ବିହାରର ମହାଗଠବନ୍ଧନରେ ଆସନ ବୁଝମଣା ହେଲା ଶେଷ, ମେଣ୍ଟରେ ସାମିଲ ହେଲେ ମୁକେଶ ସାହାଣୀ
ପାଟନା: ବିହାରରେ ମହାମେଣ୍ଟରେ ଆସନ ବୁଝାମଣା ସେଷ ହୋଇଛି । ମାତ୍ର କିଛି ଦିନ ହେବ ଭିଆଇପି ମୁଖ୍ୟ ମୁକେଶ ସାହାଣୀଙ୍କର ବିରୋଧୀଦଳ ନେତା ତେଜସ୍ୱୀ ଯାଦବଙ୍କ ସହ ଆଲୋଚନା ଚାଲିଥିଲା । ଏହି କ୍ରମରେ ଆଜି ମୁକେଶ ସାହାଣୀ ଇଣ୍ଡିଆ ମେଣ୍ଟରେ ସାମିଲ ହୋଇଛନ୍ତି ।
ମୁକେଶ ସାହାଣୀ ଇଣ୍ଡିଆ ମେଣ୍ଟରେ ସାମିଲ ହେବା ପରେ ଆରଜେଡି କୋଟାରେ ଥିବା ୨୬ଟି ଲୋକସଭା ଆସନ ମଧ୍ୟରୁ ମୁକେଶ ସାହାଣୀଙ୍କ ପାର୍ଟିକୁ ଆରଜେଡି ୩ଟି ଆସନ ଛାଡିଛି । ଏହି ଅବସରରେ ତେଜସୱୀ ଯାଦବ ଓ ମୁକେଶ ସାହାଣୀ ଗୋଟିଏ ମଞ୍ଚରେ ଏକାଠି ହୋଇ ସମ୍ବୋଧିତ କରିଥିଲେ । ମୁକେଶ କହିଥିଲେ, ଦେଶକୁ ସ୍ୱାଧୀନ କରିବା ପାଇଁ ଭାରତୀୟମାନେ ଯେଭଳି ସଂଘର୍ଷ କରିଥିଲେ, ଚଳିତ ନିର୍ବାଚନରେ ତାଙ୍କ ଦଳ ସେହିଭଳି ସଂଘର୍ଷ କରିବ । ଏଥିସହ ମିଳିଥିବା ଆସନ ବ୍ୟତୀତ ବିହାରର ସମସ୍ତ ଆସନ ପାଇଁ ମୁକେଶ ପ୍ରଚାର କରିବେ ବୋଲି କହିଛନ୍ତି ।
ଜାତିଗତ ଭୋଟକୁ ହିସାବକୁ ନିଆଯିବ ତେବେ ବିହାରର ମୋଟ ଜନସଂଖ୍ୟା ମଧ୍ୟରୁ ୬ ପ୍ରତିଶତ ମଲ୍ଲାହ ଜାତିର ଲୋକ ରହିଛନ୍ତି । ଏହା ରାଜ୍ୟର ୧୦-୧୫ ଆସନ ଉପରେ ପ୍ରଭାବ ପକାଇଥାଏ । ୨୦୨୦ ବିଧାନସଭା ନିର୍ବାଚନରେ ମୁକେଶଙ୍କ ଭିଆଇପି ପାର୍ଟି ୪୦ଟି ଆସନରେ ନିର୍ବାଚନ ଲଢିଥିଲା । ସେଥିରୁ ୪ଟି ଆସନରେ ବିଜୟୀ ହୋଇଥିଲା ।
ଅନ୍ୟପଟେ ଏହିି ଅବସରରେ ତେଜସ୍ୱୀ ଯାଦବ କହିଛନ୍ତି ଯେ ଆମେ ଏନଡିଏକୁ ପରାସ୍ତ କରିବା ପାଇଁ କାର୍ଯ୍ୟ କରିବୁ । ବିଜେପି ସମ୍ବିଧାନକୁ ନଷ୍ଟ କରିବାକୁ ଚାହୁଁଛି, ଗଣତନ୍ତ୍ରକୁ ଧ୍ୱଂସ କରିବାକୁ ଚାହୁଁଛି । ଆମର ସମ୍ବିଧାନକୁ ଧ୍ୱଂସ କରିବାକୁ କାହାର ଶକ୍ତି ନାହିଁ । ତେଜସ୍ୱୀ ଯାଦବ କହିଛନ୍ତି ଯେ ଆଜି ମୁଁ ବହୁତ ଖୁସି ଯେ ମୁକେଶ ସହନୀ ଆମ ସହିତ ଆସିଛନ୍ତି ।
ଆମେ ସମସ୍ତେ ତାଙ୍କୁ ଆରଜେଡି ପରିବାରରେ ସ୍ୱାଗତ କରୁଛୁ । ଗଣତନ୍ତ୍ର ଏବଂ ସମ୍ବିଧାନକୁ ବଞ୍ଚାଇବା ପାଇଁ, ଆସନ୍ତୁ ସମସ୍ତଙ୍କୁ ଏକାଠି କରିବା ଏବଂ ସେମାନଙ୍କୁ ମଧ୍ୟ ସମ୍ମାନ ଦେବା । ନିଷ୍ପତ୍ତି ମୁତାବକ ତିନିଟି ଆସନ ମଧ୍ୟରୁ ପ୍ରଥମ ଆସନ ଗୋପାଳଗଂଜ, ଦ୍ୱିତୀୟଟି ହେଉଛି ଝଂଝରପୁର ଏବଂ ତୃତୀୟଟି ହେଉଛି ମୋତିହାରୀ ଆସନ ।
Click it and Unblock the Notifications
Sign in with Google