ଜି -20 ଶିଖର ସମ୍ମିଳନୀ: ପ୍ରଥମ ଦିନରେ ବଡ଼ ସଫଳତା, ଦିଲ୍ଲୀ ଘୋଷଣା ପତ୍ର ମଞ୍ଜୁର

New Delhi G-20 Leaders Summit Declaration: ରାଜଧାନୀ ଦିଲ୍ଲୀରେ ଜି -20 ଶିଖର ସମ୍ମିଳନୀ ଜାରି ରହିଛି । ପ୍ରଥମ ଦିନରେ ଭାରତକୁ ମିଳିଛି ବଡ଼ ସଫଳତା । ସମ୍ମିଳନୀର ପ୍ରଥମ ଦିନରେ 'ଲିଡର୍ସ ଘୋଷଣା ପତ୍ର'କୁ ମଞ୍ଜୁର ପ୍ରଦାନ କରାଯାଇଛି । ବୈଠକର ଦ୍ୱିତୀୟ ପାଳିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏନେଇ ସୂଚନା ଦେଇଛନ୍ତି ଏହାସହ ଜି-20ରେ ସଂମ୍ପୃକ୍ତ ମନ୍ତ୍ରୀ ଓ ସମସ୍ତ ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି,'ଏକ ଖୁସି ଖବର ଯେ ଆମର କଠିନ୍ ପରିଶ୍ରମ ଏବଂ ଆପଣମାନଙ୍କ ସମର୍ଥନରେ ଜି-20 ନେତା ଶିଖର ସମ୍ମିଳନୀ ଘୋଷଣା ଉପରେ ରାଜିନାମା ହୋଇଛି । ମୁଁ ପ୍ରସ୍ତାବ ଦେଉଛି ଯେ, ନେତା ଘୋଷଣାନାମାକୁ ମଧ୍ୟ ଗ୍ରହଣ କରିବା ଉଚିତ୍ । ଏହି ଘୋଷଣା ନାମାକୁ ମୁଁ ଗ୍ରହଣ କରୁଛି ।

#WATCH | G-20 in India: PM Narendra Modi says, " I have received good news. Due to the hard work of our team, consensus has been built on New Delhi G20 Leaders' Summit Declaration. My proposal is to adopt this leadership declaration. I announce to adopt this declaration. On this… pic.twitter.com/7mfuzP0qz9

— ANI (@ANI) September 9, 2023

ଘୋଷଣାପତ୍ରକୁ ମଞ୍ଜୁରୀ ମିଳିବା ପରେ ଜି-୨୦ ଶେରପା ଅମିତାଭ କାନ୍ତ କହିଛନ୍ତି, ନୂଆ ଦିଲ୍ଲୀ ଜି-20 ଘୋଷଣାନାମାରେ ଦୃଢ, ସ୍ଥାୟୀ, ସନ୍ତୁଳିତ ଏବଂ ଅନ୍ତର୍ଭୁକ୍ତ ଅଭିବୃଦ୍ଧି ଏସଡିଜିରେ ଅଗ୍ରଗତିକୁ ତ୍ୱରାନ୍ୱିତ କରିବା, ସ୍ଥାୟୀ ଭବିଷ୍ୟତ ପାଇଁ ସବୁଜ ବିକାଶ ଚୁକ୍ତି ଏବଂ ବହୁ ପକ୍ଷବାଦର ପୁନରୁଦ୍ଧାର ଉପରେ ଗୁରୁତ୍ୱ ଦିଆଯାଇଛି ।

ପ୍ରଧାନମନ୍ତ୍ରୀ ଆହୁରି କହିଛନ୍ତି, ଆଗାମୀ ଦିନରେ ଏକ ବିଶ୍ୱ ଜୈବ ଇନ୍ଧନ ମେଣ୍ଟ ସୃଷ୍ଟି କରୁଛୁ ଏବଂ ଭାରତ ଆପଣମାନଙ୍କୁ ଏହି ପଦକ୍ଷେପରେ ଯୋଗାଦାବା ପାଇଁ ନିମନ୍ତ୍ରଣ କରୁଛି । ତେବେ ପେଟ୍ରୋଲରେ ଇଥାନସ ମିଶ୍ରଣକୁ ୨୦ ପ୍ରତିଶତକୁ ନେବା ପାଇଁ ଭାରତ ଏକ ବିଶ୍ୱସ୍ତରୀୟ ପଦକ୍ଷେପ ନେବାକୁ ଯାଉଛି ।

କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ, ଭୌଗୋଳିକ ତିକ୍ତତାର ଏକ ଚ୍ୟାଲେଞ୍ଜିଂ ସମୟରେ ଆମେ ଅଧ୍ୟକ୍ଷତା ଗ୍ରହଣ କରିଛୁ । ଆଜି ମୁଁ ଆତ୍ମବିଶ୍ୱାସରେ କହିପାରେ ଯେ ଜି-20 ରେ ଭାରତର ଅଧ୍ୟକ୍ଷତା ଏହି ମାମଲାକୁ ଆଗକୁ ନେଇଛି । ଭାରତର ଜି-20 ଅଧ୍ୟକ୍ଷ 'ଗୋଟିଏ ପୃଥିବୀ, ଗୋଟିଏ ପରିବାର, ଗୋଟିଏ ଭବିଷ୍ୟତ' ବିଷୟବସ୍ତୁ ଉପରେ କାର୍ଯ୍ୟ କରିଛି । ଆମେ ଆମ ମନରେ ସ୍ପଷ୍ଟ ଯେ ବିଶ୍ୱର ସମାଧାନ ପାଇଁ ଆମର ସନ୍ଧାନରେ କାହାକୁ ଛାଡି ଦିଆଯିବା ଉଚିତ୍ ନୁହେଁ ।

English summary

New Delhi G-20 Leaders Summit Declaration