ମହୁଆ ବହିଷ୍କାର ମାମଲା; ଲୋକସଭା ସାଧାରଣ ସମ୍ପାଦକଙ୍କୁ ଉତ୍ତର ମାଗିଲେ ସୁପ୍ରିମକୋର୍ଟ
ସଂସଦର ଶୀତକାଳୀନ ଅଧିବେଶନରେ ଟିଏମସି ନେତା ମହୁଆ ମାଇତ୍ରାଙ୍କୁ ନିଲମ୍ବିତ କରାଯାଇଥିଲା । ସେ ଏହି ନିଷ୍ପତ୍ତିକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ । ବୁଧବାର କୋର୍ଟରେ ତାଙ୍କ ଆବେଦନ ଶୁଣାଣି ହୋଇଥିଲା। ସୁପ୍ରିମକୋର୍ଟ ଲୋକସଭା ସାଧାରଣ ସମ୍ପାଦକଙ୍କୁ ନୋଟିସ ଜାରି କରି ଏହାର ଉତ୍ତର ମାଗିଛନ୍ତି । ସାଧାରଣ ସଚିବଙ୍କୁ 2 ସପ୍ତାହ ମଧ୍ୟରେ ଉତ୍ତର ଦେବାକୁ ପଡିବ | ମାମଲାର ପରବର୍ତ୍ତୀ ଶୁଣାଣି ମାର୍ଚ୍ଚ 11 ରେ ହେବ ।
ସୂଚନାଯୋଗ୍ୟ, କ୍ୟାସ ଫର କ୍ୱେରୀ ମାମଲାରେ ଶୀତ ଅଧିବେଶନରେ ମହୁଆଙ୍କୁ ଲୋକସଭାରୁ ବହିଷ୍କାର କରାଯାଇଥିଲା। ସେ ଲୋକସଭାର ନୈତିକ କମିଟି ବିରୋଧରେ ଅଭିଯୋଗ କରିଛନ୍ତି ତାଙ୍କୁ ମନଇଛା ବହିଷ୍କାର କରାଯାଇଛି। ଏନେଇ ନୀତିଗତ ଭାବେ ଚିନ୍ତା କରାଯାଇ ନାହିଁ। ତାଙ୍କୁ ଲୋକସଭାରେ ନିଜକୁ ରକ୍ଷା କରିବାକୁ ସୁଯୋଗ ଦିଆ ଯାଇ ନଥିବା ତାଙ୍କ ଆବେଦନରେ ମହୁଆ ଉଲ୍ଲେଖ କରିଛନ୍ତି।
Click it and Unblock the Notifications
Sign in with Google