ନନ୍ଦିଗ୍ରାମ ଫଳାଫଳକୁ ନେଇ ନିର୍ବାଚନ କମିଶନଙ୍କ ବିରୋଧରେ କୋର୍ଟ ଯିବେ ମମତା ବାନାର୍ଜୀ : ସେପଟେ ଇସି କହିଲେ ଭିନ୍ନ କଥା

ମୋତେ ବିଜେତା ଘୋଷଣା କରିବା ପରେ ନିର୍ବାଚନ କମିଶନ ନନ୍ଦିଗ୍ରାମ ଫଳାଫଳକୁ ପ୍ରତ୍ୟାହାର କଲେ । ଆମେ ନିର୍ବାଚନ କମିଶନଙ୍କ ବିରୋଧରେ କୋର୍ଟକୁ ଯିବା ବୋଲି କହିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ ।

Updated: Sunday, May 2, 2021, 19:03 [IST]

ପଶ୍ଚିମବଙ୍ଗ : ମମତା ବାନାର୍ଜୀ ନନ୍ଦିଗ୍ରାମ ଆସନରୁ ନିର୍ବାଚନ ହାରିଯାଇଥିବା ନେଇ ଖବର ଏବେ ଅନେକ କଳ୍ପଯଳ୍ପନା ପ୍ରକାଶ କରିଛି । ତାଙ୍କୁ ତାଙ୍କ ନିକଟତର ପ୍ରତିଦ୍ୱନ୍ଦି ବିଜେପିର ଶୁଭେନ୍ଦୁ ଅଧିକାରୀ 1953 ଭୋଟରେ ପରାସ୍ତ କରିଛନ୍ତି ବୋଲି ଖବର ଆସିଛି । ଏହାକୁ ନେଇ ମମତା ପ୍ରତିକ୍ରିୟା ରଖିଛନ୍ତି, ମୋତେ ବିଜେତା ଘୋଷଣା କରିବା ପରେ ନିର୍ବାଚନ କମିଶନ ନନ୍ଦିଗ୍ରାମ ଫଳାଫଳକୁ ପ୍ରତ୍ୟାହାର କଲେ । ଆମେ ନିର୍ବାଚନ କମିଶନଙ୍କ ବିରୋଧରେ କୋର୍ଟକୁ ଯିବା ବୋଲି କହିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ ।

ଏହି ଆସନରେ ଶେଷ ମୂହୂର୍ତ୍ତ ଯାଏଁ ପ୍ରତିଯୋଗିତା ଦେଖିବାକୁ ମିଳିଥିଲା । ନିର୍ବାଚନ ଗଣନା ସମୟରେ ଶୁଭେନ୍ଦୁ ଅଧିକାଂଶ ସମୟ ଆଗରେ ଥିଲେ କିନ୍ତୁ ଏକ ସମୟରେ ମମତା ବାନାର୍ଜୀ ଆଗକୁ ଯାଇଥିଲେ । ତାଙ୍କ ବିଜୟର ଖବର ମଧ୍ୟ ଆସିଛି । କିନ୍ତୁ ଶେଷରେ ବିଜେପିର ଶୁଭେନ୍ଦୁ ଅଧିକାରୀ ଏହି ବିଜୟ ହାସଲ କରିଥିଲେ । ନନ୍ଦିଗ୍ରାମର ଫଳାଫଳ ଉପରେ ମମତା ବାନାର୍ଜୀ କହିଛନ୍ତି, "ନନ୍ଦିଗ୍ରାମ ବିଷୟରେ ଚିନ୍ତା କର ନାହିଁ। ନନ୍ଦିଗ୍ରାମର ଲୋକମାନେ ଯାହା ଆଦେଶ ଦେବେ ମୁଁ ଗ୍ରହଣ କରେ । ମୋର କୌଣସି ଆପତ୍ତି ନାହିଁ । ଆମେ 221 ରୁ ଅଧିକ ଆସନ ଜିତିଲୁ ଏବଂ ବିଜେପି ନିର୍ବାଚନରେ ହାରିଗଲା ।"
ଏଠାରେ କହିରଖୁଛୁ ଯେ ବିଧାନସଭା ନିର୍ବାଚନ ପୂର୍ବରୁ ଶୁଭେନ୍ଦୁ ଅଧିକାରୀ ଟିଏମସି ଛାଡି ବିଜେପିରେ ଯୋଗ ଦେଇଥିଲେ । 2016 ନିର୍ବାଚନରେ ଶୁଭେନ୍ଦୁ ଅଧିକାରୀ ଏହି ଆସନରେ ବାମ ପ୍ରାର୍ଥୀଙ୍କୁ ଏକ ବୃହତ ବ୍ୟବଧାନରେ ପରାସ୍ତ କରିଥିଲେ । ଅପରପକ୍ଷରେ ନିର୍ବାଚନ କମିଶନ କହିଛନ୍ତି ଏଯାବତ୍ ନନ୍ଦିଗ୍ରାମର ନିର୍ବାଚନ ଫଳାଫଳ ହସ୍ତାନ୍ତର ହୋଇ ନାହିଁ । ରାଜ୍ୟ ନିର୍ବାଚନ କମିଶନଙ୍କ ଠାରୁ ତାଙ୍କ ପାଖକୁ ଏସଂକ୍ରାନ୍ତରେ ତଥ୍ୟ ମିଳିବା ବାକି ଅଛି ବୋଲି ସେ କହିଛନ୍ତି ।