ଛତିଶଗଡ଼ ବିଜାପୁରରେ ବଡ଼ ଧରଣର ଏନ୍‌କାଉଣ୍ଟର, ଟଳିଲେ ୧୨ ମାଓବାଦୀ, ୩ ଯବାନ ସହିଦ

ଛତିଶଗଡ଼ର ଦାନ୍ତେୱାଡା ଏବଂ ବିଜାପୁର ସୀମାରେ ଏକ ଏନକାଉଣ୍ଟରରେ ୧୨ ଜଣ ନକ୍ସଲବାଦୀ ନିହତ ହୋଇଛନ୍ତି ଏବଂ ତିନି ଜଣ ଯବାନ ସହିଦ ହୋଇଛନ୍ତି। ନକ୍ସଲ ପ୍ରଭାବିତ ବିଜାପୁର ଜିଲ୍ଲାରେ ସୁରକ୍ଷା ବାହିନୀ ଏବଂ ନକ୍ସଲବାଦୀଙ୍କ ମଧ୍ୟରେ ଏହି ଏନକାଉଣ୍ଟର ହୋଇଥିଲା। ଏପର୍ଯ୍ୟନ୍ତ ୧୨ ଜଣ ମାଓ କ୍ୟାଡରଙ୍କ ମୃତଦେହ ଉଦ୍ଧାର କରାଯାଇଛି।

ଏନକାଉଣ୍ଟର ସ୍ଥଳରୁ ଏଲଏମଜି ମେସିନ ଗନ୍, ଏସଏଲଆର ରାଇଫଲ୍, ଇନସାସ୍ ରାଇଫଲ୍ ଏବଂ .୩୦୩ ରାଇଫଲ୍ ଜବତ କରାଯାଇଛି। ଏନକାଉଣ୍ଟର ସମୟରେ ଦୁଇ ଜଣ ଯବାନ ମଧ୍ୟ ଆହତ ହୋଇଛନ୍ତି, କିନ୍ତୁ ସେମାନଙ୍କ ଜୀବନ ବିପଦମୁକ୍ତ। ଅଞ୍ଚଳରେ ନିରନ୍ତର ସନ୍ଧାନ ଅଭିଯାନ ଚାଲିଛି। ଅତିରିକ୍ତ ସଶକ୍ତୀକରଣ ଦଳ ପଠାଯାଇଛି। ଯଥେଷ୍ଟ ଫୋର୍ସ ଅଛି ଏବଂ ଅଞ୍ଚଳକୁ ଘେରାବନ୍ଦୀ କରି ତଲାସି କରାଯାଉଛି।

ବସ୍ତର ଆଇଜି ପି. ସୁନ୍ଦରରାଜ କହିଛନ୍ତି ଯେ ବିଜାପୁର-ଦାନ୍ତେୱାଡା ଆନ୍ତଃଜିଲ୍ଲା ସୀମାର ପଶ୍ଚିମ ବସ୍ତର ଡିଭିଜନାଲ ଅଞ୍ଚଳରେ ଡିଆରଜି ଦାନ୍ତେୱାଡା-ବିଜାପୁର, ଏସଟିଏଫ, ସିଆରପିଏଫ ଏବଂ କୋବ୍ରା ଦଳ ଦ୍ୱାରା ଏକ ମିଳିତ ଅପରେସନରେ ଏହି ନକ୍ସଲମାନଙ୍କୁ ନିହତ କରାଯାଇଛି। ବିଜାପୁର ଡିଆରଜିର ସହିଦ ହୋଇଥିବା ୩ ଜଣ ଯବାନ ହେଲେ ଶହୀଦ ହେଡ କନଷ୍ଟେବଳ ମୋନୁ ୱାଡାଡି, ସହିଦ କନଷ୍ଟେବଳ ଡୁକାରୁ ଗୋଣ୍ଡେ ଓ ଶହୀଦ ଯବାନ ରମେଶ ସୋଡି।