Navaratri 2023: ଗରବା ଡ୍ୟାନ୍ସ କରି ଗଲାଣି ୧୦ ଜୀବନ, ଜାଣନ୍ତୁ କାରଣ

Updated: Monday, October 23, 2023, 12:53 [IST]

Navaratri 2023: ନବରାତ୍ରୀ ପାଇଁ ସବୁଠୁ ଉତ୍ସାହର ମାହୋଲ । ମା'ଙ୍କ ଦର୍ଶନ କରିବା ସହ ଭକ୍ତ ମାନେ ଗରବା ଡ୍ୟାନ୍ସରେ ନେଉଛନ୍ତି ମଜା । ହେଲେ ଉତ୍ସବର ମାହୋଲ ଭିତରେ ଆଶ୍ଚର୍ଯ୍ୟ କଲା ଘଟଣା ପ୍ରକାଶ ପାଇଛି । ଗୁଜୁରାଟରୁ ଆସିଛି ଦୁଃଖଦ ଖବର । ରାଜ୍ୟ ଗରବା ନାଚୁ ନାଚୁ ଗୋଟିଏ ଦିନରେ ଗଲାଣି ୧୦ ଜଣଙ୍କ ଜୀବନ । ଯାହା ଏକ ଚିନ୍ତାର ବିଷୟ ପାଲଟିଛି । ମୃତକଙ୍କ ମଧ୍ୟରେ ଛୋଟ ପିଲା, ଯୁବ ଏବଂ ମଧ୍ୟମ ବୟସର ଲୋକ ମଧ୍ୟ ସାମିଲ ଅଛନ୍ତି ।

ମା'ଦୁର୍ଗାଙ୍କ ଆଗମରେ ଗୁଜୁରାଟଙ୍କ ସବୁଠି ଉତ୍ସହାର ମାହୋଲ ଦେଖିବା ପାଇଁ ମିଳେ । ଲୋକେ ରଙ୍ଗ ବେରଙ୍ଗର ଡ୍ରେସ୍ ପିନ୍ଧି ଗରବା ଖେଳିବା ପାଇଁ ପସନ୍ଦ କରନ୍ତି । ଗୁଜରାଟରେ ଗରବା ଡ୍ୟାନ୍ସର ଏକ ସ୍ୱତନ୍ତ୍ର ପରିଚୟ ରହିଥିବାରୁ ବିଭିନ୍ନ ସ୍ଥାନରେ ଗରବା ଖେଳିବା ପାଇଁ ଆୟୋଜନ ମଧ୍ୟ କରାଯାଇଥାଏ । ହେଲେ ଏହି ଖୁସିର ମାହୋଲ ଲାଗିଛି ଗ୍ରହଣ ।

ସୂଚନା ଅନୁସାରେ, ବରୋଦା ଅଞ୍ଚଳର ଜଣେ ୧୩ ବର୍ଷୀୟ ବାଳକ ଗରବା ଡ୍ୟାନ୍ସ କରୁଥିବା ବେଳେ ହୃଦଘାତର ଶିକାର ହୋଇଛନ୍ତି । ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିବା ନେଇ ଖବର ରହିଛି । ସେହିପରି ଶୁକ୍ରବାର ଅହମ୍ମଦାବାଦରେ ଜଣେ ୨୪ ବର୍ଷୀୟ ଯୁବକ ଏବଂ କପାଦୱଞ୍ଜର ୧୭ ବର୍ଷୀୟ ବାଳକଙ୍କର ମଧ୍ୟ ସମାନ କାରଣରୁ ମୃତ୍ୟୁ ହୋଇଛି ।

ତେବେ ଏପରି ଘଟଣା ପରେ ସରକରା ଏବଂ ଇଭେଣ୍ଟ ଆୟୋଜକ ସତକର୍ତା ଅବଲମ୍ବନ କରିଛନ୍ତି । ରାଜ୍ୟରେ ସମସ୍ତ ଗରବା ହେଉଥିବା ସ୍ଥାନରେ ଆମ୍ବୁଲାନ୍ସର ବ୍ୟବସ୍ଥା କରିବା ସହ ସରକାରୀ ଡାକ୍ତରଖାନା ଏବଂ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ସଜାଗ ରହିବା ପାଇଁ କୁହାଯାଇଛି ।

ସେହିପରି ଗରବା ଆୟୋଜନ ହେଉଥିବା ସ୍ଥାନରେ ଡାକ୍ତର ଏବଂ ସିପିଆର୍ ତାଲିମ ପାଇଥିବା ବ୍ୟକ୍ତିଙ୍କୁ ନିୟୋଜିତ କରାଯିବାର ଯୋଜନା କରାଯାଇଛି । ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ହୃତଘାତର ଶିକାର ହୋଇଥିବା ବ୍ୟକ୍ତିଙ୍କୁ ତୁରନ୍ତ ସିପିଆର୍ ଦିଆଯିବା ଉଚିତ୍ । ଏହା ହୃତଘାତରେ ଆକ୍ରାନ୍ତ ବ୍ୟକ୍ତିଙ୍କ ଶ୍ୱାସକ୍ରିୟାକୁ ପୁନଃ ସ୍ଥାପିତ କରିବା ପାଇଁ ଦିଆଯାଏ ।

ତେବେ ଏହା ପୂର୍ବରୁ ନବରତ୍ରୀ ଆରମ୍ଭରୁ ମଧ୍ୟ ଗରବା ପାଇଁ ପ୍ରସ୍ତୁତ ହେଉଥିବା ଅଭ୍ୟାସ କରିବା ସମୟରେ ମଧ୍ୟ ୩ ଜଣ ଯୁବକଙ୍କର ମୃତ୍ୟୁ ଖବର ପ୍ରକାଶ ପାଇଥିଲା । ଯାହା ସାଧାରଣରେ ଚିନ୍ତାରେ ବିଷୟ ପାଲଟିଛି ।