NEET-UG: ନିଟ୍ ୟୁଜି ୨୦୨୪ ପରୀକ୍ଷାର ସଂଶୋଧିତ ଫଳାଫଳ ପ୍ରକାଶ, ଟପ୍ପର୍ସଙ୍କ ସଂଖ୍ୟା ୬୧ରୁ କମ ହୋଇ ୧୭ରେ ପହଞ୍ଚିଲା

ସୁପ୍ରମିକୋର୍ଟଙ୍କ ନିର୍ଦ୍ଦେଶ ପରେ ନ୍ୟାଶନାଲ ଟେଷ୍ଟିଂ ଏଜେନ୍ସୀ (NTA) ପକ୍ଷରୁ ଆଜି NEET-UG ୨୦୨୪ ପରୀକ୍ଷାର ସଂଶୋଧିତ ଫଳାଫଳ ପ୍ରକାଶ କରାଯାଇଛି । ଏହି ପରୀକ୍ଷାରେ ସାମିଲ ହୋଇଥିବା ପ୍ରାର୍ଥୀ ଅଫିସିଆଲ୍ ୱେବସାଇଟ୍ neet.ntaonline.inରେ ନିଟ୍ ସଂଶୋଧିତ ସ୍କୋରକାର୍ଡ ୨୦୨୪ ଏବଂ ଏନଟିଏର ଅଫିସିଆଲ୍ ୱେବସାଇଟ୍ nta.ac.inରୁ ନିଟ୍ ୟୁଜି ୨୦୨୪ର ଫାଇନାଲ ମାର୍କ ଡାଉନଲୋଡ୍ କରିପାରିବେ ।

ଉଲ୍ଲେଖଯୋଗ୍ୟ ଯେ ନିଟ୍ ୨୦୨୪ ସଂଶୋଧିତ ସ୍କୋରକାର୍ଡ ଡାଉନଲୋଡ୍ କରିବା ପାଇଁ ବିଦ୍ୟାର୍ଥୀଙ୍କ ନିଜର ଲଗଇନ୍ କ୍ରିଡେନସିଆଲ୍ ଯେପରି କି ଆବେଦନ ସଂଖ୍ୟା ଏବଂ ପାସୱାର୍ଡର ଆବଶ୍ୟକତା ରହିଥାଏ । ଅନ୍ୟପଟେ ଫାଇନାଲ୍ ଆନସର-କି ଦେଖିବା ପାଇଁ ଲଗ୍ଇନ୍ ଆବଶ୍ୟକତା ପଡିବ ନାହିଁ ।

ଗତ ମେ' ୫ରେ ଅନୁଷ୍ଠିତ ହୋଇଥିବା ଏହି ମେଡିକାଲ ପ୍ରବେଶିକା ପରୀକ୍ଷାର ଫିଜିକ୍ସର ଗୋଟିଏ ପ୍ରଶ୍ନ ପାଇଁ କିଛି ଛାତ୍ରଛାତ୍ରୀଙ୍କୁ ଗ୍ରେସ୍ ମାର୍କ ମିଳିଥିଲା ।

ଆଟୋମିକ ଥିଓରି ପ୍ରଶ୍ନ ନଂ ୨୯ରେ ଥିବା ବିକଳ୍ପରେ ଦୁଇଟି ଉତ୍ତର ଠିକ୍ ଥିବାରୁ ଏହି ଗ୍ରେସ୍ ମାର୍କ ମିଳିଥିଲା। ପୁରୁଣା NCERT ଦ୍ୱାଦଶ ବିଜ୍ଞାନ ବହି ଅନୁସାରେ, ଯେଉଁମାନେ ଉତ୍ତର ଲେଖିଥିଲେ ସେମାନଙ୍କୁ ଏହି ଗ୍ରେସ୍ ମାର୍କ ମିଳିଥିଲା । କିନ୍ତୁ ସୁପ୍ରିମକୋର୍ଟରେ ଏ ଉପରେ ବିଚାର ସମୟରେ ଜଣେ ଛାତ୍ର ଏହାକୁ ବିରୋଧ କରିଥିଲେ । ଗୋଟିଏ ପ୍ରଶ୍ନପତ୍ର ପାଇଁ ଗୋଟିଏ ଅପସନ୍ (ଉତ୍ତର) ରହିବା ଉଚିତ୍ ବୋଲି ସେ ଦାବି କରିଥିଲେ । ଏହାକୁ ଗୁରୁତର ସହ ନେଇ ସର୍ବୋଚ୍ଚ ଅଦାଲତ ଆଇଆଇଟି ଦିଲ୍ଲୀକୁ ଯାଞ୍ଚ ନିର୍ଦ୍ଦେଶ ଦେଇଥିଲେ । ଯାଞ୍ଚ ପରେ ସୁପ୍ରିମକୋର୍ଟ ଉକ୍ତ ପ୍ରଶ୍ନ ପାଇଁ ଗୋଟିଏ ଉତ୍ତର (ଅପ୍ସନ ନଂ୪) ଠିକ୍ ଏବଂ ଏହି ଅନୁସାରେ ପୁନଃ ପରୀକ୍ଷା ଫଳ ପ୍ରକାଶ କରିବାକୁ ନିର୍ଦ୍ଦେଶ ଦେଇଥିଲେ ।

ଏକ୍ସପର୍ଟ ପ୍ୟାନେଲ ଅନୁସାରେ ବିବାଦୀୟ ଫିଜିକ୍ସ ପେପରରେ ଅତିରିକ୍ତ ୫ ମାର୍କ ଉପରେ ବିଚାର କରି ଦ୍ୱିତୀୟ ଥର ସଂଶୋଧିକ ରେଜଲ୍ଟ ଜାରି କରିବା ପାଇଁ କହିଥିଲେ । ପ୍ରଶ୍ନ ନମ୍ୱର ୧୯ର ଦୁଇ ଉତ୍ତର ପରିବର୍ତ୍ତେ ଗୋଟିଏ ଉତ୍ତର ସମ୍ପର୍କରେ ସୁପ୍ରିମକୋର୍ଟଙ୍କ ରୟା ପରେ ପ୍ରାୟ ୪.୨୦ ଲକ୍ଷ ପ୍ରାର୍ଥୀଙ୍କ ୫-୫ ମାର୍କ କମ୍ ହୋଇଛି । ଏଥିରେ ଲକ୍ଷାଧିକ ଛାତ୍ରଙ୍କ ରାଙ୍କିଂରେ ପରିବର୍ତ୍ତନ ହୋଇଛି । ଟପ୍ପର୍ସଙ୍କ ସଂଖ୍ୟା ୬୧ରୁ କମ ହୋଇ ୧୭ ହୋଇଛି ।