'ମୋ ପାଇଁ ଦେଶ ପ୍ରଥମେ, ଦଳ ପରେ'

କଂଗ୍ରେସ ନେତା ଏବଂ ସାଂସଦ ଶଶି ଥରୁର 'ଅପରେସନ୍ ସିନ୍ଦୂର' ଉପରେ ମୋଦୀ ସରକାର ଏବଂ ସେନାକୁ ସମର୍ଥନ କରିଛନ୍ତି ଏବଂ କହିଛନ୍ତି ଯେ ଦେଶର ସୁରକ୍ଷା ଯେକୌଣସି ରାଜନୈତିକ ଦଳ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ। ସେ ସ୍ପଷ୍ଟ କରିଛନ୍ତି ଯେ ସେ ତାଙ୍କ ଦଳକୁ ସମ୍ମାନ କରନ୍ତି, କିନ୍ତୁ ଭାରତ ସବୁଠାରୁ ଆଗରେ।

ଥରୁର ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ କହିଛନ୍ତି ଯେ କୋଚିର ଜଣେ ସ୍କୁଲ ଛାତ୍ର ତାଙ୍କୁ ଜାତୀୟ ସୁରକ୍ଷା ବିଷୟରେ ଏକ ପ୍ରଶ୍ନ ପଚାରିଥିଲା। ଥରୁର କହିଛନ୍ତି, 'ଯଦିଓ ମୁଁ ଏହି ବିଷୟରେ ସାର୍ବଜନୀନ ଭାବରେ କହିବାକୁ ଏଡ଼ାଇ ଯାଏ, କିନ୍ତୁ ମୁଁ ଅନୁଭବ କରିଛି ଯେ ଏହି ପ୍ରଶ୍ନର ଉତ୍ତର ଦେବା ଗୁରୁତ୍ୱପୂର୍ଣ୍ଣ।

' ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ କଥାକୁ ଉଦ୍ଧୃତ କରି ଥରୁର କହିଛନ୍ତି, 'ଯଦି ଭାରତ ମରିଯାଏ, ତେବେ କିଏ ବଞ୍ଚିବ?' ସେ କହିଛନ୍ତି ଯେ ଯେତେବେଳେ ଦେଶର କଥା ଆସେ, ଆମେ ରାଜନୈତିକ ମତଭେଦକୁ ଭୁଲି ଏକାଠି ଠିଆ ହେବା ଉଚିତ। ଥରୁର କହିଛନ୍ତି, "ମୋ ବୟାନକୁ ନେଇ ଦଳରେ କେତେକ ନେତା ଅସନ୍ତୁଷ୍ଟ ଅଛନ୍ତି, କାରଣ ମୁଁ ସେନା ଓ ସରକାରଙ୍କୁ ସମର୍ଥନ କରିଥିଲେ । ଏଣୁ ମୋତେ ଲାଗୁଛି ମୁଁ ଠିକ କରିଥିଲି ।"