ଟ୍ରାଫିକ ଜାମ୍‌ରୁ ମିଳିବ ମୁକ୍ତି,ଦ୍ୱାରକା ଏକ୍ସପ୍ରେସୱେ ଏବଂ ୟୁଇଆର-II ଉଦଘାଟନ କଲେ ପ୍ରଧାନମନ୍ତ୍ରୀ ମୋଦି

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଦେଶକୁ ଦୁଇଟି ଜାତୀୟ ରାଜପଥ ପ୍ରକଳ୍ପ ଉପହାର ଦେଇଛନ୍ତି। ପ୍ରଧାନମନ୍ତ୍ରୀ ପ୍ରାୟ ୧୧,୦୦୦କୋଟି ଟଙ୍କା ମୂଲ୍ୟର ଦୁଇଟି ଜାତୀୟ ରାଜପଥ ପ୍ରକଳ୍ପର ଉଦଘାଟନ କରିଛନ୍ତି। ଏହି ପ୍ରକଳ୍ପ ସମାପ୍ତ ହେବା ପରେ ଦିଲ୍ଲୀ-ଏନସିଆର ଟ୍ରାଫିକ ଜାମରୁ ମୁକ୍ତି ପାଇବ। ଏହି ପ୍ରକଳ୍ପର ଲକ୍ଷ୍ୟ ହେଉଛି ସଂଯୋଗୀକରଣକୁ ବହୁ ପରିମାଣରେ ଉନ୍ନତ କରିବା। ଯାତ୍ରା ସମୟ ହ୍ରାସ କରିବା ଏବଂ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳରେ ଟ୍ରାଫିକ ହ୍ରାସ କରିବା।

ଏହି କରିଡର ଦିଲ୍ଲୀକୁ ଟ୍ରାଫିକ୍ ଜାମ୍ ରୁ ମୁକ୍ତି ଦେବ, ୪୦ ମିନିଟ୍ ମଧ୍ୟରେ IGI ବିମାନବନ୍ଦରରେ ପହଞ୍ଚିବ। NCR ରୁ ଚଣ୍ଡିଗଡ଼ ଯାତ୍ରା ମଧ୍ୟ ସହଜ ହେବ । ଉଦଘାଟନ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦିଙ୍କ ସହିତ କେନ୍ଦ୍ର ପରିବହନ ମନ୍ତ୍ରୀ ନୀତିନ ଗଡକରୀ, ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ଏବଂ ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସାଇନି ମଧ୍ୟ ଉପସ୍ଥିତ ଥିଲେ ।

ରୋହିଣୀରେ ଏକ ସାଧାରଣ ସଭାକୁ ସମ୍ବୋଧିତ କରିବା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଦ୍ୱାରକା ଏକ୍ସପ୍ରେସୱେ ଏବଂ ସହରାଞ୍ଚଳ ବିସ୍ତାର ରାସ୍ତାର ସଂଯୋଗୀକରଣ ଦିଲ୍ଲୀ-ଏନସିଆରର ଲୋକମାନଙ୍କୁ ବହୁତ ଆଶ୍ୱସ୍ତି ଦେବ । ଅଗଷ୍ଟ ବିପ୍ଳବକୁ ମନେ ପକାଇ ସେ କହିଛନ୍ତି ଯେ ଅଗଷ୍ଟ ମାସ ସ୍ୱାଧୀନତା ଏବଂ ବିପ୍ଳବର ରଙ୍ଗରେ ରଙ୍ଗୀନ । ସ୍ୱାଧୀନତାର ଏହି ପର୍ବ ମଧ୍ୟରେ, ଆଜି ଦେଶର ରାଜଧାନୀ ଦିଲ୍ଲୀ ଦେଶରେ ହେଉଥିବା ବିକାଶ ବିପ୍ଳବର ସାକ୍ଷୀ ହେଉଛି ।

କିଛି ସମୟ ପୂର୍ବରୁ, ଦିଲ୍ଲୀକୁ ଦ୍ୱାରକା ଏକ୍ସପ୍ରେସୱେ ଏବଂ ସହରାଞ୍ଚଳ ବିସ୍ତାର ରାସ୍ତାର ସଂଯୋଗୀକରଣ ମିଳିଛି। ଏହା ଦିଲ୍ଲୀ, ଗୁରୁଗ୍ରାମ ଏବଂ ସମଗ୍ର ଏନସିଆରର ଲୋକଙ୍କ ସୁବିଧା ବୃଦ୍ଧି କରିବ। ପ୍ରଧାନମନ୍ତ୍ରୀ ମୋଦୀ ପ୍ରାୟ ୫,୫୮୦ କୋଟି ଟଙ୍କା ବ୍ୟୟରେ ନିର୍ମିତ ବାହାଦୁରଗଡ଼ ଏବଂ ସୋନିପତକୁ ନୂତନ ସଂଯୋଗ ସହିତ ଅର୍ବାନ ଏକ୍ସଟେନସନ୍ ରୋଡ୍-II (UER-II)ର ଆଲିପୁରରୁ ଦିଚାଓଁ କଲାନ୍ ଷ୍ଟ୍ରେଚ୍ ମଧ୍ୟ ଉଦଘାଟନ କରିଥିଲେ।