ମନୀଷ କୁମାର ଭର୍ମା ହେଲେ ଜେଡିୟୁର ଜାତୀୟ ସାଧାରଣ ସମ୍ପାଦକ, ବଢ଼ିଲା ନୀତିଶଙ୍କ ଉତ୍ତରାଧିକାରୀ ଚର୍ଚ୍ଚା
ପାଟନା: ପୂର୍ବତନ ଆଇଏଏସ୍ ଅଧିକାରୀ ମନୀଷ କୁମାର ଭର୍ମା ଗତ ମଙ୍ଗଳବାର ଦିନ ଜେଡିୟୁରେ ଯୋଗ ଦେଇଥିଲେ। ଏବେ ମୁଖ୍ୟମନ୍ତ୍ରୀ ନୀତୀଶ କୁମାର ତାଙ୍କୁ ଦଳରେ ଏକ ବଡ଼ ଦାୟିତ୍ୱ ଦେଇଛନ୍ତି। ମନୀଷ କୁମାର ଭର୍ମାଙ୍କୁ ଜେଡିୟୁର ଜାତୀୟ ସାଧାରଣ ସମ୍ପାଦକ କରାଯାଇଛି। ମୁଖ୍ୟମନ୍ତ୍ରୀ ତଥା ଜେଡିୟୁ ରାଷ୍ଟ୍ରୀୟ ସଭାପତି ନୀତୀଶ କୁମାର ଏହି ନିର୍ଦ୍ଦେଶନାମା ତୁରନ୍ତ କାର୍ଯ୍ୟକାରୀ ହେବ ବୋଲି କହିଛନ୍ତି ।
ଉଲ୍ଲେଖ ଥାଉ କି ଦୁଇ ଦିନ ତଳେ ଅବସର ନେଇଥିବା ପୂର୍ବତନ ଆଇଏଏସ ଅଧିକାରୀ ମନୀଷ ଭର୍ମା ବିହାରରେ ନୀତୀଶ କୁମାରଙ୍କ ପାର୍ଟି ଜେଡିୟୁରେ ମିଶିଥିଲେ । ଜେଡିୟୁରେ ଯୋଗଦେବା ମାତ୍ରେ ମନୀଷ କୁମାର ଭର୍ମା କହିଥିଲେ ଯେ ପୂର୍ବରୁ ମୁଁ ନୀତୀଶଙ୍କ ହୃଦୟରେ ଥିଲି ଏବଂ ବର୍ତ୍ତମାନ ମୁଁ ତାଙ୍କ ପାର୍ଟିକୁ ଆସିଛି। ଏଠାରେ ଉପସ୍ଥିତ ଥିବା ସମସ୍ତ ନେତାଙ୍କଠାରୁ କିଛି ଶିଖିବାର ସୁଯୋଗ ମିଳିବ |
ମନୀଷ ଭର୍ମା କହିଥିଲେ ଯେ ଯେତେବେଳେ ମୁଁ ବିହାର ଡେପୁଟେସନ ପାଇଥିଲି, ସେତେବେଳେ ନୀତୀଶ କୁମାରଙ୍କ କାର୍ଯ୍ୟ ମୋତେ ପ୍ରଭାବିତ କରିଥିଲା ଏବଂ ତାଙ୍କ ସହିତ ୫ ବର୍ଷ ସଚିବ ରହି ମୁଁ ତାଙ୍କଠାରୁ ଅନେକ ଅଭିଜ୍ଞତା ହାସଲ କରିଥିଲି। ଯେତେବେଳେ ୨୦୨୧ ମସିହାରେ ମୋର ଡେପୁଟେସନ ଅବଧି ସରିଗଲା ଓ ଓଡ଼ିଶାରୁ ଡାକରା ଆସିଲା, ମୁଁ ଗଲି ନାହିଁ |ଏହାପରେ ନୀତୀଶ କୁମାର ମୋତେ ତାଙ୍କ ପାଖରେ ରଖିଥିଲେ ଏବଂ ମୋତେ ଅନେକ ଦାୟିତ୍ୱ ଦେଇଥିଲେ | ମୁଁ ସେହି ଦିନଠାରୁ ଭାବୁଥିଲି ଯେ ମୁଁ ତାଙ୍କ ଦଳର ସେବା କରିବା ଉଚିତ ଏବଂ ମୋତେ ଏହି ସୁଯୋଗ ମିଳିଛି |
Click it and Unblock the Notifications
Sign in with Google