ଖୁବ୍ ଶୀଘ୍ର ହେବ ହେବ ମୋହନଙ୍କ କ୍ୟାବିନେଟ ସମ୍ପ୍ରସାରଣ, କିଏ ହେବେ ମନ୍ତ୍ରୀ ଜାଣନ୍ତୁ

Published: Wednesday, December 20, 2023, 16:12 [IST]

ଭୋପାଳ:ମଧ୍ୟପ୍ରଦେଶରେ ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ପରେ କ୍ୟାବିନେଟ୍ ଗଠନକୁ ଅପେକ୍ଷା କରାଯାଇଛି । କିଏ ମନ୍ତ୍ରୀ ପଦ ପାଇବ ଏବଂ କିଏ ପାଇବ ନାହିଁ ସେନେଇ ରାଜନୈତିକ ସମୀକ୍ଷା ଚାଲିଛି । ଆଉ ଏହାକୁ ନେଇ ମଧ୍ୟ ରାଜ୍ୟରେ ଅନେକ କଳ୍ପନାଜଳ୍ପନା ଚାଲିଛି । ଏହି ସମୟରେ ମଧ୍ୟପ୍ରଦେଶର ସମସ୍ତ ବରିଷ୍ଠ ବିଧାୟକ ତଥା ପୂର୍ବତନ ସାଂସଦ ମଧ୍ୟ ମନ୍ତ୍ରୀ ହେବେ ବୋଲି ଖବର ବିଶେଷ ସୂତ୍ରରୁ ସୂଚନା ମିଳିଛି ।

ପୂର୍ବରୁ ପ୍ରହ୍ଲାଦ ପଟେଲ ଏବଂ କୈଲାଶ ବିଜୟଭର୍ଗିଆ ମନ୍ତ୍ରୀ ହେବାକୁ ଆପତ୍ତି କରିଥିଲେ, କିନ୍ତୁ ହାଇକମାଣ୍ଡଙ୍କ ଚାପ ପରେ ପ୍ରହ୍ଲାଦ ଏବଂ କୈଲାଶ ଏଥିରେ ସହମତ ହୋଇଥିଲେ । ମଧ୍ୟପ୍ରଦେଶରେ ବିଧାନସଭା ଅଧିବେଶନ ପରେ କ୍ୟାବିନେଟ ସମ୍ପ୍ରସାରଣ ହେବ । ଅନ୍ୟପଟେ ଆସନ୍ତାକାଲି ବିଧାନସଭା ଅଧିବେଶନର ଶେଷ ଦିନ ।

ଦିଲ୍ଲୀରେ ଜେପି ନାଡା ଏବଂ ଅମିତ ଶାହାଙ୍କୁ ଭେଟିବେ ମୋହନ ଯାଦବ

ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବ ଗୁରୁବାର ଦିନ ଦିଲ୍ଲୀ ଯିବେ । ସେ ଜେପି ନଡ୍ଡା ଏବଂ ଅମିତ ଶାହାଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଜେପି ନଡ୍ଡା ଏବଂ ଅମିତ ଶାହାଙ୍କୁ ଭେଟିବା ପରେ ସିଏମ ମୋହନ ଯାଦବ କ୍ୟାବିନେଟରେ ସ୍ଥାନ ପାଇବାକୁ ଥିବା ନାମ ବିଷୟରେ ଆଲୋଚନା କରିବେ ବୋଲି ଏବେ ଶୁଣାଯାଉଛି । ଏହାପୂର୍ବରୁ ନିକଟରେ ସମ୍ଭାବ୍ୟ ମନ୍ତ୍ରୀଙ୍କ ତାଲିକା ମଧ୍ୟ ପ୍ରକାଶ ପାଇଥିଲା । ଯଦିଓ ଏହି ତାଲିକା ଆନୁଷ୍ଠାନିକ ଭାବେ ପ୍ରକାଶିତ ହୋଇନାହିଁ । ତେବେ ସେହି ତାଲିକରେ କିଏ ଅଛନ୍ତି ଆସନ୍ତୁ ଜାଣିବା , ମଧ୍ୟପ୍ରଦେଶରେ କେଉଁ ବିଧାୟକଙ୍କୁ ମନ୍ତ୍ରୀ କରାଯାଇପାରେ ବୋଲି ସମ୍ଭାବନା ରହିଛି ।

୧. ରମେଶ୍ୱର ଶର୍ମା ୨. ରମେଶ ମେଣ୍ଡୋଲା ୩. ଗୋବିନ୍ଦ ରାଜପୁତ, ୪. ରିତି ପାଠକ ୫. ସଞ୍ଜୟ ପାଠକ , ୬ କୃଷ୍ଣ ଗୌର
୭. ହରି ସିଂ ରଘୁବନ୍ସି, ୮. ସରଲା ରାୱତ ୯. ନୀନା ଭର୍ମା । ୧୦. ପ୍ରଡୁମନା ତୋମାର ୧୧. ଅଭିଲାଶ ପାଣ୍ଡେ ୧୨. ଧିରେନ୍ଦ୍ର ବାହାଦୂର ସିଂ ୧୩. ସାମ୍ପାତିଆ ଉଇକେ ୧୪. ଚେତନ୍ୟ କୈଶ୍ୟପ

ଏପଟେ ମଧ୍ୟପ୍ରଦେଶର ୧୬ ତମ ବିଧାନସଭାର ପ୍ରଥମ ଅଧିବେଶନର ପ୍ରଥମ ଦିନରେ ନବ ନିର୍ବାଚିତ ବିଧାୟକମାନେ ଶପଥ ଗ୍ରହଣ କରୁଛନ୍ତି । ପ୍ରଥମେ ସିଏମ ଡକ୍ଟର ମୋହନ ଯାଦବ ଶପଥ ଗ୍ରହଣ କରିଥିଲେ, ଏହା ପରେ ବିରୋଧୀ ଦଳର ନେତା ଉମାଙ୍ଗ ସିଙ୍ଗର ଶପଥ ଗ୍ରହଣ କରିଥିଲେ । ବିଧାନସଭା ଅଧିବେଶନରେ ପ୍ରୋଟୋମ ବାଚସ୍ପତି ଗୋପାଳ ଭର୍ଗାଭା ନବ ନିର୍ବାଚିତ ବିଧାୟକମାନଙ୍କୁ ଶପଥ ଗ୍ରହଣ କରାଉଛନ୍ତି ।

ପ୍ରଥମେ ସିଏମ ଡ.ମୋହନ ଯାଦବ ଏହି ଶପଥ ଗ୍ରହଣ କରିଥିଲେ । ଏହା ପରେ ଡେପୁଟି ସିଏମ୍ ଜଗଦୀଶ ଦେଓରା, ଡେପୁଟି ସିଏମ୍ ରାଜେନ୍ଦ୍ର ଶୁକ୍ଲା, ବିରୋଧୀ ଦଳର ନେତା ଉମାଙ୍ଗ ସିଙ୍ଗର ଏବଂ ପୂର୍ବତନ ସିଏମ୍ ଶିବରାଜ ସିଂ ଚୌହାନ ଶପଥ ଗ୍ରହଣ କରିଥିଲେ ।

Published On December 20, 2023