ନୀତୀଶ-ନାଇଡୁଙ୍କ ପାଇଁ ମୋଦି ପ୍ରଧାନମନ୍ତ୍ରୀ ଅଟନ୍ତି: ଏମ୍ କେ ଷ୍ଟାଲିନ୍‌

ଚେନ୍ନାଇ: ଚବିଶି ନିର୍ବାଚନ ଶେଷ ହୋଇ ସାରିଛ । ଏବଂ ଫଳା ଫଳ ମଧ୍ୟ ବାହାରି ସାରିଛି । ଆଉ ତୃତୀୟ ଥର ଲାଗି ନରେନ୍ଦ୍ର ମୋଦି ହୋଇଛନ୍ତି ଦେଶର ପ୍ରଧାମନ୍ତ୍ରୀ । ଆଉ ଏଭଳି ସମୟରେ ଡିଏମକେ ମୁଖ୍ୟ ତଥା ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ଲୋକସଭା ଫଳାଫଳ ଏକ ପରାଜୟ ।

ଟିଡିପିର ଚନ୍ଦ୍ରବାବୁ ନାଇଡୁ ଏବଂ ଜେଡିୟୂର ନୀତୀଶ କୁମାରଙ୍କ ସମର୍ଥନ ଯୋଗୁଁ ସେ ପ୍ରଧାନମନ୍ତ୍ରୀ ହୋଇଛନ୍ତି । କୋଏମ୍ବାଟୁରରେ ଏକ ସାଧାରଣ ସଭାରେ ସମ୍ବୋଧିତ କରି ତାମିଲନାଡୁ ସିଏମ ଏଥର ୪୦୦ ପାର୍ ସ୍ଲୋଗାନ ଦେଇ ବିଜେପିକୁ ଟାର୍ଗେଟ କରି କହିଛନ୍ତି ଯେ ବହୁ ଚେଷ୍ଟା ସତ୍ତ୍ୱେ ବିଜେପି ମାତ୍ର ୨୪୦ ଟି ଆସନ ପାଇଛି । ଏହା ମୋଦୀଙ୍କ ବିଜୟ ନୁହେଁ, ବରଂ ମୋଦିଙ୍କ ପରାଜୟ । ଚନ୍ଦ୍ରବାବୁ ନାଇଡୁ ଏବଂ ନୀତୀଶ କୁମାରଙ୍କ କାରଣରୁ ମୋଦୀ ପ୍ରଧାନମନ୍ତ୍ରୀ ଅଟନ୍ତି ।

ଯଦି ସେମାନେ ଏହାକୁ ସମର୍ଥନ କରିନଥାନ୍ତେ, ତେବେ ମୋଦୀ ସଂଖ୍ୟାଗରିଷ୍ଠତା କିପରି ପାଇଥାନ୍ତେ? ଏବେ ବିଜେପି ତାଙ୍କର । ମୋଦୀ ଇଚ୍ଛା ଅନୁଯାୟୀ କିଛି କରିପାରିବେ ନାହିଁ । ଚନ୍ଦ୍ରବାବୁ ନାଇଡୁଙ୍କ ଟିଡିପି ଏବଂ ନୀତୀଶ କୁମାରଙ୍କ ଜେଡିୟୁ ନିଜ ନିଜ ରାଜ୍ୟରେ ଯଥାକ୍ରମେ ୧୬ ଓ ୧୨ ଆସନ ଜିତିଥିଲେ ଏବଂ ଏନଡିଏକୁ ସମର୍ଥନ ଜଣାଇଥିଲେ । ଷ୍ଟାଲିନ ଏହା ମଧ୍ୟ କହିଛନ୍ତି ଯେ କଂଗ୍ରେସ ସହ ମିଳିତ ଭାବେ ଡିଏମକେର ବିଜୟ ରାଜ୍ୟରେ ଐତିହାସିକ । ଏହା କୌଣସି ସାଧାରଣ ବିଜୟ ନୁହେଁ । ଏହା ହେଉଛି ଆମ ସରକାର ଉପରେ ବିଶ୍ୱାସ କରୁଥିବା ସମସ୍ତକର୍ମୀ ଏବଂ ଲୋକଙ୍କ ବିଜୟ ।

English summary

MK Stalin said Modi became PM due to Naidu and Nitish Kumar ଡିଏମକେ ମୁଖ୍ୟ ତଥା ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଦାବି କରିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପାଇଁ ଲୋକସଭା ଫଳାଫଳ ଏକ ପରାଜୟ ।