ତଲାକ୍ ଆଇନ ହେଲା ରଦ୍ଦ
ଆସାମ କ୍ୟାବିନେଟ ଶୁକ୍ରବାର ଦିନ ରାଜ୍ୟରେ ରହୁଥିବା ମୁସଲମାନମାନଙ୍କ ଦ୍ୱାରା ବିବାହ ଏବଂ ଛାଡପତ୍ର ପଞ୍ଜିକରଣ ସମ୍ବନ୍ଧୀୟ ୮୯ ବର୍ଷ ପୁରୁଣା ଆଇନକୁ ରଦ୍ଦ କରିଦେଇଛନ୍ତି । ଆସାମରେ ମୁସଲିମ ବିବାହ ଏବଂ ଛାଡପତ୍ର ପଞ୍ଜୀକରଣ ଆଇନକୁ ରଦ୍ଦ କରିବାକୁ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱସରମାଙ୍କ ନେତୃତ୍ୱରେ କ୍ୟାବିନେଟ ଅନୁମୋଦନ କରିଛି ।
ଏହି ସୂଚନା ପ୍ରଦାନ କରି ପର୍ଯ୍ୟଟନ ମନ୍ତ୍ରୀ ଜୟନ୍ତ ମଲା ବାରୁଆ କହିଛନ୍ତି ଯେ ଆମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସର୍ମା କହିଛନ୍ତି ଯେ ଆସାମ ୟୁନିଫର୍ମ ସିଭିଲ କୋଡ ଲାଗୁ କରିବ । ଆସାମ ମୁସଲିମ ବିବାହ ଏବଂ ଛାଡପତ୍ର ପଞ୍ଜୀକରଣ ଆଇନ, ୧୯୩୫ ରଦ୍ଦ କରିବାକୁ ନିଷ୍ପତ୍ତି ନେଇ ଆଜି ଆମେ ସେହି ଯାତ୍ରାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛୁ । ଶୁକ୍ରବାର ବିଳମ୍ବିତ ରାତିରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ନିଷ୍ପତ୍ତି ନିଆଯାଇଛି । ସୋସିଆଲ ମିଡିଆରେ ଶେୟାର ହୋଇଥିବା ଏକ ପୋଷ୍ଟରେ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ସରମା ଲେଖିଛନ୍ତି ଯେ 'ଫେବୃଆରୀ ୨୩ ରେ ଆସାମ କ୍ୟାବିନେଟ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇ ବର୍ଷ ବର୍ଷ ପୁରୁଣା ଆସାମ ମୁସଲିମ ବିବାହ ଏବଂ ଛାଡପତ୍ର ପଞ୍ଜୀକରଣ ଆଇନକୁ ପ୍ରତ୍ୟାହାର କରିନେଇଛି ।
ଏହି ଆଇନରେ କିଛି ବ୍ୟବସ୍ଥା ଥିଲା ଯେ ଯଦିଓ କନ୍ୟା ଏବଂ ବର ବିବାହ ପାଇଁ ଆଇନଗତ ବୟସ ହୋଇନଥାନ୍ତେ ଯଥା ଝିଅମାନଙ୍କ ପାଇଁ ୧୮ ବର୍ଷ ଏବଂ ପୁଅମାନଙ୍କ ପାଇଁ ୨୧ ବର୍ଷ, ବିବାହ ପଞ୍ଜିକୃତ ହୋଇପାରେ । ଆସାମରେ ବାଲ୍ୟ ବିବାହ ବନ୍ଦ କରିବା ଦିଗରେ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।
ସୂଚନାଯୋଗ୍ୟ ଯେ ପୂର୍ବରୁ ମୁସଲିମ ବିବାହ ଏବଂ ଛାଡପତ୍ର ପାଇଁ ସ୍ୱଚ୍ଛୋକୃତ ପଞ୍ଜୀକରଣ ପାଇଁ ଏହି ଆଇନରେ ଏକ ବ୍ୟବସ୍ଥା ଥିଲା । କିନ୍ତୁ ବର୍ତ୍ତମାନ ସରକାରଙ୍କ ଏହି ନୂତନ ନିଷ୍ପତ୍ତି ପରେ ଆସାମରେ ରହୁଥିବା ମୁସଲମାନମାନେ ଏହି ନିୟମ ଅନୁଯାୟୀ ମୁସଲମାନ ବିବାହ ଏବଂ ଛାଡପତ୍ର ପଞ୍ଜିକରଣ କରିପାରିବେ ନାହିଁ ।
ପର୍ଯ୍ୟଟନ ମନ୍ତ୍ରୀ ଜୟନ୍ତ ମଲା ବାରୁଆ କହିଛନ୍ତି, "ଆମର ପୂର୍ବରୁ ଏକ ସ୍ୱତନ୍ତ୍ର ବିବାହ ଅଧିନିୟମ ରହିଛି , ଏବଂ ଏହି ସରକାର ଚାହୁଁଛନ୍ତି ଯେ ସମସ୍ତ ବିବାହ ସମାନ ବ୍ୟବସ୍ଥା ଅନୁଯାୟୀ ପଞ୍ଜିକୃତ ହେଉ । ଏହି ନିଷ୍ପତ୍ତିର ଅର୍ଥ ହେଉଛି ଆସାମରେ ଏହି ନିୟମ ଅନୁଯାୟୀ ମୁସଲମାନ ବିବାହ ଏବଂ ଛାଡପତ୍ର ପଞ୍ଜିକରଣ କରିବା ଏଚ୍ଚିକି କଷ୍ଟ ସାଧ୍ୟ ହେବ ।
Click it and Unblock the Notifications
Sign in with Google