ମୋଦି ସରନେମ୍ ମାମଲା: ସୁରତ କୋର୍ଟଙ୍କ ରାୟକୁ ଚ୍ୟାଲେଞ୍ଜ କରିଛନ୍ତି ରାହୁଲ ଗାନ୍ଧି, ୨୧ରେ ହେବ ଶୁଣାଣି

Updated: Tuesday, July 18, 2023, 13:13 [IST]

ନୂଆଦିଲ୍ଲୀ:ମୋଦି ସରନେମ୍ ମାମଲା । କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧିଙ୍କ ଦଣ୍ତ ଉପରେ ହେବ ଶୁଣାଣି । ଜୁଲାଇ ୨୧ ତାରିଖରେ ରାହୁଲ ଗାନ୍ଧିଙ୍କ ପିଟିସନ୍ ଉପରେ ଶୁଣାଣି କରିବେ ସର୍ବୋଚ୍ଚ କୋର୍ଟ । ଗୁଜୁରାଟ ହାଇକୋର୍ଟ ରହିତାଦେଶ ପାଇଁ ମନା କରିବାରୁ ସର୍ବୋଚ୍ଚ କୋର୍ଟଙ୍କ ଦ୍ୱାରସ୍ଥ ହୋଇଛନ୍ତି ରାହୁଲ ଗାନ୍ଧି । ସୁପ୍ରିମକୋର୍ଟରୁ ତାଙ୍କୁ ଆଶ୍ୱସ୍ତି ମିଳିପାରେ ବୋଲି ଆଶା ରଖିଛନ୍ତି ରାହୁଲ ଗାନ୍ଧି ।

ସୂଚନାଥାଉ ଯେ, ରାହୁଲ ଗାନ୍ଧିଙ୍କ ଆବେଦନକୁ ପ୍ରତ୍ୟାଖ୍ୟାନ କରିବାବେଳେ ହାଇକୋର୍ଟ ତାଙ୍କ ନିଷ୍ପତ୍ତିରେ ବିନାୟକ ଦାମୋଦର ସାବରକରଙ୍କ ପ୍ରସଙ୍ଗ ମଧ୍ୟ ଉଲ୍ଲେଖ କରିଛନ୍ତି । ସିଜେଏମ୍ କୋର୍ଟରୁ ଦଣ୍ଡ ପାଇବା ପରେ ରାହୁଲଙ୍କ ଆବେଦନ ନିମ୍ନ ଅଦାଲତରେ ପ୍ରତ୍ୟାଖ୍ୟାନ କରାଯାଇଥିଲା । ଏହା ପରେ ଗୁଜୁରାଟ ହାଇକୋର୍ଟରେ ରାହୁଲଙ୍କ ଆବେଦନକୁ ମଧ୍ୟ ପ୍ରତ୍ୟାଖ୍ୟାନ କରାଯାଇଥିଲା । ମାନହାନୀ ମାମଲାରେ ଦୋଷୀ ସାବ୍ୟସ୍ତ ହେବା ପରେ ରାହୁଲ ତାଙ୍କ ସାଂସଦ ପଦ ହରାଇଛନ୍ତି ।

Supreme Court agrees to hear on July 21, the plea of Congress leader Rahul Gandhi challenging the Gujarat High Court order which declined to stay his conviction in the criminal defamation case in which he was sentenced to two years in jail by Surat court over 'Modi surname'… pic.twitter.com/nA9rkwGVYf
— ANI (@ANI) July 18, 2023

ସୁପ୍ରିମକୋର୍ଟରେ ରାହୁଲଙ୍କ ଆବେଦନ ଉପରେ କ୍ରିମିନାଲ ମାନହାନୀ ମାମଲାରେ ତାଙ୍କୁ ଦିଆଯାଇଥିବା ଦଣ୍ଡର ଆଇନଗତ ବୈଧତା ଉପରେ ବିତର୍କ ହେବ । କଂଗ୍ରେସ ଦାବି କରିଛି ଯେ ରାହୁଲଙ୍କ ଉପରେ ପ୍ରତିଶୋଧ ରାଜନୀତି ଆଧାରରେ 2019 ମାମଲାରେ ପ୍ରାୟ 4 ବର୍ଷ ପରେ ଏହି ଦଣ୍ଡାଦେଶ ଶୁଣାଯାଇଛି ।