ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମରେ ଯୋଗ ଦେବା ଲାଗି ନିମନ୍ତ୍ରଣ ମିଳିଛି , ଏଭଳି ଦାବି କଲେ ଆତ୍ମଘୋଷିତ ବାବା ନିତ୍ୟାନନ୍ଦ ସ୍ୱାମୀ
ନୂଆଦିଲ୍ଲୀ: ଆସନ୍ତାକାଲି ରାମଲାଲାଙ୍କ ପ୍ରାଣ ପ୍ରତିଷ୍ଠା ଉତ୍ସବ । ପ୍ରତିଷ୍ଠା ସମାରୋହରେ ଶତାଧିକ ବିଦେଶୀ ଅତିଥିଙ୍କ ସମାଗମ ହେବ । ଆଉ ବର୍ତ୍ତମାନ ବଡ଼ ଖବର ସାମ୍ନାକୁ ଆସିଛି । ଆତ୍ମଘୋଷିତ ଭଗବାନ ତଥା ପଳାତକ ବଳାତ୍କାର ଅଭିଯୁକ୍ତ ନିତ୍ୟାନନ୍ଦ ରବିବାର ଦାବି କରିଛନ୍ତି ଯେ ଅଯୋଧ୍ୟାରେ ରାମ ମନ୍ଦିରର ଉଦଘାଟନ ପାଇଁ ତାଙ୍କୁ ନିମନ୍ତ୍ରଣ କରାଯାଇଛି ଏବଂ ସେ ଏହି କାର୍ଯ୍ୟକ୍ରମରେ ଯୋଗଦେବେ । ତଥାକଥିତ ଦେଶ 'କୈଳାଷ'ରେ ହିନ୍ଦୁ ଧର୍ମର ସର୍ବୋଚ୍ଚ ଭଗବାନ୍ ଭାବରେ ପରିଚିତ ନିତ୍ୟାନନ୍ଦ ଏକ୍ସ'ରେ ଲେଖିଛନ୍ତି, "ଏହି ଐତିହାସିକ ତଥା ଅସାଧାରଣ ଘଟଣାକୁ ହାତଛଡା କରନ୍ତୁ ନାହିଁ!
ପୋଷ୍ଟରେ ଆହୁରି ମଧ୍ୟ କୁହାଯାଇଛି ଯେ ଆନୁଷ୍ଠାନିକ ଭାବେ ଆମନ୍ତ୍ରିତ ହୋଇ ହିନ୍ଦୁ ଧର୍ମର ସର୍ବୋଚ୍ଚ ଭଗବାନ୍ ଶ୍ରୀ ନିତ୍ୟାନନ୍ଦ ପରମାଶିଭମ୍ ଏହି ମହାନ୍ କାର୍ଯ୍ୟକ୍ରମରେ ଯୋଗଦେବେ । ସୂଚନାଯୋଗ୍ୟ ନିତ୍ୟାନନ୍ଦଙ୍କ ଡ୍ରାଇଭର ଅଭିଯୋଗକୁ ଆଧାର କରି ୨୦୧୦ ରେ ଦାଖଲ ହୋଇଥିବା ଏକ ବଳାତ୍କାର ମାମଲା ନିତ୍ୟାନନ୍ଦଙ୍କୁ ଗିରଫ କରିଥିଲା । ତେବେ ପରେ ତାଙ୍କୁ ଜାମିନ ମିଳିଥିଲା । ୨୦୨୦ ରେ, ସେହି ଡ୍ରାଇଭର ଦାବି କରିଥିଲେ ଯେ ଆତ୍ମଘୋଷିତ ଭଗବାନ ଦେଶ ଛାଡି ପଳାଇଛନ୍ତି ।
ଅଯୋଧ୍ୟାରେ ନିର୍ମିତ ରାମ ମନ୍ଦିରର ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଉପରେ ସମଗ୍ର ଦେଶବାସୀଙ୍କ ନଜର ରହିଛି । ଲୋକମାନେ ବିଶାଳ ଉଦଘାଟନକୁ ଅପେକ୍ଷା କରି ରହିଛନ୍ତି । ବିଭିନ୍ନ ରାଜ୍ୟରୁ ରାମଲାଲାଙ୍କ ପାଇଁ ବିଭିନ୍ନ ପ୍ରକାରର ଉପହାର ଆସୁଛି । ଜାନୁଆରି ୨୨ରେ ଅଯୋଧ୍ୟାରେ ପ୍ରାଣ ପ୍ରତିଷ୍ଠା କାର୍ଯ୍ୟକ୍ରମ ଅନୁଷ୍ଠିତ ହେବ । ଏଥିପାଇଁ ସମଗ୍ର ଦେଶବାସୀ ରାମ ମନ୍ଦିରର ଉଦଘାଟନୀ ଉତ୍ସବକୁ ଉତ୍ସାହର ସହିତ ଅପେକ୍ଷା କରିଛନ୍ତି ।
Click it and Unblock the Notifications
Sign in with Google