୧୮ ଘଣ୍ଟା ପରେ ୩୬ ଫୁଟ୍ ବୋରୱେଲରୁ ସୁରକ୍ଷିତ ଉଦ୍ଧାର ହେଲା ୨ ବର୍ଷର ଶିଶୁ

ରାଜସ୍ଥାନ: ୩୬ ଫୁଟ୍ ବୋରୱେଲକୁ ଖସି ପଡ଼ିଥିଲା ୨ ବର୍ଷର ଶିଶୁ । ଦୌସା ଜିଲ୍ଲା ବନ୍ଦିକୁଇ ଅଞ୍ଚଳର ଏକ ବୋରୱେଲରେ ପଡ଼ିଥିଲା ଶିଶୁ। ଉଦ୍ଧାର ପାଇଁ ଏନଡିଆରଏଫ୍ ଓ ଏସଡିଆରଏଫ୍‌ର ଉଦ୍ୟମ ଜାରି ରଖିଥିଲେ। ଗତକାଲି ଖେଳିବା ବେଳେ ବୋରୱେଲରେ ଗଳି ପଡ଼ିଥିଲା ଶିଶୁ । ଉଦ୍ଧାର ପାଇଁ ଗତ 18 ଘଣ୍ଟା ଧରି ଏହି ଅପରେସନ୍ ଚାଲିଥିଲା ଆଉ ଶେଷରେ ଜିତିଲା ଜୀବନ।

ବୋରୱେଲ ଭିତରୁ ଜୀବନ୍ତ ଉଦ୍ଧାର ହେଲା ୨ ବର୍ଷର ଶିଶୁ। ବୁଧବାର ସନ୍ଧ୍ୟା ୫ ଟାରେ ଖେଳୁଥିବାବେଳେ ନେରୁ ବୋରୱେଲରେ ପଡ଼ିଯାଇଥିଲେ। ଏହାପରେ ଖବର ପାଇ ପ୍ରଶାସନ, ଏସ୍‌ଡିଆର୍ ଓ ଏନ୍‌ଡିଆର୍ଏଫ୍ ଟିମ୍ ଘଟଣାସ୍ଥଳରେ ପହଞ୍ଚି ଉଦ୍ଧାର କାଯ୍ୟ ଆରମ୍ଭ କରିଥିଲେ।

ବୋରୱେଲ ନିକଟରେ ୩୬ ଫୁଟ ଗଭୀର ଗାତ ଖୋଳା ଯାଇଥିଲା। ଉଦ୍ଧାର ପାଇଁ ଗୋଟିଏ ଏଲଏନଟି , ୪ଟି ଜେସିବି ଏବଂ ଦୁଇଟି ଟ୍ରାକ୍ଟରର ସାହାଯ୍ୟ ନିଆଯାଇଥିଲା। ପାଇପ୍ ର ୨୦ ଫୁଟ ଟନେଲ୍ ନିର୍ମାଣ କରାଯାଇଥିଲା। ଏଥିସହ ଶିଶୁଟିର ଗତିବିଧି ଦେଖିବା ପାଇଁ ଏକ କ୍ୟାମେରା ମଧ୍ୟ ଭିତରକୁ ଛଡା ଯାଇଥିଲା। ଶେଷରେ ଦୀର୍ଘ ୧୮ ଘଣ୍ଟାର ଅପରେସନ୍ ପରେ ଶିଶୁଟିକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।