ବିଜେପି ମନହୋରଙ୍କୁ କଲା ପ୍ରାର୍ଥୀ , ଖଟ୍ଟର କହିଲେ ୨୦୪୭ ସୁଦ୍ଧା ଭାରତ ହେବ....
ନୂଆଦିଲ୍ଲୀ: ଲୋକସଭା ନିର୍ବାଚନ ପାଇଁ ବିଜେପି ତାହାର ପ୍ରାର୍ଥୀଙ୍କ ଦ୍ୱିତୀୟ ତାଲିକା ପ୍ରକାଶ କରିଛି । ଦ୍ୱିତୀୟ ତାଲିକାରେ ୭୨ ଜଣ ପ୍ରାର୍ଥୀଙ୍କ ନାମ ଅଛି । କର୍ଣ୍ଣାଟକ ମହାରାଷ୍ଟ୍ରରୁ ୨୦ ଜଣ ଲେଖାଏଁ ପ୍ରାର୍ଥୀଙ୍କୁ ଟିକେଟ ଦେଇଛି ବିଜେପି । ମଧ୍ୟପ୍ରେଦଶରୁ ୫, ତେଲେଙ୍ଗାନାରୁ ୬, ହରିୟାଣାର ୬ ପ୍ରାର୍ଥୀଙ୍କୁ ଟିକେଟ ମିଳିଛି । ଗୁଜରାଟରୁ ୭, ଦିଲ୍ଲୀରୁ ୨, ହିମାଚଳରୁ ୨ ଜଣଙ୍କୁ ଟିକେଟ । ଉତ୍ତରାଖଣ୍ଡରୁ ୨, ତ୍ରିପୁରାରୁ ଜଣେ ଜାମନଡ୍ୟୁରୁ ଜଣେ ନେତାଙ୍କୁ ମିଳିଛି ଟିକେଟ ।
କେନ୍ଦ୍ରମନ୍ତ୍ରୀ ଅନୁରାଗ ଠାକୁରଙ୍କୁ ହିମାଚଳର ହମିରପୁର ଲୋକସଭା ଆସନରୁ ପ୍ରାର୍ଥୀ କରାଯାଇଛି । ଅନ୍ୟ ପ୍ରାର୍ଥୀମାନେ ହେଲେ ଧାରୱାଡରୁ ପ୍ରହ୍ଲାଦ ଯୋଶୀ, ନାଗପୁରରୁ ନୀତିନ ଗଡକରୀ ଏବଂ କର୍ନାଲରୁ ମନୋହର ଲାଲ ଖଟ୍ଟର । ଆଉ ଖଟ୍ଟରଙ୍କୁ ବିଜେପି ପ୍ରାର୍ଥୀ କରିବା ପରେ ଏକ୍ସ ରେ ପୋଷ୍ଟ କରି ମନେ।ହର କହିଛନ୍ତି, 'ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଜାତୀୟ ରାଷ୍ଟ୍ରିୟଧ୍ୟକ୍ଷ ଜେ.ପି. ନଡ୍ଡାଙ୍କୁ କୃତଜ୍ଞତା ଜଣାଉଛି ।
ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଆମେ ଦେଶରେ ୪୦୦ ଟି ସିଟ୍ ଜିତି ୨୦୪୭ ସୁଦ୍ଧା ଭାରତକୁ ଏକ ବିକଶିତ ଦେଶ କରିବା ଲକ୍ଷ୍ୟ ହାସଲ କରିବା ଦିଗରେ ସମ୍ପୂର୍ଣ୍ଣ ନିଷ୍ଠାର ସହିତ କାର୍ଯ୍ୟ କରିବୁ । ମୋର ମୁଖ୍ୟମନ୍ତ୍ରୀ ଥିବାବେଳେ ହରିୟାଣାର ପ୍ରତ୍ୟେକ ନାଗରିକ ମୋତେ ଦେଇଥିବା ଭଲପାଇବା ଏବଂ ଆଶୀର୍ବାଦ ପାଇଁ ମୋର ମା, ଭଉଣୀ ଏବଂ ଝିିଅଙ୍କ ସମେତ ସମସ୍ତ ନାଗରିକଙ୍କୁ ମୁଁ ହୃଦୟରୁ କୃତଜ୍ଞତା ଜଣାଉଛି ।
ମୋର ସମ୍ପୂର୍ଣ୍ଣ ଆତ୍ମବିଶ୍ୱାସ ଅଛି ଯେ କର୍ଣ୍ଣଲ ଲୋକସଭା ପାଇଁ ପ୍ରାର୍ଥୀ ଭାବରେ ତୁମେ ମୋତେ ସମାନ ଭଲପାଇବା ଏବଂ ସ୍ନେହ ଦେବ ଯେପରି ତୁମେ ମୋତେ କର୍ଣ୍ଣଲ ବିଧାନସଭାର ବିଧାୟକ ଭାବରେ ଦେଇଥିଲ ବୋଲି କହିଛନ୍ତି ।
Click it and Unblock the Notifications
Sign in with Google