ମନ୍ଦିର ହୋର୍ଡିଂରେ ପର୍ଣ୍ଣ ଷ୍ଟାର ମିୟା ଖଲିଫାଙ୍କ ଫଟୋ, ଆକ୍ସନ ମୋଡରେ ତାମିଲନାଡୁ ପୋଲିସ

Mia Khalifa Photo On Aadi Festival Hoardings: ତାମିଲନାଡୁର କାଞ୍ଚିପୁରମରେ ଏକ ମନ୍ଦିରର ହୋର୍ଡିଂରେ ପର୍ଣ୍ଣ ଷ୍ଟାର ମିୟା ଖଲିଫାଙ୍କ ଫଟୋ ଲାଗିଥିବାରେ ଦେଖି ଲୋକେ ଆଶ୍ଚର୍ଯ୍ୟ । ଏହି ହୋର୍ଡିଂ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ଲୋକ ଏହାକୁ ସମାଲୋଚନା କରିଛନ୍ତି । ଏପରିକି ପୋଲିସକୁ ଏପରି ଫଟୋ ଲାଗିଥିବା ନେଇ ସୂଚନା ଦିଆଯାଇଥିଲା । ଯାହା ପରେ ତୁରନ୍ତ ଏହାକୁ ଉକ୍ତ ସ୍ଥାନରୁ ହଟାଇ ଦିଆଯାଇଛି ।

ମିଆ ଖଲିଫାଙ୍କ ହୋର୍ଡିଂ ଭାଇରାଲ ହେବାରେ ଲାଗିଛି । ତାମିଲନାଡୁର କୁରୁଭିମଲାଇର ନାଗାଥମ୍ମନ୍ ଏବଂ ସେଲିୟମ୍ମନ୍ ମନ୍ଦିରରେ ଏକ ଉତ୍ସବ ପାଳ କରିବା ପାଇଁ ଆୟୋଜନ କରାଯାଇଥିଲା । ରଙ୍ଗୀନ ଆଲୋକ ଏବଂ ହୋର୍ଡିଂ ଲଗାଇ ଲୋକଙ୍କୁ ନିମନ୍ତ୍ରଣ କରାଯାଉଥିଲା । ହେସେ ଏହାରି ମଧ୍ୟରେ ଏକ ହୋର୍ଡିଂ ସମସ୍ତଙ୍କ ଦୃଷ୍ଟି ଆକର୍ଷଣ କରିଛି, ଯେଉଁଥିରେ ମିଆ ଖଲିଫାଙ୍କ ଫଟୋ ଲାଗିଥିବାର ଦେଖିବା ପାଇଁ ମିଳିଥିଲା । ଏହି ହୋର୍ଡିଂ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ଏହି ପର୍ବ ସହ ମିଆ ଖଲିଫାଙ୍କ ଫଟୋର କୌଣସି ସମ୍ପର୍କ ନାହିଁ । ଏପରି ସ୍ଥିତିରେ କାଞ୍ଚିପୁରମରେ ଏକ ମନ୍ଦିରର ହୋର୍ଡିଂ ଉପରେ ତାଙ୍କର ଫଟୋ ଦେଖି ଲୋକ ଆଶ୍ଚର୍ଯ୍ୟ ହୋଇଛନ୍ତି । ହେଲେ ଫଟୋ ଏଡିଟ୍ କରାଯାଇଛି । ଫଟୋରେ ଲାଗୁଛି ଯେ ସେ 'ପାଲୁ କୁଦମ' ଧରିଛନ୍ତି । ଦକ୍ଷିଣ ଭାରତରେ କ୍ଷୀରରେ ପରିପୂର୍ଣ୍ଣ ଏକ ପାତ୍ରକୁ 'ପାଲୁ କୁଦମ' ବୋଲି କୁହାଯାଏ । ଏଠାରେ ଏହା ପାରମ୍ପାରିକ ପ୍ରସାଦର । ତେବେ ଏହି ହୋର୍ଡିଂ ଭାଇରାଲ ହେବା ପରେ ପୋଲିସକୁ ସୂଚନା ଦିଆଯାଇଥିଲା ଯାହା ପରେ ପୋଲିସ ହୋର୍ଡିଂ ହଟାଇବା ସହ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।