Breaking News: ସାଂସଦଙ୍କୁ ଧକ୍କା ମାରିଲେ ରାହୁଲ୍ ଗାନ୍ଧୀ, ପ୍ରତାପ ଷଡ଼ଙ୍ଗୀ ଆହତ

Breaking News: ସଂସଦ ସିଢିରୁ ପଡ଼ି ବାଲେଶ୍ୱର ସାଂସଦ ପ୍ରତାପ ଷଡଙ୍ଗୀ ଆହତ । ସାଂସଦଙ୍କ ମୁଣ୍ତରେ ଗଭୀର ଆଘାତ ଲାଗିଥିବା ନେଇ ସୂଚନା ରହିଛି । ପ୍ରବଳ ରକ୍ତସ୍ରାବ ହେଉଥିବାରୁ ସାଂସଦଙ୍କୁ ମେଡିକାଲରେ ଭର୍ତ୍ତି କରାଯାଇଛି ।

ସୂଚନାଅନୁସାରେ,ଗୃହରେ ଠେଲାପେଲା ପରେ ଜଣେ ସାଂସଦ ପ୍ରତାପ ଷଡଙ୍ଗୀଙ୍କ ଉପରେ ପଡିଯାଇଥିଲେ । ଅନ୍ୟପକ୍ଷରେ ସାଂସଦ ପ୍ରତାପ ଷଡଙ୍ଗୀ ଅଭିଯୋଗ କରିଛନ୍ତି ଯେ ରାହୁଲ ଗାନ୍ଧୀ ଠେଲି ଦେଇଛନ୍ତି। ତେବେ ସଂସଦ ପ୍ରବେଶ ପଥରେ ବିକ୍ଷୋଭ ଚାଲିଥିବା ବେଳେ ରାହୁଲ ଗାନ୍ଧୀ ଜଣେ ସାଂସଦଙ୍କୁ ଧକ୍କା ଦେଇଥିଲେ ଯାହା ପରେ ଜଣେ ସାଂସଦ ପ୍ରତାପ ଷଡଙ୍ଗୀଙ୍କ ଉପରେ ପଡଯାଇଥିଲେ । ତାଙ୍କ ମୁଣ୍ତରେ ଗଭୀର ଆଘାତ ଲାଗିଛି, ପରେ ତାଙ୍କୁ ହ୍ୱିଲଚେୟାରରେ ବସାଇ ଡାକ୍ତରଖାନା ନିଆଯାଇଛି ।

ଏହି ଘଟଣାକୁ ନେଇ ମଲ୍ଲିକାର୍ଜୁନ ଖଡଗେ କହିଛନ୍ତି, ସାଂସଦ ମାନେ ରାହୁଲ ଗାନ୍ଧୀ ଓ ପ୍ରିୟଙ୍କା ଗାନ୍ଧୀଙ୍କ ଜାଣି ଧକ୍କା ଦିଆଯାଇଥିଲା । ତେବେ ଏପରି ଘଟଣା ପରେ ଉଭୟ ଗୃହ ଦିନ ୨ଟା ଯାଏଁ ମୂଲତବୀ କରାଯାଇଛି ।

#WATCH | Lok Sabha LoP Rahul Gandhi says, "This might be on your camera. I was trying to go inside through the Parliament entrance, BJP MPs were trying to stop me, push me and threaten me. So this happened...Yes, this has happened (Mallikarjun Kharge being pushed). But we do not… https://t.co/q1RSr2BWqu pic.twitter.com/ZKDWbIY6D6

— ANI (@ANI) December 19, 2024

ତେବେ ଏନେଇ ରାହୁଲ କହିଛନ୍ତି କି ''ବିଜେପି ସାଂସଦମାନେ ତାଙ୍କ ରାସ୍ତା ଅବରୋଧ କରୁଥିବା ଦ୍ୱାର ନିକଟରେ ଛିଡା ହୋଇଥିଲେ। ସେମାନେ ମୋତେ ଠେଲିଦେବା ସହ ଧମକାଉଥିଲେ ମଧ୍ୟ।'' ଧସ୍ତାଧସ୍ତି ସମୟରେ ଏପରି ହୋଇଥାଇପାରେ ବୋଲି ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି ରାହୁଲ।

ପ୍ରତାପଙ୍କ ମୁଣ୍ଡରେ ଆଘାତ ଲାଗିଥିବା ବେଳେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ବର୍ତ୍ତମାନ ତାଙ୍କର ଚିକିତ୍ସା ଚାଲିଛି । ଯାହାକୁ ନେଇ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଛି।

English summary

MP Pratap Sarangi Injured , said Rahul Gandhi Pushed.