Madhya pradesh exit poll: ଏହି ବିଜେପି ନେତାଙ୍କ ନାହିଁ ଏକ୍ଜିଟ୍ ପୋଲ୍ ଉପରେ ବିଶ୍ୱାସ, କହିଲେ ମଧ୍ୟପ୍ରଦେଶର ଫୁଟିବ ପଦ୍ମ

ମଧ୍ୟପ୍ରଦେଶ ଏକଜିଟ୍ ପୋଲ୍ 2023: ମଧ୍ୟପ୍ରଦେଶର ଏକଜିଟ୍ ପୋଲର ଫଳାଫଳ ପ୍ରକାଶ ପାଇଛି। ଏବିପି ନ୍ୟୁଜ୍ ଏବଂ ସି-ଭୋଟରଙ୍କ ଏକ୍ଜିଟ୍ ସର୍ଭେ ଅନୁସାରେ କଂଗ୍ରେସ ସରକାର ଗଠନ କରିପାରେ । ଏକଜିଟ୍ ସର୍ଭେ ଅନୁଯାୟୀ ମଧ୍ୟପ୍ରଦେଶରେ କଂଗ୍ରେସ 113 ରୁ 137 ଟି ଆସନ ପାଇଥିବାବେଳେ ବିଜେପି 88 ରୁ 112 ଟି ସିଟ୍ ପାଇବାର ଆଶଙ୍କା ରହିଛି । ତେବେ ରାଜ୍ୟରେ କାହାର ସରକାର ଗଠନ ହେବ ତାହା ଡିସେମ୍ବର 3 ରେ ଘୋଷଣା କରାଯିବ। ହେଲେ ତାହା ପୂର୍ବିରୁ ଆଜିର ଏକଜିଟ୍ ପୋଲକୁ ନେଇ ରାଜନୈତିକ ମାହୋଲ ସରଗରମ ।

ଏଥି ସହିତ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ଭାରତୀୟ ଜନତା ପାର୍ଟି (ବିଜେପି) ର ବରିଷ୍ଠ ନେତା ଉମା ଭାରତୀ ଏହି ଏକଜିଟ୍ ପୋଲର ଫଳାଫଳ ସମ୍ପର୍କରେ ଏକ ବଡ଼ ବିବୃତ୍ତି ଦେଇଛନ୍ତି। ସେ କହିଛନ୍ତି ଯେ, ସେ ଏକଜିଟ୍ ପୋଲ୍ ଉପରେ ବିଶ୍ୱାସ କରନ୍ତି ନାହିଁ। ଏଥର ମଧ୍ୟ ରାଜ୍ୟରେ ପଦ୍ମ ଫୁଟିବ ।

ଗଣମାଧ୍ୟମ ସହ ଆଲୋଚନା କରି ସେ କହିଛନ୍ତି, ମୁଁ ଚାହୁଁଛି ଯେ ମଧ୍ୟପ୍ରଦେଶରେ ମୋର ଦଳ ସରକାର ଗଠନ କରନ୍ତୁ। ମୁଁ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କୁ ବହୁତ ସମ୍ମାନ କରେ। ଏକଜିଟ୍ ପୋଲ୍ ଉପରେ ମୋର ବିଶ୍ୱାସ ନାହିଁ ।

ସେ ଆହୁରି ମଧ୍ୟ କହିଛନ୍ତି ଯେ, ଏକଜିଟ୍ ପୋଲ୍ ହେଉଛି ମୁଦ୍ରାର ଦୁଇ ପାର୍ଶ୍ୱ। ଏଥି ସହିତ ବିହାରକୁ ମନେ ପକାଇ ଉମା ଭାରତୀ କହିଛନ୍ତି ଯେ ନଭେମ୍ବର 2020 ରେ ତେଜସ୍ୱୀ ଯାଦବଙ୍କ ନେତୃତ୍ୱରେ ରାଷ୍ଟ୍ରୀୟ ଜନତା ଦଳ ଗଠନ ନେଇ ଏକଜିଟ୍ ପୋଲର ପୂର୍ବାନୁମାନ ଭୁଲ ପ୍ରମାଣିତ ହୋଇଥିଲା । ବିଜେପି କେତେ ଆସନ ଜିତିବ ସେ ମଧ୍ୟ ପ୍ରକାଶ କରିଛନ୍ତି। ସେ କହିଛନ୍ତି ଯେ ପ୍ରତ୍ୟେକ ଆସନ ଜିତିବା ପାଇଁ ଦଳ ନିର୍ବାଚନରେ ​​ପ୍ରତିଦ୍ୱନ୍ଦ୍ୱିତା କରୁଛି।

English summary

MP Exit Poll 2023: Uma Bharti says I do not trust exit poll.