ଦୁର୍ଘଟଣାରେ ଗୁରୁତର ହେଲେ ସାଂସଦ ମହୁଆ ମାଂଝୀ, ମହାକୁମ୍ଭରେ ବୁଡ଼ ପକାଇ ଫେରୁଥିଲେ

ଝାଡ଼ଖଣ୍ଡ ମୁକ୍ତି ମୋର୍ଚ୍ଚା (ଜେଏମଏମ) ସାଂସଦ ମହୁଆ ମାଝୀଙ୍କ ଗାଡି ଦୁର୍ଘଟଣା । ରାଜ୍ୟସଭା ସାଂସଦ ମହୁଆ ମାଝୀଙ୍କ କାର ଦୁର୍ଘଟଣାଗ୍ରସ୍ତ । ମହାକୁମ୍ଭରୁ ବୁଡ଼ ପକାଇ ଫେରିବା ବେଳେ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ତାଙ୍କ ପରିବାର ସଦସ୍ୟ ମଧ୍ୟ ଆହତ ହୋଇଥିବା ଜଣାପଡିଛି । ତାଙ୍କୁ ରାଞ୍ଚିର ରିମ୍ସ ହସପିଟାଲରେ ଭର୍ତ୍ତି କରାଯାଇଛି ।

ବୁଧବାର (26 ଫେବୃଆରୀ) ଭୋର ପ୍ରାୟ 4 ଟା ସମୟରେ ଏହି ଘଟଣା ଘଟିଛି। ଜେଏମ୍‌ଏମ୍‌ର ରାଜ୍ୟସଭା ସାଂସଦ ମହୁଆ ମାଂଝୀ ମହାକୁମ୍ଭରେ ବୁଡ଼ ପକାଇବା ପରେ ପ୍ରୟାଗରୁ ଫେରୁଥିଲେ। ଏହି ସମୟରେ ତାଙ୍କ ପୁଅ ଏବଂ ବୋହୂ ମଧ୍ୟ ତାଙ୍କ ସହ ଥିଲେ। ଜାତୀୟ ରାଜପଥ -39 ର ଲାଟେହାରର ହଟୱାଗ ଗ୍ରାମରେ ତାଙ୍କ କାର ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା। ଏହି ଧକ୍କାରେ ଗାଡିର ଆଗ ଭାଗ ଭାଙ୍ଗିଯାଇଛି। ମହୁଆ ମାଂଝୀଙ୍କୁ ପ୍ରାଥମିକ ଚିକିତ୍ସା ପାଇଁ ସ୍ଥାନୀୟ ଡାକ୍ତରଖାନାକୁ ପଠାଯାଇଥିଲା, ପରେ ତାଙ୍କୁ ରାଞ୍ଚି ରିଏମ୍ଏସ୍ ରେଫର୍ କରାଯାଇଛି।