ବିଳାସପୁର ଟ୍ରେନ୍ ଦୁର୍ଘଟଣାକୁ ନେଇ ଆସିଲା ନୂଆ ଅପଡେଟ୍ ,ଲୋକୋ ପାଇଲଟ ମାନିନଥିଲେ ସିଗନା

ଛତିଶଗଡ ବିଳାସପୁର ଟ୍ରେନ୍ ଦୁର୍ଘଟଣାକୁ ନେଇ ଆସିଲା ନୂଆ ଅପଡେଟ୍ଟ୍ । ମାଲ୍‌ବାହୀ ଟ୍ରେନ୍‌କୁ ଧକ୍କା ଦେଇଥିଲା ମେମୁ ପାସେଞ୍ଜର ଟ୍ରେନ୍ । ପ୍ରାରମ୍ଭିକ ଯାଞ୍ଚରୁ ଜାଣିବାକୁ ମିଳିଛି କି, ସିଗନାଲ ନମାନି ମାଲବାହୀ ଟ୍ରେନକୁ ଧକ୍କା ଦେଇଥିଲା ମେମୁ ଟ୍ରେନ । ଲୋକ ପାଇଲଟ ସିଗନାଲ ନିୟମକୁ ପାଳନ ନକରିବାରୁ ଏତେ ବଡ଼ ଦୁର୍ଘଟଣା ଘଟିଥିବା ରେଳବାଇ କହିଛି ।

ପ୍ରାଥମିକ ଯାଂଚରେ ବ୍ରେକିଂ ସିଷ୍ଟମରେ କୌଣସି ତ୍ରୁଟି ଜଣାପଡିନଥିବା ବେଳେ ଲୋକ ପାଇଲଟଙ୍କ ଅସାବଧାନତାକୁ ଦାୟୀ କରାଯାଇଛି । ଲୋକୋ ପାଇଲଟଙ୍କ ବ୍ଲାକ ବକ୍ସ ଡାଟା, ସିଗନାଲ ଲଗ୍ ଓ ପ୍ରତ୍ୟକ୍ଷଦର୍ଶୀଙ୍କ ବୟାନ ଆଧାରରେ ତଦନ୍ତ କରୁଛନ୍ତି ରେଳ ସୁରକ୍ଷା କମିଶନର । କେବଳ ଏ ଗୋଟେ ଘଟଣା ନୁହେଁ ବଂର ୨୦୨୫ରେ ହୋଇଥିବା ୩ରୁ ଅଧିକ ଦୁର୍ଘଟଣାରେ ଯାନ୍ତ୍ରିକ ଓ ପରିଚାଳନାଗତ ତ୍ରୁଟି ପରିଲିକ୍ଷିତ ହୋଇଛି ।

ଦୁର୍ଘଟଣା ପରେ ଟ୍ରେନ୍ କୋଚ୍ ଗୁଡ଼ିକ ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା। ଉଦ୍ଧାରକାରୀ ଦଳ ପହଞ୍ଚିବା ପରେ, ଟ୍ରାକ୍ ସଫା କରିବା କାମ ଦ୍ରୁତ ଗତିରେ ଆରମ୍ଭ ହୋଇଥିଲା । ଏହା ଅନେକ ଟ୍ରେନକୁ ମଧ୍ୟ ପ୍ରଭାବିତ କରିଛି ।