ବିରୋଧୀ ଦଳର କିଛି ସଦସ୍ୟ ବ୍ୟକ୍ତିଗତ ଭାବରେ ବିଲ୍‌କୁ ସମର୍ଥନ ଦେଇଛନ୍ତି: କିରଣ ରିଜିଜୁ

ଲୋକସଭାରେ ୱାକଫ (ସଂଶୋଧନ) ବିଲ୍, ୨୦୨୪ ଉପସ୍ଥାପନ ହେବା ପୂର୍ବରୁ କେନ୍ଦ୍ର ମନ୍ତ୍ରୀ କିରଣ ରିଜିଜୁ ଏକ ଗୁରୁତ୍ୱପୂର୍ଣ୍ଣ ଦାବି କରିଛନ୍ତି । ସେ କହିଛନ୍ତି ଯେ ଅନେକ ବିରୋଧୀ ସଦସ୍ୟ ବିଲ୍ ବି‌ରୋଧରେ ସାର୍ବଜନୀନ ଦୃଷ୍ଟିକୋଣ ସତ୍ତ୍ୱେ ବ୍ୟକ୍ତିଗତ ଭାବରେ ଏହାକୁ ସମର୍ଥନ କରୁଛନ୍ତି ।

ସରକାର ବର୍ଷ ବର୍ଷ ଧରି ୱାକଫ ବୋର୍ଡ କିପରି ନିଜର କ୍ଷମତାର ଅପବ୍ୟବହାର କରିଛି ଏବଂ ଗରିବ ଲୋକଙ୍କ ସମ୍ପତ୍ତି ଲୁଟ କରିଛି ତାହାକୁ ମଧ୍ୟ ବନ୍ଦ କରିବାକୁ ଚେଷ୍ଟା କରୁଛି," ସେ କହିଛନ୍ତି । "ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଶାସନ ସମୟରେ, ଦେଶର ସବୁଠାରୁ ଗରିବ ମୁସଲମାନମାନଙ୍କ ପାଇଁ ଏକ ବିଲ୍ ଆଗତ କରାଯାଇଛି।

"ଯେଉଁମାନେ ଏହାକୁ ବିରୋଧ କରୁଛନ୍ତି ସେମାନେ ରାଜନୈତିକ କାରଣରୁ ଏପରି କରୁଛନ୍ତି। ମୁଁ ଗୃହରେ ତଥ୍ୟ ଉପସ୍ଥାପନ କରିବି ଏବଂ ମୁଁ ଏହା ମଧ୍ୟ ଚାହେଁ ଯେ ଯଦି କେହି ବିରୋଧ କରନ୍ତି, ତେବେ ସେମାନେ ଯୁକ୍ତି ଆଧାରରେ ବିରୋଧ କରନ୍ତୁ ଏବଂ ଆମେ ମଧ୍ୟ ସେମାନଙ୍କର ଉତ୍ତର ଦେବୁ," ବୋଲି ରିଜିଜୁ ପ୍ରକାଶ କରିଛନ୍ତି ।

ଲୋକସଭାରେ ୱକଫ୍ ସଂଶୋଧନ ବିଲ୍ ଆଜି ୧୨ଟାରେ ଉପସ୍ଥାପନ କରାଯିବ। ବାଚସ୍ପତି ଓମ୍ ବିର୍ଲା ଏ ନେଇ ୮ ଘଣ୍ଟା ଆଲୋଚନା ପାଇଁ ସମୟ ଧାର୍ଯ୍ୟ କରିଛନ୍ତି। ତେବେ ବିଲ୍‌ ବାବଦ ଆଲୋଚନା ଏହି ସମୟ ପର୍ଯ୍ୟାପ୍ତ ନୁହେଁ, ଏହି ଆଲୋଚନା ୧୨ ଘଣ୍ଟା ହେବା ଦରକାର ବୋଲି ବିରୋଧୀ ଦଳମାନେ ଦାବି କରିଛନ୍ତି।