ଆକ୍ସନ ମୋଡରେ NIA: ଦୁଇଟି ରାଜ୍ୟର ୪୪ଟି ସ୍ଥାନରେ ଚଢାଉ, ୧୩ ଜଣ ଗିରଫ

National Investigation Agency Raid: ରାଷ୍ଟ୍ରୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଶନିବାର 09 ଡିସେମ୍ବର ସକାଳେ କର୍ଣ୍ଣାଟକ ଏବଂ ମହାରାଷ୍ଟ୍ରର 44 ଟି ସ୍ଥାନରେ ଆଇଏସ୍ ଆତଙ୍କବାଦୀ ଷଡଯନ୍ତ୍ର ମାମଲାକୁ ଚଢାଇ କରି 13 ଜଣଙ୍କୁ ଗିରଫ କରିଛି ।

Of the total 44 locations being raided by the NIA since this morning, the agency sleuths have searched 1 place in Karnataka, 2 in Pune, 31 in Thane Rural, 9 in Thane city and 1 in Bhayandar. https://t.co/vKl7119DcV

— ANI (@ANI) December 9, 2023

ଏନଆଇଏ ଦ୍ୱାରା ଯେଉଁ ୪୪ଟି ସ୍ଥାନରେ ଚଢାଉ କରାଯାଇଛି ତାହା ମଧ୍ୟରୁ କର୍ଣ୍ଣାଟକର ଗୋଟିଏ ସ୍ଥାନ, ପୁଣେରେ ଦୁଇଟି, ଥାନେ ଗାଁରେ 31ଟି, ଥାନେ ସହରରେ 9 ଏବଂ ଭୟନ୍ଦର 1 ଟି ସ୍ଥାନ ଖୋଜାଖୋଜି କରାଯାଇଛି। ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି ସୂତ୍ର ଅନୁଯାୟୀ, ଅନ୍ତର୍ଜାତୀୟ ସଂଯୋଗ ଏବଂ ଚାଲୁଥିବା ମାମଲାରେ ବିଦେଶୀ ଭିତ୍ତିକ ଆଇଏସ୍ ସମ୍ପୃକ୍ତି ନେଇ ସେମାନେ ଏକ ବଡ଼ ଷଡଯନ୍ତ୍ରର ଖୁଲାସା କରିଛନ୍ତି।

ଏହି ଅନୁସନ୍ଧାନରେ ଭାରତରେ ଆଇଏସଆଇଏସର ଆତଙ୍କବାଦୀ ଚିନ୍ତାଧାରା ପ୍ରଚାର କରୁଥିବା ବ୍ୟକ୍ତିବିଶେଷଙ୍କ ଏକ ନେଟୱାର୍କ ପ୍ରକାଶ ପାଇଛି। ନେଟୱାର୍କ ଆଇଏସଆଇଏସର ଆତ୍ମଘୋଷିତ ଖଲିଫ (ନେତା) ଙ୍କ ପ୍ରତି ବିଶ୍ୱସ୍ତତା ପ୍ରତିଜ୍ଞା କରିଛି ଏବଂ ଇମ୍ପ୍ରୋଭାଇଜଡ୍ ବିସ୍ଫୋରକ ଉପକରଣ (IED) ଉତ୍ପାଦନରେ ଜଡିତ ଥିବା ଜଣାପଡିଛି। ଭାରତୀୟ ମାଟିରେ ଆତଙ୍କବାଦୀ କାର୍ଯ୍ୟକଳାପ କରିବାକୁ ଏହି ନେଟୱାର୍କ କାର୍ଯ୍ୟ କରୁଛି ବୋଲି ସୂଚନା ରହିଛି ।

ଖବର ଏହା ମଧ୍ୟ ରହିଛି ଯେ, ଏହି ନେଟୱାର୍କ କିଛି ବଡ଼ ଧରଣର ବିସ୍ଫୋରଣର ଯୋଜନା କରୁଥିବା ନେଇ ଏନଆଇଏ କହିଛି । ସେହିପରି ସେନାର ଠିକଣା ଉପରେ ଆକ୍ରମଣ କରିବାର ଯୋଜନା କରାଯାଉଥିଲା , ଏବଂ ଦେଶର କିଛି ପ୍ରମୁଖ ସେମା ଘାଟିର ଫଟୋ ଏହି ନେଟୱର୍କ ପାକିସ୍ତାନ ଓ ସିରିୟାକୁ ପଠାଉଥିବା ମଧ୍ୟ ଜଣାପଡିଛି । ଏହାପରେ ଯୋଜନାବଦ୍ଧ ଭାବେ ଆଜି ଏନଆଇଏ ପକ୍ଷରୁ ଏହି ଚଢାଉ କରାଯାଇଥିଲା । ମହାରାଷ୍ଟ୍ର ଓ କର୍ଣ୍ଣାଟକା ପୋଲିସ ସହାୟତାରେ ଏହି ରେଡ୍ କରିଥିଲା ଏନଆଇଏ ।

English summary

NIA in action: Raid Over 40 Location In Karnataka, Maharashtra In ISIS conspiracy case.