ସଂସଦରେ କଂଗ୍ରେସ ଓ ଆପକୁ ମୋଦିଙ୍କ କଡା ସମାଲୋଚନା: କହିଲେ 'କିଛି ଲୋକ ଏବେ ସହରୀ ନକ୍ସଲଙ୍କ ଭାଷା କହୁଛନ୍ତି'
PM Modi: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ଲୋକସଭାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଅଭିଭାଷଣର ଉତ୍ତର ଦେଇଛନ୍ତି। ସଂସଦରେ ତାଙ୍କ ଭାଷଣରେ ପ୍ରଧାନମନ୍ତ୍ରୀ ମୋଦି କଂଗ୍ରେସ ଦଳ ଏବଂ ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରିୱାଲଙ୍କୁ ଟାର୍ଗେଟ୍ କରିଛନ୍ତି ।
ପ୍ରଧାନମନ୍ତ୍ରୀ ମୋଦି ତାଙ୍କ ସରକାରଙ୍କ ବିକାଶ ଏବଂ ସଫଳତାର ତୁଳନା ପୂର୍ବ ସରକାର ବିଶେଷକରି ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ, କଂଗ୍ରେସ ନେତା ରାହୁଲ ଗାନ୍ଧୀ ଏବଂ ଆମ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରିୱାଲଙ୍କ ଅପୂର୍ଣ୍ଣ ପ୍ରତିଶ୍ରୁତି ଏବଂ ଅବହେଳା ସହିତ ତୁଳନା କରିଛନ୍ତି। ଦିଲ୍ଲୀ ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋଦିଙ୍କ ଏପରି ମନ୍ତବ୍ୟଙ୍କୁ ନେଇ ଚର୍ଚ୍ଚା ହେଉଛି ।
ସେହିପରି ମୋଦି କହିଛନ୍ତି, ମୁଁ ବୁଝିପାରୁଛି ଏହା ରାଜନୈତିକ ନୈରାଶତା । ହେଲେ ରାଷ୍ଟ୍ରପତିଙ୍କୁ କାହିଁକି ଅପମାନିତ କରାଯିବ ବୋଲି ପ୍ରଶ୍ନ କରିଛନ୍ତି ମୋଦି । ମହିଳାଙ୍କ ନେତୃତ୍ୱରେ ବିକାଶ ଉପରେ ଭାରତ ଗୁରୁତ୍ୱ ଦେଉଛି ଯଦି ଦେଶ ଅଧା ଜନସଂଖ୍ୟା ପୂର୍ଣ୍ଣ ସୁଯୋଗ ପାଇବ ତେବେ ଭାରତ ଦୁଇ ଗୁଣା ବେଗରେ ଆଗକୁ ବଢିବ ।
ପ୍ରଧାନମନ୍ତ୍ରୀ ଆହୁରି କହିଛନ୍ତି, ଏବେ ଗାନ୍ଧୀ ପରିବାର ସହରୀ ନକ୍ସଲଙ୍କ ଭାଷା କହୁଛନ୍ତି । ସେହିପରି ଦିଲ୍ଲୀ ନିର୍ବାଚନ ପୂର୍ବରୁ ମୋଦି କେଜ୍ରିୱାଲଙ୍କର ମଧ୍ୟ ନିନ୍ଦା କରିଛନ୍ତି । ସେ କହିଛନ୍ତି , କିଛି ନେତା କେବଳ ବୟାନବାଜି କରନ୍ତି । ହେଲେ ଆମ ଦଳ ଅର୍ଥାତ୍ ବିଜେପି ବିକାଶ ଉପରେ ହିଁ ଧ୍ୟାନ ଦିଏ । ୫ ବର୍ଷ ୨୫ କୋଟି ଲୋକଙ୍କୁ ଗରିବ ସୀମାରୁ ବାହାର କରାଯାଇଛି । ୧୦ ବର୍ଷରେ ୩୭୮ ମେଡିକାଲ କଲେଜରୁ ୭୮୦ ମେଡିକାଲ କଲେଜରେ ପହଞ୍ଚିଛି
ନିର୍ବାଚନ ସମୟରେ ମିଥ୍ୟା ପ୍ରତିଶ୍ରୁତି ଦେଉଥିବା ଦଳଗୁଡ଼ିକ ଯୁବପିଢ଼ିଙ୍କୁ ନିରନ୍ତର ପ୍ରତାରଣା କରନ୍ତି। କେଜ୍ରିୱାଲଙ୍କୁ ଟାର୍ଗେଟ କରି ପ୍ରଧାନମନ୍ତ୍ରୀ ମୋଦି କହିଛନ୍ତି- କିଛି ରାଜନୈତିକ ଦଳ ନିର୍ବାଚନ ସମୟରେ ବଡ଼ ବଡ଼ ପ୍ରତିଶ୍ରୁତି ଦିଅନ୍ତି କିନ୍ତୁ ପରେ ତାହା ପୂରଣ କରନ୍ତି ନାହିଁ, ଏପରି ଦଳଗୁଡ଼ିକ ଯୁବପିଢ଼ିଙ୍କୁ ପ୍ରତାରଣା କରନ୍ତି। ଆମେ ଯୁବକମାନେ ଭବିଷ୍ୟତ ଉପରେ ଧ୍ୟାନ ଦେଇ କାମ କରୁଛୁ। ୧୨ କୋଟି ପରିବାରକୁ ଜଳ ସଂଯୋଗ ଦିଆଯାଇଛି । ୧୨ କୋଟିରୁ ଅଧିକ ଶୌଚାଳୟ ନିର୍ମାଣ କରି ବିଶେଷକରି ମହିଳା ଏବଂ ବାଳିକାମାନଙ୍କ ପାଇଁ ପରିମଳ ସମସ୍ୟାର ସମାଧାନ ହୋଇଛି ।
Click it and Unblock the Notifications
Sign in with Google