ଅର୍ଥମନ୍ତ୍ରୀଙ୍କୁ ଚିଠି ଲେଖିଲେ ଗଡ଼କରୀ, ଜୀବନ ଓ ସ୍ୱାସ୍ଥ୍ୟ ବୀମା ଉପରୁ ହଟୁ ଜିଏସଟି....

ନୂଆଦିଲ୍ଲୀ: ନିକଟରେ ସଂସଦରେ ୨୦୨୪-୨୫ ବିଜେଟ ଉପସ୍ଥାପନା କରିଥିଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଆଉ ବଜେଟ ଉପସ୍ଥାପା ପରେ ବିଭିନ୍ନ ମହଲରୁ ଚଳିତ ବଜେଟ୍ କୁ ସମାଲୋଚନା କରିବା ସହ କେନ୍ଦ୍ର ସରାକରଙ୍କୁ ମଧ୍ୟ କରୁଥିଲେ ସମାଲୋଚନା । ଆଉ ଏଭଳି ସମୟ ମଧ୍ୟରେ କେନ୍ଦ୍ର ମନ୍ତ୍ରୀ ତଥା ବରିଷ୍ଠ ବିଜେପି ନେତା ନିତିନ ଗଡକରୀ ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଚିଠି ଲେଖି ଲାଇଫ୍‌ଏବଂ ହେଲ୍‌ଥ ବୀମା ଯୋଜନା ପାଇଁ ପ୍ରିମିୟମ ଉପରେ ଲାଗୁ ହୋଇଥିବା ଜିଏସ୍ଟି ପ୍ରତ୍ୟାହାର କରିବାକୁ ଅନୁରୋଧ କରିଛନ୍ତି ।

କେନ୍ଦ୍ରମନ୍ତ୍ରୀ ନୀତୀନ ଗଡ଼କରୀ କହିଛନ୍ତି ନାଗପୁର ଡିଭିଜନାଲ ଲାଇଫ ଇନସୁରାନ୍ସ କର୍ପୋରେସନ୍ କର୍ମଚାରୀ ସଂଘର ଏକ ସ୍ମାରକପତ୍ର ପରେ ସେ ଅର୍ଥମନ୍ତ୍ରୀଙ୍କୁ ଏହି ଚିଠି ଲେଖିଛନ୍ତି । ଗଡକରୀ ଜୁଲାଇ ୨୮ ରେ ଅର୍ଥମନ୍ତ୍ରୀଙ୍କୁ ଏକ ଚିଠି ଲେଖି ଯଥାଶୀଘ୍ର ଟିକସ ନୀତିର ସମୀକ୍ଷା କରିବାକୁ ଦାବି କରିଛନ୍ତି । ଅର୍ଥମନ୍ତ୍ରୀ ସୀତାରମଣଙ୍କୁ ସିଧାସଳଖ ଆବେଦନ କରି ସେ ଯୁକ୍ତି କରିଛନ୍ତି ଯେ ବର୍ତ୍ତମାନର ଟିକସ 'ଅନ୍ୟାୟ' କାରଣ ଏହା ଜୀବନର 'ଅନିଶ୍ଚିତତା'କୁ ଟ୍ୟାକ୍ସ କରିଥାଏ ।

ନିଜ ପରିବାରର ସୁରକ୍ଷା ପାଇଁ ସମସ୍ତ ସମ୍ଭାବ୍ୟ ପଦକ୍ଷେପ ନେଉଥିବା ବ୍ୟକ୍ତି ଉପରେ ଜୀବନ ବୀମା ଏବଂ ହେଲଥ ଇନସୁରାନ୍ସ ଉପରେ ଟିକସ ଲଗାଇ ତାଙ୍କୁ ଦଣ୍ଡ ହେବା ଉଚିତ୍ ନୁହେଁ । ଯାହା ଅପ୍ରତ୍ୟାଶିତ ଜୀବନ ଘଟଣାଗୁଡ଼ିକରୁ ସୁରକ୍ଷା ଭାବରେ କାର୍ଯ୍ୟ କରେ । ଏହି ନୀତି ହେତୁ କେବଳ ଲୋକମାନେ ବୀମା ନେବା ଠାରୁ ଦୂରେଇ ଯିବେ ନାହିଁ ବରଂ ଏହା ଜିଏସଟିର ଗ୍ରୋଥ୍ ଅଭିବୃଦ୍ଧି ଉପରେ ମଧ୍ୟ ପ୍ରଭାବ ପକାଇବ ।

ଗଡକରୀ ଆହୁରି କହିଛନ୍ତି ଯେ ଏହା ବରିଷ୍ଠ ନାଗରିକଙ୍କ ଉପରେ ଆର୍ôଥକ ବୋଝ ଦେଇଥାଏ । ସେ ଚିଠିରେ ଲେଖିଛନ୍ତି ଯେ ଯଦି ବୃଦ୍ଧମାନଙ୍କର କୌଣସି ଆୟ ଅଛି, ତେବେ ଏହା ସ୍ଥିର ହୋଇଛି ଏବଂ ଏଥିରୁ ଟଙ୍କା ଉଠାଇବା ପରେ ସେମାନଙ୍କୁ ଉତ୍ପାଦ ଉପରେ ଅଧିକ ଟିକସ ଦେବାକୁ ପଡିଥାଏ । ଯାହା ଅନାବଶ୍ୟକ ଚାପ ସୃଷ୍ଟି କରିଥାଏ ବୋଲି ଗଡ଼ କରୀ କହିଛନ୍ତି ।

 
ଗଡକରୀ ଚିଠିରେ ଆହୁରି ଲେଖିଛନ୍ତି ଯେ ଡାକ୍ତରୀ ବୀମା ଉପରେ ୧୮ ପ୍ରତିଶତ ଜିଏସ୍ଟି ଶିଳ୍ପ ଅଭିବୃଦ୍ଧିରେ ବାଧା ସୃଷ୍ଟି କରୁଛି । ସେ ଡାକ୍ତରୀ ବୀମାକୁ ଏକ 'ସାମାଜିକ ଜରୁରୀ' ସେବା ଭାବରେ ବିବେଚନା କରିଛନ୍ତି । ଏହା ଉପରେ ଭାରି ଟିକସ ଲାଗୁ କରିବା ମଧ୍ୟ ଲୋକଙ୍କ ନିକଟରେ ପହଞ୍ଚିବା ହ୍ରାସ କରିଥାଏ ବୋଲି ପରାମର୍ଶ ଦେଇଛନ୍ତି ।

ଏଗୁଡିକ ପାଇବା ପାଇଁ ଲୋକଙ୍କ କ୍ଷମତା ମଧ୍ୟ ହ୍ରାସ ହୁଏ ଯେଉଁଥିପାଇଁ ଅନେକ ଲୋକ ଏହି ଜରୁରୀ ଜିନିଷରୁ ବଞ୍ଚିତ ରହିବେ । ଯଦି ଗଡକରୀଙ୍କ ଚିଠିକୁ ଗ୍ରହଣ କରାଯାଏ ତେବେ ଭବିଷ୍ୟତରେ ଜୀବନ ଏବଂ ଚିକିତ୍ସା ବୀମା ପ୍ରିମିୟମ ହ୍ରାସ ଚିଠିରେ ସେ ଜୀବନ ଏବଂ ଚିକିତ୍ସା ବୀମା ପ୍ରିମିୟମ ଉପରେ ୧୮ ପ୍ରତିଶତ ଜିଏସଟି ପ୍ରତ୍ୟାହାର କରିବାକୁ ସେ ଦାବି କରିଛନ୍ତି।