ବଦଳି ଗଲେ ନୀତୀଶ! ନୀତି ଆୟୋଗ ବୈଠକରେ ଦେଲେନି ଯୋଗ

ନୂଆଦିଲ୍ଲୀ: ଆଜି ନୂଆ ଦିଲ୍ଲୀରେ ବସିଛି ନୀତି ଆୟୋଗ ବୈଠକ । ନୀତି ଆୟୋଗ ଗଭର୍ଣ୍ଣିଂ କାଉନସିଲର ଏହି ବୈଠକରେ ଅଧ୍ୟକ୍ଷତା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ବୈଠକର ମୁଖ୍ୟ ଫୋକସରେ ରହିଛି ୨୦୪୭ ମସିହା ସୁଦ୍ଧା ବିକଶିତ ଭାରତ । ଏଥିପାଇଁ ଆଲୋଚନାର ପ୍ରମୁଖ ୫ଟି ପ୍ରସଙ୍ଗ ରୁପେ ପାନୀୟ ଜଳ, ବିଦ୍ୟୁତ, ସ୍ୱାସ୍ଥ୍ୟସେବା, ଶିକ୍ଷା ଏବଂ ଜମି ଓ ସଂପତ୍ତି ଡିଜିଟାଇଜେସନ ଉପରେ ଗୁରୁତ୍ୱ ଦିଆଯାଇଛି । ଏଥିସହ ସାଇବର ସିକ୍ୟୁରିଟି ଏବଂ ଏଆଇ ଉପରେ ମଧ୍ୟ ସ୍ୱତନ୍ତ୍ର ଅଧିବେଶନରେ ଆଲୋଚନା କରାଯିବ ।

ଏପଟେ ନୀତି ଆୟୋଗ ବୈଠକକୁ ବିରୋଧୀ ଇଣ୍ଡି ମେଣ୍ଟ ବର୍ଜନ କରିବାକୁ ଘୋଷଣା କରିଥିବାବେଳେ ମମତା ବୈଠକରେ ଯୋଗଦେଇଛନ୍ତି । ମମତାଙ୍କ ବ୍ୟତୀତ ନୀତି ଆୟୋଗ ବୈଠକରେ ଝାଡଖଣ୍ଡ ମୁଖ୍ୟମନ୍ତ୍ରୀ ହେମନ୍ତ ସୋରେନ ମଧ୍ୟ ଏହି ବେଠକରେ ଯୋଗଦେଇଛନ୍ତି । ହେମନ୍ତ ସୋରେନଙ୍କ ଦଳ ଜେଏମଏମ୍ ଇଣ୍ଡି ମେଣ୍ଟର ଅନ୍ୟତମ ସହଯୋଗୀ ଦଳ ।

ମମତା ଓ ହେମନ୍ତ ନୀତି ଆୟୋଗ ବୈଠକରେ ଯୋଗଦେବାକୁ ନେଇ ଇଣ୍ଡି ମେଣ୍ଟରେ ଫାଟ ସୃଷ୍ଟି ହୋଇଥିବା କୁହାଯାଇଛି । ଆଉ ଏହା ଭିତରେ ଆଉ ଏକ ବଡ଼ ଖବର ସାମ୍ନାକୁ ଆସିଛି । ନୀତୀ ଆୟୋଗ ବୈଠକରେ ଯୋଗ ଦେଇନାହାଁନ୍ତି ଏନଡିଏର ସମର୍ଥକ ତଥା ବିହାର ମୁଖ୍ରମନ୍ତ୍ରୀ ନୀତୀଶ କୁମାର । ସୁଚନାନୁସାରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ନୀତି ଆୟୋଗ ବୈଠକରେ ଯୋଗ ଦେଇ ନାହାନ୍ତିି । ସୂଚନାନୁସାରେ, ସେ ଡେପୁଟି ସିଏମ ସମ୍ରାଟ ଚୌଧୁରୀଙ୍କୁ ବୈଠକରେ ଯୋଗ ଦେବାକୁ ଅନୁମତି ଦେଇଛନ୍ତି ।

କିନ୍ତୁ ନୀତୀ ଆୟୋଗର ନିୟମ ଅନୁଯାୟୀ, ମୁଖ୍ୟମନ୍ତ୍ରୀଙ୍କ ବ୍ୟତୀତ ଅନ୍ୟ କେହି ଏଥିରେ କେହି ଯୋଗ ଦେଇପାରିବେ ନାହିଁ । ତେଣୁ ଉପ ମୁଖ୍ୟମନ୍ତ୍ରୀ ସମ୍ରାଟ ଚୌଧୁରୀ ଏହି ବୈଠକରେ ଯୋଗଦେବା ପାଇଁ ନୀତି ଆୟୋଗଙ୍କ ଅନୁମତି ପାଇନାହାଁନ୍ତି । ଏଥିପାଇଁ ସେ ମଧ୍ୟ ବୈଠକରେ ଯୋଗ ଦେଇ ନାହାନ୍ତି । ଯାହା ଫଳରେ କି ଏବେ ନୀତୀଶ କୁମାରଙ୍କୁ ନେଇ ସାଧାରଣରେ ଉଠିଛି ଅନେକ ପ୍ରଶ୍ନ ।