ରଦେଶରେ ଗତ କିଛି ଦିନ ହେବ ପୋଷା କୁକୁର କାମୁଡାର ଶିକାର ହେଉଛନ୍ତି ସ୍ଥାନୀୟ ଲୋକେ । ଏହି ଘଟଣା କ୍ରମାଗତ ଭାବେ ବଢି ଚାଲିଥିବାକୁ ଆଖିରେ ରଖି ଗାଜିଆବାଦ ପୌର କର୍ତ୍ତୃପକ୍ଷ ଏଭଳି ନିଷ୍ପତ୍ତି ନେଇଛନ୍ତି । ଘାତକ ପ୍ରଜାତିର କୁକୁର କେହି ନିଜ ଘରେ ରଖିପାରିବେ ନାହିଁ ବୋଲି ନିର୍ଦ୍ଦେଶ ଦିଆଯାଇଛି।
ଏନେଇ ସେମାନେ ଦୁଇ ମାସ ମଧ୍ୟରେ ସେମାନଙ୍କର କୁକୁର ପଞ୍ଜିକରଣ ପାଇବା ଆବଶ୍ୟକ । ଯେଉଁ ଲୋକ ମାନେ ବଡ ବଡ ଅପାର୍ଟମେଣ୍ଟ ଆଦିରେ ରୁହନ୍ତି, ସେମାନଙ୍କ ପୋଷା କୁକୁରକୁ ବାହାରକୁ ବୁଲାଇ ନେବା ବେଳେ ସମସ୍ତଙ୍କ ପାଇଁ ବ୍ୟବହୃତ ଲିଫ୍ଟ ବ୍ୟବହାର କରିପାରିବେ ନାହିଁ । ଏନେଇ ସର୍ଭିସ ଲିଫ୍ଟ ବ୍ୟବହାର କରିବା ସହିତ ଜନଗହଳିପୂର୍ଣ୍ଣ ଜାଗାରେ କୁକୁର ବୁଲାଇବା ବେଳେ ମୁହଁରେ ତୁଣ୍ଡି ବାନ୍ଧିବା ଅନିର୍ବାଯ୍ୟ ।
ଉଲ୍ଲେଖଯୋଗ୍ୟ ଯେ ନିକଟରେ ଗାଜିଆବାଦର ବିଭିନ୍ନ ଆବାସିକ ଅଞ୍ଚଳ ଏବଂ କମ୍ପ୍ଲେକ୍ସରୁ ଅନେକ କୁକୁର କାମୁଡ଼ିବା ଘଟଣା ଆସିବା ପରେ ଏହି ନିର୍ଦ୍ଦେଶ ସାମ୍ନାକୁ ଆସିଥିଲା।"ଏହି ଅଞ୍ଚଳରେ ବର୍ତ୍ତମାନ ସୁଦ୍ଧା 10 ଶିଶୁ କୁକୁର କାମୁଡାର ଶିକାର ହୋଇଛନ୍ତି । ସଞ୍ଜୟ ନଗର କଲୋନୀର ଜଣେ ଶିଶୁ କୁଶ ତ୍ୟାଗୀଙ୍କୁ ଏକ ପିଟବୁଲ ଆକ୍ରମଣ କରିଥିଲା ଏବଂ ତାଙ୍କ ମୁହଁରେ 150 ଟି ଷ୍ଟିଚ୍ ମିଳିଥିଲା। ଚାରି ଦିନ ପରେ, ଅନ୍ୟ ଜଣେ ବାଳକକୁ ଏହି ପ୍ରଜାତିର କୁକୁର ଆକ୍ରମଣ କରିଥିଲା।
ଜିଏମସିର ଜୋନାଲ ଅଧିକାରୀମାନଙ୍କୁ ବୋର୍ଡ ବୈଠକରେ ପାରିତ ହୋଇଥିବା ନିୟମ ମାଲିକମାନଙ୍କୁ ନୋଟିସଜାରି କରିବାକୁ କୁହାଯାଇଛି। ବୁଲା କୁକୁରମାନଙ୍କ ବିଷୟରେ କହିବାକୁ ଯାଇ ମେୟର କହିଛନ୍ତି ଯେ ବାସିନ୍ଦାମାନେ ସେମାନଙ୍କୁ ନିର୍ଦ୍ଦିଷ୍ଟ ସ୍ଥାନରେ ଖାଦ୍ୟ ପ୍ରଦାନ କରିବା ଉଚିତ୍। ସେ କହିଛନ୍ତି, "ଗାଜିଆବାଦ ନଗର ନିଗମ କୁକୁର ମାଲିକଙ୍କ ଉପରେ ଜରିମାନା ଲଗାଇବ ଯଦି ଆରଡବ୍ଲୁଏରୁ ଅଭିଯୋଗ ଗ୍ରହଣ କରାଯାଏ। ପୂର୍ବରୁ କାନପୁର ମ୍ୟୁନିସିପାଲିଟି କର୍ପୋରେସନ୍ ଏବଂ ପଞ୍ଚକୁଲା ମ୍ୟୁନିସିପାଲିଟି କର୍ପୋରେସନ୍ ପିଟବୁଲ୍ ଏବଂ ରୋଟୱେଲର୍ ପ୍ରଜାତିକୁ ଗୃହପାଳିତ ପଶୁ ଭାବରେ ନିଷେଧ କରିଥିଲେ।
Click it and Unblock the Notifications
Sign in with Google