ଅଯୋଧ୍ୟା : 40 ପ୍ରତିଶତ ଶେଷ ହେଲା ରାମ ମନ୍ଦିର ନିର୍ମାଣ କାର୍ଯ୍ୟ
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା କରାଯାଇଥିବା ଗ୍ରାଉଣ୍ଡବ୍ରେକିଂ ସମାରୋହର ଦୁଇ ବର୍ଷ ମଧ୍ୟରେ ଅଯୋଧ୍ୟାରେ ରାମ ମନ୍ଦିର ନିର୍ମାଣର 40 ପ୍ରତିଶତରୁ ଅଧିକ ଶେଷ ହୋଇଛି।
ଲକ୍ଷ୍ନୌ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା କରାଯାଇଥିବା ଗ୍ରାଉଣ୍ଡବ୍ରେକିଂ ସମାରୋହର ଦୁଇ ବର୍ଷ ମଧ୍ୟରେ ଅଯୋଧ୍ୟାରେ ରାମ ମନ୍ଦିର ନିର୍ମାଣର 40 ପ୍ରତିଶତରୁ ଅଧିକ ଶେଷ ହୋଇଛି। ଶ୍ରୀ ରାମ ଜନ୍ମଭୂମି ଟ୍ରଷ୍ଟର ସାଧାରଣ ସମ୍ପାଦକ ଚମ୍ପଟ ରାୟ କହିଛନ୍ତି ଯେ ଡିସେମ୍ବର 2023ରୁ ସମଗ୍ର ବିଶ୍ୱର ଭକ୍ତମାନେ ଏଠାରେ ପୂଜା କରିପାରିବେ । ଭକ୍ତ ମାନେ ମନ୍ଦିରରେ ହିଁ ଭଗବାନଙ୍କୁ ଦର୍ଶନ କରିବେ ।
ନିର୍ମାଣରେ ବ୍ୟବହୃତ ଅର୍ଥର ଉତ୍ସ ବିଷୟରେ ପଚରାଯିବାରୁ ରାୟ କହିଛନ୍ତି, "ଭଗବାନ କେ କାମ କେ ଲିଏ ଧନ କି କ୍ୟା କାମି। ଭଗବାନ କେ ଚାର୍ନୋ ମେ ଲକ୍ଷ୍ମୀ ବୈଠି ରେହତି ହେ (ଭଗବାନଙ୍କ ଉଦ୍ଦେଶ୍ୟରେ ଟଙ୍କା ଅଭାବ ହୋଇପାରିବ ନାହିଁ)। ଟ୍ରଷ୍ଟ ଅଧିକାରୀଙ୍କ କହିବାନୁସାରେ, ଅତି କମରେ ଏକ ହଜାର ବର୍ଷ ଧରି ମନ୍ଦିରର ଦୀର୍ଘାୟୁ ଏବଂ ସ୍ଥିରତା ସୁନିଶ୍ଚିତ କରିବା ପାଇଁ ମାଟିରେ ଏକ ବିରାଟ ମୂଳଦୁଆ ପକାଯାଉଛି।
ମନ୍ଦିର ଏବଂ ଏହାର ପ୍ରାଙ୍ଗଣ ସମେତ ମୋଟ ଆଠ ଏକର ଜମିକୁ ଆବଦ୍ଧ କରି ଏକ ଆୟତାକାର, ଦୁଇ ମହଲା ପରିକ୍ରାମା ରାସ୍ତା ନିର୍ମାଣ କରାଯିବ ଏବଂ ଏହାର ପୂର୍ବ ଭାଗରେ ବାଲିପଥରରେ ନିର୍ମିତ ପ୍ରବେଶ ଦ୍ୱାର ରହିବ। ରାଜସ୍ଥାନର ମକ୍ରାନା ପାହାଡରୁ ଧଳା ମାର୍ବଲ ମନ୍ଦିରର ଗର୍ଭଗୃହ ଭିତରେ ବ୍ୟବହୃତ ହେବ ବୋଲି ସେମାନେ କହିଛନ୍ତି। ବର୍ତ୍ତମାନ ମାର୍ବଲ ଖୋଦନ କାର୍ଯ୍ୟ ଚାଲିଛି ଏବଂ କେତେକ ଖୋଦିତ ମାର୍ବଲ ବ୍ଲକ ଅଯୋଧ୍ୟାକୁ ଅଣାଯାଇସାରିଛି ବୋଲି ଅଧିକାରୀମାନେ କହିଛନ୍ତି।
Click it and Unblock the Notifications
Sign in with Google