ରାସ୍ତାରୁ ହଟିବ ଟୋଲ ପ୍ଲାଜା, ଏହି ଉପାୟରେ ହେବ ଆଦାୟ, ଗଡକରୀ କହିଲେ ....

Published: Thursday, March 28, 2024, 17:58 [IST]

ନୂଆଦିଲ୍ଲୀ: କେନ୍ଦ୍ରରେ ଥିବା ମୋଦୀ ସରକାର କ୍ରମାଗତ ଭାବରେ ନୂଆ ଟେକ୍ନୋଲୋଜି ଉପରେ କାର୍ଯ୍ୟ କରୁଛନ୍ତି, ଯାହା ଦ୍ୱାରା ଉପଭୋକ୍ତାମାନେ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବେ ନାହିଁ । ଏଥିପାଇଁ କେନ୍ଦ୍ର ସଡକ ପରିବହନ ମନ୍ତ୍ରୀ ନୀତିନ ଗଡକରୀଙ୍କ ଦ୍ୱାରା ଏକ ବୈଦ୍ୟୁତିକ ଟୋଲ ସଂଗ୍ରହ ବ୍ୟବସ୍ଥା ଆରମ୍ଭ କରାଯାଇଥିଲା ଯେଉଁଥିରେ ଟୋଲ ପ୍ଲାଜାରେ ଫାଷ୍ଟାଗ ମାଧ୍ୟମରେ ଦେୟ ପ୍ରଦାନ କରାଯାଇଥିଲା ।

ଏହି ସିଷ୍ଟମ ପୂର୍ବ ଅପେକ୍ଷା କମ୍ ସମୟ ନେଇଥିଲା, କିନ୍ତୁ ବର୍ତ୍ତମାନ ନିତିନ ଗାଡକରୀଙ୍କ ଦ୍ୱାରା ଆଉ ଏକ ନୂଆ ବ୍ୟବସ୍ଥା ଆରମ୍ଭ କରାଯାଇଛି, ଯେଉଁଥିରେ ଉଭୟ ଟୋଲ ପ୍ଲାଜା ଏବଂ ଫାଷ୍ଟାଗର କାର୍ଯ୍ୟ ଶେଷ ହେବ । ନୂତନ ଟୋଲ୍ ସଂଗ୍ରହ ଉପଗ୍ରହ (ସାଟଲାଇଟ)ଆଧାରିତ ହେବ । ଆଉ ବର୍ତ୍ତମାନ ଟୋଲ ସଂଗ୍ରହ ବ୍ୟବସ୍ଥାକୁ ଉଠାଇ ଦିଆଯିବ । । ଏହା ଏକ ସ୍ୱୟଂଚାଳିତ ସିଷ୍ଟମ ହେବ, ଯେଉଁଥିରେ ସ୍ୱୟଂଚାଳିତ ଭାବରେ ଆପଣଙ୍କ ଆକାଉଣ୍ଟରୁ ଟଙ୍କା କଟାଯିବ । ଏଥିରେ ଆପଣଙ୍କୁ ଅଲଗା ଫାଷ୍ଟାଗ୍ ଏବଂ ରିଚାର୍ଜ କରିବାକୁ ପଡିବ ନାହିଁ । ଏହା ହେଲେ ଟୋଲ ପ୍ଲାଜାରେ ଟ୍ରାଫିକ ଜାମ ସମସ୍ୟାର ସମାଧାନ ହେବ ।

ନୀତିନ ଗଡକରୀ କହିଛନ୍ତି ଯେ ରାଜପଥରେ ଯାତ୍ରା କରୁଥିବା ଲୋକଙ୍କ ଦୂରତା ସହିତ ଟୋଲ ଟ୍ୟାକ୍ସ ସେମାନଙ୍କ ବ୍ୟାଙ୍କ ଆକାଉଣ୍ଟରୁ କଟାଯିବ । ମହଙ୍ଗା ଟୋଲ ଟ୍ୟାକ୍ସ ସମ୍ବନ୍ଧୀୟ ଏକ ପ୍ରଶ୍ନର ଉତ୍ତରରେ ନୀତିନ ଗଡକରୀ କହିଛନ୍ତି ଯେ ବର୍ତ୍ତମାନ ଉନ୍ନତ ରାଜପଥ ଯୋଗୁଁ ଲୋକମାନେ ସମୟ ଏବଂ ଇନ୍ଧନ ମଧ୍ୟ ସଞ୍ଚୟ କରୁଛନ୍ତି ।

ସେ ଆହୁରି କହିଛନ୍ତି ଯେ ପୂର୍ବରୁ ମୁମ୍ବାଇରୁ ପୁଣେ ଯାତ୍ରା କରିବାକୁ ୯ ଘଣ୍ଟା ଲାଗୁଥିଲା କିନ୍ତୁ ବର୍ତ୍ତମାନ ଏହି ଯାତ୍ରା ମାତ୍ର ୨ ଘଣ୍ଟା ମଧ୍ୟରେ ଶେଷ ହୋଇପାରୁଛି । ଏହି ନୂଆ ବ୍ୟବସ୍ଥା ଅନୁଯାୟୀ ଏନଏଚଏଆଇ ଜିପିଏସ୍ ଟେକ୍ନୋଲୋଜି ଆଧାରିତ ଟୋଲ୍ କଲେକ୍ସନ୍ ସିଷ୍ଟମ୍ ଲଞ୍ଚ କରିବ । ଯେଉଁଥିରେ ଜାତୀୟ ରାଜପଥରେ ଗାଡି ଚଳାଉଥିବା ଡ୍ରାଇଭରମାନେ ଟୋଲ ଚାର୍ଜ ଦେବାକୁ ଟୋଲ ପ୍ଲାଜାରେ ଅଟକି ରହିବାକୁ ପଡିବ ନାହିଁ ।

ଏହା ପରିବର୍ତ୍ତେ, ଗାଡି ମାଲିକଙ୍କ ବ୍ୟାଙ୍କ ଆକାଉଣ୍ଟରୁ ଏହି ରାଶି କଟାଯିବ । ରାଜପଥରେ ଚାଲୁଥିବା ଗାଡିର ଜିପିଏସ୍ କୋର୍ଡିନେଟ୍ ସହିତ ଜିପିଏସ୍ ଆଧାରିତ ଟୋଲ୍ ସିଷ୍ଟମ ସଂଯୁକ୍ତ ହେବ ଏବଂ ଯାନ ସଂଗ୍ରହ ପଏଣ୍ଟରେ ପହଞ୍ଚିବା ମାତ୍ରେ ଟୋଲ୍ ଫି ସ୍ୱୟଂଚାଳିତ ଭାବରେ ବ୍ୟାଙ୍କ ଆକାଉଣ୍ଟରୁ କଟାଯିବ । ଏହି ସିଷ୍ଟମ୍ କାର୍ଯ୍ୟ କରିବା ପାଇଁ, ସମସ୍ତ ଯାନରେ ନମ୍ବର ପ୍ଲେଟ୍ ରହିବା ଆବଶ୍ୟକ ଯାହାକି ଜିପିଏସ୍ ମାଧ୍ୟମରେ ଉପଗ୍ରହ ମାଧ୍ୟମରେ ନୀରିକ୍ଷଣ କରାଯାଇପାରିବ ।

ଏଥିପାଇଁ ରାଜପଥରେ ଅଟୋମେଟିକ୍ ନମ୍ବର ପ୍ଲେଟ୍ ରିଡର୍ କ୍ୟାମେରା ଲଗାଯିବ ଯାହା ଜିପିଏସ୍‌-ସକ୍ଷମ ନମ୍ବର ପ୍ଲେଟ୍ ପଢ଼ିପାରିବ ।ବର୍ତ୍ତମାନ, ନୂତନ ଉପଗ୍ରହ (ସାଟଲାଇଟ) ଆଧାରିତ ଟୋଲ ସଂଗ୍ରହ ବ୍ୟବସ୍ଥା କେବେ ଆରମ୍ଭ ହେବ ତାହାର ସଠିକ ତାରିଖ ପ୍ରକାଶ ପାଇନାହିଁ । ଏହାପୂର୍ବରୁ ଡିସେମ୍ବର ମାସରେ କେନ୍ଦ୍ର ମନ୍ତ୍ରୀ ନିତିନ ଗଡକରୀ କହିଥିଲେ ଯେ ନ୍ୟାସନାଲ ଅଥରିଟି ଅଫ୍ ଇଣ୍ଡିଆ ଅର୍ଥାତ୍ ଏନଏଚଏଆଇ ଦ୍ୱାରା ଏକ ନୂଆ ଟୋଲ୍ ସଂଗ୍ରହ ବ୍ୟବସ୍ଥା ଆରମ୍ଭ ହେବ ଯାହା ମାର୍ଚ୍ଚ ୨୦୨୪ ସୁଦ୍ଧା ଆରମ୍ଭ ହୋଇପାରେ ।

Published On March 28, 2024