ଶାହାଙ୍କ ଚେତାବନୀ ପରେ ଭାଙ୍ଗୁଛି ମାଓବାଦୀଙ୍କ ଗଡ, ଆତ୍ମସମର୍ପଣ କଲେ ୩୧ ହାର୍ଡକୋର ମାଓବାଦୀ
ମାଓବାଦୀ ବୁଝିଲେଣି ବନ୍ଧୁକ ଧରି ରକ୍ତପାତ କଲେ ସମାଜର ବିକାଶ ହେବନି । ସେଥିପାଇଁ ସଂଗଠନ ଛାଡ଼ି ଏବେ ସମାଜର ମୁଖ୍ୟ ସ୍ରୋତରେ ସାମିଲ୍ ହେଉଛନ୍ତି ମାଓବାଦୀ । ଗୋଟିଏ ଦିନରେ ଛତିଶଗଡ଼ର ୨ଟି ଜିଲ୍ଲାରେ ୩୧ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି ।
ଛତିଶଗଡ଼ ନାରାୟଣପୁର ଜିଲ୍ଲା ମାଡ ଡିଭିଜନରେ ସକ୍ରିୟ ୫ ଲକ୍ଷ ପୁରସ୍କାର ରାଶି ଥିବା ୫ ଜଣ ମହିଳା ମାଓବାଦୀ ଆତ୍ମସମର୍ପଣ କରିଛନ୍ତି । ସମସ୍ତ ମହିଳା ମାଓବାଦୀଙ୍କୁ ଛତିଶଗଡ଼ ସରକାରଙ୍କ ଆତ୍ମସମର୍ପଣ ନୀତି ଅନୁଯାଯୀ ୧୫ ହଜାର ଲେଖାଏଁ ପ୍ରୋତ୍ସାହନ ରାଶି ପ୍ରଦାନ କରାଯାଇଛି ।
ଆତ୍ମସମର୍ପଣ କରିଥିବା ମାଓବାଦୀଙ୍କ ମଧ୍ୟରେ ଲଷ୍ମୀ ବନଜାମି, ସନ୍ନି ଓରଫ ଜମଲି ପଡ଼ିଆମୀ ଓ ଅନିମା ଓସେଡି ଛତିଶଗଡ଼ ନେଲନାର ଏରିଆ କମିଟି ସଦସ୍ୟ ସୁକାୟ ପଡ଼ିଆମୀ, କୁତୁଳ କମିଟି ସଦସ୍ୟ ଓ କୁମ୍ମେ ପଡ଼ିଆମୀ ପରଲକୋଟ କମିଟିର ସଦସ୍ୟ ଥିବା ଜଣାପଡ଼ିଛି ।
ସେହିଭଳି ଦନ୍ତେୱାଡ଼ା ଜିଲ୍ଲାରେ ୨୬ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି । ୨୬ ମାଓବାଦୀଙ୍କ ଉପରେ ସରକାରଙ୍କ ପକ୍ଷରୁ ୪ ଲକ୍ଷ ୫୦ ହଜାର ଟଙ୍କା ପୁରସ୍କାର ରାଶି ରଖା ଯାଇଥିଲା । ଛତିଶଗଡ଼ ସରକାରଙ୍କ ଆତ୍ମସମର୍ପଣ ନୀତି ଅନୁଯାୟୀ ୫୦ ହଜାର ଟଙ୍କା ଲେଖାଏଁ ପ୍ରୋତ୍ସାହନ ରାଶି ସମସ୍ତଙ୍କୁ ପ୍ରଦାନ କରାଯାଇଛି ।
Click it and Unblock the Notifications
Sign in with Google