ମୋଦି ସରକାଙ୍କ ୩.୦ ବଜେଟ୍: କେଉଁ ବିଭାଗକୁ ମିଳିବ କେତେ ଟଙ୍କା !

Published: Saturday, February 1, 2025, 8:25 [IST]

Union Budget 2025: ଆଜି ସଂସଦରେ ମୋଦି ସରକାଙ୍କ ୩.୦ ବଜେଟ୍ ଆସିବ । ଦିନ ୧୧ଟାରେ ବଜେଟ୍ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ୨୦୨୫-୨୬ ଆର୍ଥିକ ବର୍ଷ ବଜେଟ୍ ଉପରେ ସମସ୍ତ ନଜର ରହିଛି ଏବଂ ଭରପୁର ଆଶା ମଧ୍ୟ ରଖିଛନ୍ତି ସାଧାରଣ ଲୋକ ।

ଚଳଇତ ବର୍ଷ ବଜେଟରେ ମହଙ୍ଗା ନିୟନ୍ତ୍ରଣ ନେଇ ଆସି ପାରେ ବଡ଼ ପଦକ୍ଷେପ। ସରକାର ମୁଦ୍ରାସ୍ଫୀତି ଓ ଟିକସ କ୍ଷେତ୍ରରେ ଲୋକଙ୍କ ପାଇଁ ବଡ଼ ଘୋଷଣା କରିପାରନ୍ତି। ସବୁଠାରୁ ବଡ ଉପହାର ସ୍ବରୂପ ଟିକସ ରିହାତି ଆକାରରେ ମିଳିବାର ସମ୍ଭାବନା ରହିଛି । ବଜେଟ ୨୦୨୫କୁ ନେଇ ଜମ୍ମୁ ଏବଂ କାଶ୍ମୀର ପରିଷଦର ଅଧ୍ୟକ୍ଷ ମାଣିକ ବାତ୍ରା କହିଛନ୍ତି, "ଆମେ କେନ୍ଦ୍ରୀୟ ବଜେଟକୁ ନେଇ ବହୁତ ଉତ୍ସାହିତ। ପ୍ରତ୍ୟେକ ସାଧାରଣ ଲୋକ ଟିକସ ରିହାତି ଆଶା କରନ୍ତି। ଆମେ ଆଶା କରୁଛୁ ଯେ କିଛି ଟିକସ ସ୍ଲାବ ବୃଦ୍ଧି କରାଯିବ ।

ସୂଚନାଥାଉ ଯେ, ଆଜି ପ୍ରଥମେ ଅର୍ଥମନ୍ତ୍ରୀ ନିଜ ବାସଭବନରୁ ନର୍ଥ ବ୍ଲକ ଅଭିମୁଖେ ବାହାରିବେ । ଅର୍ଥମନ୍ତ୍ରୀ ନିର୍ମଳା ସୀତାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ କେନ୍ଦ୍ର କ୍ୟାବିନେଟର ବୈଠକ ସଂସଦ ପରିସରରେ ପୂର୍ବାହ୍ନ ୧୦ଟା ୧୫ରୁ ୧୦ଟା ୪୦ ମଧ୍ୟରେ ବସିବ, ଯେଉଁଥିରେ ବଜେଟକୁ ମଞ୍ଜୁରୀ ମିଳିବ ଏବଂ ସେଠାରୁ ଅର୍ଥମନ୍ତ୍ରୀ ଲୋକସଭାରେ ପହଞ୍ଚିବେ। ଏହା ଦିନ ପ୍ରାୟ ୧୧ଟାରେ ବଜେଟ୍ ଉପସ୍ଥାପନା କରାଯିବ ।

ମହିଳଆ ସଶକ୍ତିକରଣ ପାଇଁ ହୋଇପାରେ ବଡ଼ ଘୋଷଣା । ସେହିପରି ଗରିବ କଲ୍ୟାଣ ଯୋଜନାରେ ବଢିପାରେ ବ୍ୟୟବରାଦ । ସେହିପରି ପିଏମ୍ ଆବାସ, ଆୟୁଷ୍ମାନ ସ୍କିମରେ ମଧ୍ୟ ବ୍ୟୟବରାଦ ବୃଦ୍ଧି ପାଇନେଇ ଆଶା କରାଯାଉଛି । ସେହିପରି କୃଷି କ୍ଷେତ୍ରକୁ ନେଇ ମଧ୍ୟ ସରକାର କିଛି ବଡ଼ ଘୋଷଣା କରିପାରନ୍ତି ।

Published On February 1, 2025