ଆଜି ମେଡିକାଲ ପ୍ରବେଶିକା ପରୀକ୍ଷା, 18 ଲକ୍ଷରୁ ଅଧିକ ଛାତ୍ରଛାତ୍ରୀ ଦେବେ ପରୀକ୍ଷା

ଆଜି ନ୍ୟାସନାଲ ଏଲିଜିବିଲିଟି ଟେଷ୍ଟ ବା ନିଟ୍ ପରୀକ୍ଷା । ଓଡ଼ିଆ ସମେତ 13ଟି ଭାଷାରେ ପରୀକ୍ଷା ଦେବେ ଛାତ୍ରଛାତ୍ରୀ ।

ନୂଆଦିଲ୍ଲୀ: ଆଜି ନ୍ୟାସନାଲ ଏଲିଜିବିଲିଟି ଟେଷ୍ଟ ବା ନିଟ୍ ପରୀକ୍ଷା । ଓଡ଼ିଆ ସମେତ 13ଟି ଭାଷାରେ ପରୀକ୍ଷା ଦେଉଛନ୍ତି ଛାତ୍ରଛାତ୍ରୀ । ଦେଶ ବାହାରେ 14ଟି କେନ୍ଦ୍ର ସହ ମୋଟ 543ଟି ସହରରେ ପରୀକ୍ଷା ହେଉଛି । ଏଥିପାଇଁ 18 ଲକ୍ଷରୁ ଅଧିକ ଛାତ୍ରଛାତ୍ରୀ ପଞ୍ଜୀକରଣ କରିଛନ୍ତି । ପୂର୍ବରୁ କିଛି ଛାତ୍ରଛାତ୍ରୀ ପରୀକ୍ଷା ତାରିଖ ପରିବର୍ତ୍ତନ ନେଇ ଅନେକ ଦାବି କରିଥିଲେ । ଏନେଇ ଛାତ୍ରଛାତ୍ରମାନେ ଦିଲ୍ଲୀ ହାଇକୋର୍ଟରେ ମଧ୍ୟ ଆବେଦନ କରିଥିଲେ । କିନ୍ତୁ ମାମଲାର ଶୁଣାଣି କରି କୋର୍ଟ ଏହି ଆବେଦନକୁ ଖାରଜ କରିଥିଲେ ।

NTA ପକ୍ଷରୁ ଛାତ୍ରଛାତ୍ରୀମାନଙ୍କ ପାଇଁ ନିର୍ଦ୍ଦେଶନାମା ଓ ଡ୍ରେସକୋର୍ଡ ଜାରି କରିଛନ୍ତି । ଗାଇଡଲାଇନକୁ କଡ଼ାକଡ଼ି ପାଳନ ଉପରେ ଗୁରୁତ୍ୱ ଦିଆଯାଇଛି । ପରୀକ୍ଷାର୍ଥୀମାନେ ଆଧାର କାର୍ଡ ସମେତ ଏକ ପରିଚୟ ପତ୍ର ନେବା ବାଧ୍ୟତାମୂଳକ । ପରୀକ୍ଷା କେନ୍ଦ୍ରରେ ମୋବାଇଲ ଫୋନ, ସ୍ମାର୍ଟଓ୍ୱାଚ, କାଲକୁଲେଟର ବା ଅନ୍ୟ କୌଣସି ଇଲେକ୍ଟ୍ରୋନିକ୍ସ ସାମଗ୍ରୀକୁ ଅନୁମତି ନାହିଁ ।

ଛାତ୍ରଛାତ୍ରୀଙ୍କ ପାଇଁ ଜରୁରୀ ନୋଟିସ:

- ସଠିକ ସମୟରେ ପରୀକ୍ଷାର୍ଥୀ ମାନେ ପରୀକ୍ଷା କେନ୍ଦ୍ରରେ ପହଞ୍ଚିବାକୁ ନିର୍ଦ୍ଦେଶ ଦିଆଯାଇଛି । ଗେଟ ବନ୍ଦ ପରେ କୌଣସି ପରୀକ୍ଷାର୍ଥୀଙ୍କୁ ଭିତରକୁ ପ୍ରବେଶ କରିବା ପାଇଁ ଅନୁମତି ଦିଆଯିବ ନାହିଁ ।

- ବିନା ଆଡମିଡ କାର୍ଡରେ ପରୀକ୍ଷା ହଲରେ ପ୍ରବେଶ କରିପାରିବେ ନାହିଁ ଛାତ୍ରଛାତ୍ରୀ ।

- ଅରିଜିନାଲ ପ୍ୟାନ, ଆଧାର କିମ୍ବା ଫଟୋ ପରିଚୟ ପତ୍ର ସାଙ୍ଗରେ ନେବା ଜରୁରୀ । ନଚେତ ପରୀକ୍ଷା ପାଇଁ ଅନୁମତି ମିଳିବ ନାହିଁ ।

- ନିଟ୍ 2022 ବୁଲେଟିନ ଅନୁସାରେ, କୌଣସି ପରୀକ୍ଷାର୍ଥୀ ଓଏମଆର ସିଟ ନଦେଇ ପରୀକ୍ଷା ହଲ ଛାଡି ପାରିବେ ନାହିଁ । ପରୀକ୍ଷା ଦାୟିତ୍ବରେ ଥିବା ଇନଭିଜିଲେରଙ୍କୁ ଓଏମଆର ସିଟ ଦେଇ ହଲରୁ ବାହାରିବେ ସମସ୍ତ ପରୀକ୍ଷାର୍ଥୀ।

- ଏଜେନ୍ସି ଅନୁଯାୟୀ, ଅପରାହ୍ନ 1:30 ପରେ ପ୍ରାର୍ଥୀମାନଙ୍କୁ ପରୀକ୍ଷା କେନ୍ଦ୍ରରେ ପ୍ରବେଶ କରିବାକୁ ଅନୁମତି ଦିଆଯିବ ନାହିଁ। 1:15 ସୁଦ୍ଧା ପରୀକ୍ଷା ହଲରେ ବସିବାକୁ ଅନୁମତି ଦିଆଯିବ । ସମସ୍ତ ନିର୍ଦ୍ଦେଶାବଳୀ ଅପରାହ୍ନ 1:20 ରୁ 1:45 ପର୍ଯ୍ୟନ୍ତ ରହିବ ।

- ଯଦି ପ୍ରାର୍ଥୀମାନେ କୌଣସି ପାରମ୍ପାରିକ ପୋଷାକ ପିନ୍ଧିଛନ୍ତି, ତେବେ ଦିନ 12.30 ସୁଦ୍ଧା ସେମାନଙ୍କୁ ପରୀକ୍ଷା କେନ୍ଦ୍ରରେ ରିପୋର୍ଟ କରିବା ଆବଶ୍ୟକ।

ଡ୍ରେସ କୋଡ୍ :
- ପରୀକ୍ଷାର୍ଥୀ ସ୍ଲିପର, ସ୍ୟାଣ୍ଡେଲ ଏବଂ ଲୋ ହିଲ୍ସ ପିନ୍ଧି ପରୀକ୍ଷା କେନ୍ଦ୍ରରେ ପ୍ରବେଶ କରିପାରିବେ । ଜୋତା ପିନ୍ଧିବା ପାଇଁ ଅନୁମତି ନାହିଁ ।

- ଲମ୍ବା ହାତ ଥିବା କୌଣସି ପୋଷାକ ପିନ୍ଧିଥିବା ପରୀକ୍ଷାର୍ଥୀଙ୍କୁ ପରୀକ୍ଷା ହଲରେ ପ୍ରବେଶ ପାଇଁ ଅନୁମତି ମିଳିବ ନାହିଁ । ତେଣୁ ଏଥିପ୍ରତି ସତର୍କତା ଅବଲମ୍ବନ କରନ୍ତୁ ।

ଆଜି 3 ଘଣ୍ଟା 20 ମିନିଟର ଏହି ପ୍ରବେଶିକା ପରୀକ୍ଷା 13ଟି ଭିନ୍ନ ଭାଷାରେ କରାଯିବ । ସେଗୁଡିକ ହେଉଛି, ଉର୍ଦ୍ଦୁ, ଇଂରାଜୀ,ହିନ୍ଦୀ, ମରାଠୀ, ଆସାମିଜ୍, ଓଡିଆ, ଗୁଜୁରାଟୀ, ବଙ୍ଗଳା, ପଞ୍ଜାବୀ, ତାମିଲ, କନ୍ନଡ, ତେଲୁଗୁ ଏବଂ ମାଲାୟଲମ ।

English summary

National Eligibility cum Entrance Test Undergraduate, NEET UG 2022 will be held today, on July 17, 2022 for all the registered candidates, scroll down for reporitng time and other important details.