ମଣିପୁରରେ ଭୟଙ୍କର ସ୍ଥିତି: ପ୍ରତ୍ୟେକ ଦିନ ରୁଜୁ ହେଉଛି ୭୦ଟି ହତ୍ୟା ମାମଲା, ପୋଲିସ ଜୀବନ ମଧ୍ୟ ବିପଦରେ

Updated: Friday, July 21, 2023, 18:54 [IST]

Manipur Violence: ମେ 3 ରେ ମଣିପୁରରେ ଜାତିଗତ ହିଂସା ଆରମ୍ଭ ହେବା ପରେ ମଣିପୁର ପୋଲିସ ଅତି କମରେ 6,000 ମାମଲା ରୁଜୁ କରିଛି। ସୂଚନାନୁସାରେ, ବିଭିନ୍ନ ପୋଲିସ୍ ଷ୍ଟେସନରେ ଥିବା ଏଫ୍ଆଇଆର୍ ଗୁଡିକ ମୁଖ୍ୟତ ଅଜଣା ବ୍ୟକ୍ତିଙ୍କ ବିରୋଧରେ। ଯେଉଁଥିରେ ରହିଛି 70ଟି ହତ୍ୟା ମାମଲା ରହିଛି ।

ବିଭିନ୍ନ ଜିଲ୍ଲାରେ ସଂଘର୍ଷ ସହ ଇମ୍ଫାଲ ଉପତ୍ୟକା ତଥା ପଡୋଶୀ ପାହାଡ ଅଞ୍ଚଳରୁ ଏପର୍ଯ୍ୟନ୍ତ ମୋଟ 657 ଜଣଙ୍କୁ ଗିରଫ କରାଯାଇଛି ବୋଲି ପୋଲିସ କହିଛି । ମଣିପୁର ପ୍ରଶାସନର ବରିଷ୍ଠ ଅଧିକାରୀଙ୍କ ସୂଚନା ଅନୁସାରେ, ବିଭିନ୍ନ ପୋଲିସ ଷ୍ଟେସନରେ 70 ହତ୍ୟା ମାମଲା ରୁଜୁ ହୋଇଛି।

ନ୍ୟୁଜ୍ 18ର ରିପୋର୍ଟ ଅନୁସାରେ, ଏତେ ସଂଖ୍ୟକ ମାମଲା ରୁଜୁ ହେବା ପରେ ମଧ୍ୟ ମଣିପୁରରେ ମାତ୍ର 2,000 ସବ୍-ଇନ୍ସପେକ୍ଟରକୁ ରାଙ୍କର ଅଧିକାରୀଙ୍କୁ ହିଁ ଅନୁସନ୍ଧାନ ପାଇଁ ଅନୁମତି ଦିଆଯାଇଛି। ଅଧିକାରୀ କହିଛନ୍ତି ଯେ ରାଜ୍ୟରେ ଆଇନ ଶୃଙ୍ଖଳା ବଜାୟ ରଖିବା ପୋଲିସ ପାଇଁ ଅଧିକ ଗୁରୁତ୍ୱପୂର୍ଣ୍ଣ ପଦକ୍ଷପ,ବର୍ତ୍ତମାନ ତଦନ୍ତ କେବଳ ପ୍ରାରମ୍ଭିକ ପର୍ଯ୍ୟାୟରେ ଅଛି ।

ଜଣେ ପୋଲିସ ଅଧିକାରୀଙ୍କ ସୂଚନା ଅନୁସାରେ,'ଆମ ପାଖରେ ପ୍ରତିଦିନ ପ୍ରାୟ 75ଟି ମାମଲା ରୁଜୁ ହେଉଛି କିନ୍ତୁ ଯାଞ୍ଚ କରିବା ପାଇଁ ଆମ ପାଖରେ ଯଥେଷ୍ଟ ପୋଲିସ କର୍ମଚାରୀ ନାହଁନ୍ତି । ଆଇନ ଶୃଙ୍ଖଳା ବଜାୟ ରଖିବା ପାଇଁ କିଛି ପୋଲିସ କର୍ମଚାରୀମାନଙ୍କୁ ମଧ୍ୟ ନିୟୋଜିତ କରାଯାଇଛି।

ସେ ଆହୁରି କହିଛନ୍ତି, ଗୋଟିଏ ସମ୍ପ୍ରଦାୟର ପୋଲିସ କର୍ମଚାରୀଙ୍କୁ ଅନ୍ୟ ସମ୍ପ୍ରଦାୟର ଅଞ୍ଚଳକୁ ପଠାଇବାକୁ ଆମକୁ ଭୟ ଲାଗୁଛି କାରଣ ସେଠାରେ ସେମାନଙ୍କ ଜୀବନକୁ ବିପଦରେ ପଡିପାରେ । ଅଭିଯୁକ୍ତଙ୍କୁ ଚିହ୍ନଟ କରିବା ସତ୍ୱେ ସେମାନଙ୍କୁ ସେଠାରୁ ଆଣିବା ମଧ୍ୟ ଏକ କଷ୍ଟକର ହୋଇପଡୁଛି ।

ଏହାସହ ଏହାରି ମଧ୍ୟରେ ପ୍ରାୟ 60 ହଜାର ଲୋକ ଭୂମିହୀନ ହୋଇଯାଇଛନ୍ତି। ମେ ମାସରେ ଆରମ୍ଭ ହୋଇଥିବା ହିଂସା ବର୍ତ୍ତମାନ ପର୍ଯ୍ୟନ୍ତ ଜାରି ରହିଛି। ମଣିପୁରର ମେଟେଇ ଏବଂ କୁକି ସମ୍ପ୍ରଦାୟ ମଧ୍ୟରେ ସଂଘର୍ଷ ଭଙ୍କର ରୁପ ନେଉଛି ।