ଲୋକସଭା ନିର୍ବାଚନ ଲଢ଼ିବେ ମନହୋର!
ନୂଆଦିଲ୍ଲୀ: ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ୍ ଖଟ୍ଟରଙ୍କ ଇସ୍ତଫା । ରାଜ୍ୟପାଳଙ୍କୁ ଭେଟି ଇସ୍ତଫାପତ୍ର ଦେଲେ ମନୋହର ଲାଲ୍ ।ଲୋକସଭା ନିର୍ବାଚନ ପୂର୍ବରୁ ଆସନ ବୁଝାମଣାକୁ ନେଇ ବିଜେପି ଏବଂ ଜେଜେପି ଭିତରେ ମତାନ୍ତରର ଖବର ଶୁଣିବାକୁ ମିଳୁଛି । ଏହି କାରଣରୁ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଇସ୍ତଫା ଦେଇଛନ୍ତି ।
କ୍ୟାବିନେଟ ଭଙ୍ଗ କରିବା ପରେ ହରିୟାଣାନାରେ ସ୍ୱାଧୀନ ବିଧାୟକଙ୍କ ସମର୍ଥନରେ ରାଜ୍ୟରେ ବିଜେପି ସରକାର ଗଠନ କରିବ ବୋଲି ଜଣାଯାଇଛି । ଅନ୍ୟପଟେ ହରିୟାଣାର ସ୍ୱାଧୀନ ବିଧାୟକ ନୟନ ପାଲ ରାୱତ କହିଛନ୍ତି, ମନୋହର ଲାଲଙ୍କ ନେତୃତ୍ୱରେ ସରକାରଙ୍କୁ ଆମେ ସମର୍ଥନ କରିସାରିଛୁ । ଏପରିକି ଲୋକ ସଭା ନିର୍ବାଚନ ପାଇଁ ରଣନୀତି ସମ୍ପର୍କରେ ମଧ୍ୟ ଆଲୋଚନା କରାଯାଇଥିବା ସେ କହିଛନ୍ତି । ଏପରିକି ମନୋହର ଲାଲଙ୍କ ଇସ୍ତଫା ପରେ ସେ ଲୋକ ସଭା ନିର୍ବାଚନ ଲଢ଼ିବେ ବୋଲି ଏକ ବିଶେଷ ସୂତ୍ରରୁ ଜଣାପଡିଛି ।
ଜେଜେପି ନେତା ଦୁଷ୍ୟନ୍ତ ଚୌତାଲା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡାଙ୍କୁ ଭେଟି ରାଜ୍ୟର ଦୁଇ ସହଯୋଗୀଙ୍କ ମଧ୍ୟରେ ଆସନ ବୁଝାମଣା ବିଷୟରେ ଆଲୋଚନା କରିବାର ଗୋଟିଏ ଦିନ ପରେ ହରିୟାଣାର ରାଜନୈତିକ ମାହୋଲ ପୂରା ବଦଳିଛି ।
Click it and Unblock the Notifications
Sign in with Google