ବଦ୍ରିନାଥ କମିଟିକୁ ଶିଳ୍ପପତି ମୁକେଶ ଅମ୍ବାନୀ ଦେଲେ 5 କୋଟି
ଦେଶର ପ୍ରସିଦ୍ଧ ଶିଳ୍ପପତି ତଥା ରିଲାଏନ୍ସ ଇଣ୍ଡଷ୍ଟ୍ରିଜ୍ ର ଅଧ୍ୟକ୍ଷ ମୁକେଶ ଅମ୍ବାନୀ ବଦ୍ରିନାଥ ଏବଂ କେଦାରନାଥ ଧାମର ବିକାଶ ପାଇଁ ଏକ ବଡ଼ ଅବଦାନ ଦେଇଛନ୍ତି।
ନୂଆଦିଲ୍ଲୀ: ଦେଶର ପ୍ରସିଦ୍ଧ ଶିଳ୍ପପତି ତଥା ରିଲାଏନ୍ସ ଇଣ୍ଡଷ୍ଟ୍ରିଜ୍ ର ଅଧ୍ୟକ୍ଷ ମୁକେଶ ଅମ୍ବାନୀ ବଦ୍ରିନାଥ ଏବଂ କେଦାରନାଥ ଧାମର ବିକାଶ ପାଇଁ ଏକ ବଡ଼ ଅବଦାନ ଦେଇଛନ୍ତି। ଗୁରୁବାର ମନ୍ଦିର ପରିଦର୍ଶନ କରି ପଥ ପୂଜାରେ ଅଂଶଗ୍ରହଣ କରିଥିଲେ । ଏହା ପରେ ସେ କେଦାରନାଥ ପରିଦର୍ଶନ କରିଥିଲେ । ଏହା ପରେ ସେ ମନ୍ଦିରର ବିକାଶ ପାଇଁ ବଦ୍ରି କେଦାର କମିଟିକୁ 5 କୋଟି ଟଙ୍କା ଦାନ କରିଥିଲେ ।
ସୂଚନା ଅନୁସାରେ, କେରଳର ଗୁରୁଭାୟୁର ମନ୍ଦିର ଗସ୍ତ ସମୟରେ ରିଲାଏନ୍ସ ମାଲିକ ଭଗବାନ କୃଷ୍ଣଙ୍କୁ ପ୍ରାର୍ଥନା କରିଥିଲେ ଏବଂ ମନ୍ଦିରର 'ଅନ୍ନଦାନମ' ପାଣ୍ଠିକୁ ୧.୫୧ କୋଟି ଦାନ କରିଥିଲେ। ଏଥିସହିତ ଆନ୍ଧ୍ରପ୍ରଦେଶର ତିରୁପତି ବାଲାଜୀ ମନ୍ଦିର ପରିଦର୍ଶନ କରିବା ସମୟରେ ୧.୫ କୋଟି ଦାନ କରିଥିଲେ। ସେପ୍ଟେମ୍ବରମାସରେ ସେ ରାଜସ୍ଥାନର ନାଥଦ୍ୱାରରେ ଥିବା ଶ୍ରୀନାଥଜୀ ମନ୍ଦିର ପରିଦର୍ଶନ କରି ପ୍ରାର୍ଥନା କରିଥିଲେ ।
Click it and Unblock the Notifications
Sign in with Google